ન્યુઝ કન્ટિન્યુઝ બ્યુરો
મુંબઈ. 14 ડિસેમ્બર 2021
મંગળવાર.
દેશના 23.34 કરોડ એમ્પ્લોય પ્રોવિડન્ટ ફંડ ઓર્ગેનાઇઝેશન (EPFO)ના ખાતેધારકો માટે ખુશખબર છે. સરકારે 2020-21ના વર્ષ માટે ખાતેધારકોના ખાતામાં વ્યાજ જમા કર્યું છે. EPFOની સત્તાવાર વેબસાઈટ પર તેની જાહેરાત કરવામાં આવી છે.
આ વર્ષે ઓક્ટોબર મહિનાં 2020-21 માટે 8.50 ટકા વ્યાજદરની જાહેરાત કરવામાં આવી હતી. તે મુજબ આ વ્યાજ EPFO ખાતાધારકોના ખાતામાં જમા કરવામાં આવ્યું છે.
સોમવારે તેને લગતી એક ટ્વીટ કરવામાં આવી હતી, જેમાં 8.50 ટકાના દરે વ્યાજ ખાતેધારકોના ખાતામાં જમા કરવાની જાહેરાત કરવામાં આવી હતી, તેનાથી કરોડો ખાતાધારકને રાહત થઈ હતી.
ખાતાધારકના ખાતામાં પૈસા જમા થયા કે નહીં તે મોબાઈલ પરથી પણ ચેક થઈ શકશે. ઘરે બેઠા પીએફ બેલેન્સ ચેક કરવા માટે ચાર પર્યાય છે. EPFO વેબસાઈટ પરથી, SMS ના માધ્યમથી અને મિસ કોલ આપીને તેમ જ UMANG App ડાઉનલોડ કરીને આ રકમ ચેક કરી શકાશે.
વેબસાઈટ પરથી બેલેન્સ ચેક કરવા માટે EPFO ની વેબસાઈટ https://www.epfindia.gov.in પર લોગ ઈન કરવું. ઈ-પાસ બુક પર ક્લીક કરવું. ઈ-પાસ બુક પર ક્લીક કર્યા બાદ http://passbook.epfindia.gov.in/ memberpassbook/Login આ નવા પેજ પર જવું ત્યાં પોતાનો UAN નંબર અને પાસવર્ડ તેમ જ કૅપ્ચ નાખવું. તમામ માહીતી ભર્યા બાદ એક નવું પેજ ઓપન થશે. ત્યારે મેમ્બર આઈડી સિલેક્ટ કરો. ત્યાં ઈ-પાસબુકના માધ્યમથી પોતાનું ઈપીએફ બેલેન્સ ચેક કરી શકાશે.
SMS ના માધ્યમથી પણ પીએફ ખાતાનું બેલેન્સ ચેક કરી શકાય છે. તે માટે પોતાના મોબાઈલ નંબરમાં EPFO સાથે રજિસ્ટર્ડ હોવો આવશ્યક છે. રજિસ્ટર્ડ મોબાઈલ પરથી EPFOHO UAN લખીને 7738299899 પર SMS કરવું પડશે. પોતાના બેલેન્સ સંબંધી માહિતી અનેક ભાષામાં મળશે. પોતાને જોઈએ તે ભાષામાં માહિતી માટે તેને ભાષાનો કોડ નાખવો પડશે.
મીસ કોલના માધ્યમથી પણ બેલેન્સ ચેક કરી શકાશે. પીએફ એકાઉન્ટથી જે નંબર લિંક કર્યો હોય તે રજિસ્ટર્ડ નંબર પરથી 011-22901406 નંબર પર મિસ કોલ આપો. મીસ કોલ આપ્યા બાદ તુરંત રજિસ્ટર્ડ નંબર પર મેસેજ આવશે જેમાં પીએફનું બેલેન્સ જાણવા મળશે.
ભૂતપૂર્વ ચીફ જસ્ટિસ રંજન ગોગાઈને તેમની આ વાતની ચૂકવવી પડશે કિંમત? રાજ્યસભામાં આવશે હક્કભંગની નોટિસ જાણો વિગત
UMANG Appના માધ્યમથી પણ બેલેન્સ ચેક કરી શકાશે. તે માટે સ્માર્ટ ફોનમાં પ્લે સ્ટોરમાંથી UMANG App ડાઉનલોડ કરવી, પોતાનો ફોન નંબર રજિસ્ટર કરવો અને એપમાં લોગ-ઈન કરવું. ટોપ પર ડાબી બાજુએ આપેલા મેન્યુ ઓપ્શનમાં જઈને Service directory માં જવું ત્યાં EPF આ પર્યાય આપ્યો છે, તેના પર કલીક કરવું ત્યાં viewPass book માં ગયા બાદ પોતાનો UAN નંબર અને OTP નાખીને બેલેન્સ ચેક કરી શકાય છે.
