News Continuous Bureau | Mumbai
Chhattisgarh : પિથોરા પોલીસે રૂ.8.5 કરોડના ગાંજા સાથે ગાંજાની દાણચોરી કરતા બે આંતરરાજ્ય તસ્કરોની ધરપકડ કરી છે. બંને આરોપીઓ ઓરિસ્સા ( Odisha ) થી ગાંજા ( Ganja ) ના આ કન્સાઈનમેન્ટની દાણચોરી કરીને છત્તીસગઢ થઈને મહારાષ્ટ્ર ( Maharashtra ) લઈ જતા હતા. પોલીસને આ ડ્રગ્સ સામે પોલીસને મોટી સફળતા મળી છે.
પ્રાપ્ત માહિતી મુજબ, પોલીસે એક ટ્રકમાંથી 1725 કિલો ગાંજાનો જથ્થો ઝડપ્યો છે. જેની કિંમત 8.62 કરોડ આંકવામાં આવી છે. છત્તીસગઢમાં આ પહેલો કિસ્સો છે જ્યારે પોલીસે એક સાથે આટલી મોટી માત્રામાં ગાંજાનો જથ્થો ઝડપ્યો હોય.
આજે સવારે પોલીસને મળતી માહિતી મુજબ પાસેથી ઓડિશામાં મોટા જથ્થામાં ગાંજાની દાણચોરીની માહિતી મળી હતી. જે બાદ મહાસમુંદના સિંઘોડા બોર્ડર પોલીસ સ્ટેશનના રેહતીખોલ નાકા પર નાકાબંધી ગોઠવીને ચેકિંગ શરૂ કરવામાં આવ્યું હતું.
ટ્રકમાં 50 પ્લાસ્ટિકની બોરીઓમાં ગાંજાના 862 પેકેટ રાખવામાં આવ્યા હતા….
આ દરમિયાન મળતી માહિતીના આધારે, પોલીસે ટ્રક રોક્યો હતો. જેમાં બે શખ્સો મુસાફરી કરી રહ્યા હતા. પોલીસે તેઓને વાહનમાં ભરેલા સામાન અંગે પૂછતાં બંને શખ્સોએ અસ્પષ્ટ જવાબો આપી હતી. તેમજ પોલીસને ગેરમાર્ગે દોરવાનો પ્રયાસ કર્યો હતો. જે બાદ પોલીસે તેમની કડક પૂછપરછ કરતાં બંનેએ ટ્રકમાં ખાલી કેરેટની નીચે ગાંજાની તસ્કરી કરી મધ્યપ્રદેશ લઈ જવાની કબૂલાત કરી હતી.
આ સમાચાર પણ વાંચો : Walnut Benefits : પોષણનું પાવરહાઉસ છે અખરોટ, દરરોજ પલાળેલા અખરોટ ખાવાથી મળશે આ અઢળક ફાયદા..
જ્યારે પોલીસકર્મીઓએ ટ્રકની તલાશી લીધી તો તેઓ ચોંકી ઉઠ્યા હતા. કારણ કે, ટ્રકમાં 50 પ્લાસ્ટિકની બોરીઓમાં ગાંજાના 862 પેકેટ રાખવામાં આવ્યા હતા. પોલીસ દ્વારા તેનું વજન કરવામાં આવ્યું, ત્યારે તેનું વજન 1725 કિલો હોવાનું જણાયું હતું, જેની અંદાજિત કિંમત 8 કરોડ 62 લાખ 50 હજાર રૂપિયા હોવાનું કહેવાય છે.
પોલીસે ગાંજાના આ કન્સાઈનમેન્ટની દાણચોરી કરનારા બંને આરોપીઓની ધરપકડ કરી છે. જે મહારાષ્ટ્રના જાલના જિલ્લાના રહેવાસી છે. જો કે, સિંઘોડા પોલીસે બંને આરોપીઓ સામે NDPS એક્ટની જોગવાઈઓ હેઠળ યોગ્ય કાર્યવાહી કરી તેમને જેલમાં મોકલી આપ્યા છે. હાલ આ મામલે વધુ તપાસ ચાલુ છે.
