News Continuous Bureau | Mumbai
Dausa News: દૌસા રાજસ્થાનમાં ખાકી ફરી એકવાર શરમજનક સ્થિતિમાં મુકાઈ ગઈ છે. રક્ષક જ ભક્ષક બને તો કોનો ભરોસો કરી શકાય? દૌસામાં સબ ઇન્સ્પેક્ટર દ્વારા 4 વર્ષની માસૂમ બાળકી પર બળાત્કારની ઘટના પ્રકાશમાં આવી છે. આ ઘટના બાદ સમગ્ર વિસ્તારમાં સ્થાનિક લોકોમાં રોષ જોવા મળી રહ્યો છે. આ સમગ્ર મામલો લાલસોટ વિધાનસભા વિસ્તારના રાહુવાસ ગામનો છે. વાસ્તવમાં દૌસાના એસપી વંદિતા રાણાએ વિધાનસભા ચૂંટણીને ધ્યાનમાં રાખીને સબ ઇન્સ્પેક્ટર ભૂપેન્દ્ર સિંહને રાહુવાસ પોલીસ સ્ટેશનમાં ફરજ માટે મોકલ્યા હતા.
અન્ય પોલીસકર્મીના ભાડાના રૂમનો સબ ઈન્સ્પેક્ટર ભૂપેન્દ્ર સિંહ ઉપયોગ કરી રહ્યો હતો. અહીં રાહુવાસ પોલીસ સ્ટેશન વિસ્તારમાં શુક્રવારે પોલીસ સબ-ઇન્સ્પેક્ટર ભૂપેન્દ્ર સિંહે પાડોશમાં રહેતી એક યુવતીને પોતાના રૂમમાં બોલાવી હતી.. આ પછી તે માસૂમ બાળકીને તેના રૂમમાં લઈ ગયો હતો અને તેની પર બળત્કાર ગુર્જાયો હતો.
રાજસ્થાનમાં ફરી એકવાર ખાકી કલંકિત થઈ…
આ ઘટના અંગે યુવતીએ તેના પરિવારજનોને જાણ કરતાં જ સમગ્ર રાહુવાસ વિસ્તારમાં ચકચાર મચી ગઈ હતી અને લોકોના ટોળા ઉમટી પડ્યા હતા. ગ્રામજનોએ પોલીસ સ્ટેશનનો ઘેરાવ કર્યો હતો અને પોલીસ વિરુદ્ધ સૂત્રોચ્ચાર શરૂ કર્યા હતા. આરોપીઓએ સબ-ઇન્સ્પેક્ટરની ધરપકડ અને રાહુવાસ પોલીસ સ્ટેશનના સમગ્ર સ્ટાફને હટાવવાની માંગણી પણ શરૂ કરી હતી. દરમિયાન, લોકોની ભારે ભીડને જોતા, દૌસાથી વધારાના દળોને પણ સ્થળ પર મોકલવામાં આવ્યા હતા.
તેમજ માસૂમ બાળકીના પરિવાર દ્વારા આપવામાં આવેલી ફરિયાદ બાદ એફઆઈઆર નોંધવામાં આવી હતી અને સબ ઈન્સ્પેક્ટર ભૂપેન્દ્ર સિંહની ધરપકડ કરવામાં આવી હતી. આ સમગ્ર ઘટના બાદ રાજસ્થાનમાં ફરી એકવાર ખાકી કલંકિત થઈ છે. લોકો પૂછી રહ્યા છે કે રક્ષક જ ભક્ષક બનશે તો કાયદો અને વ્યવસ્થાની શું હાલત થશે? હવે પોલીસ આ મામલે આગળની કાર્યવાહી કરશે.
શુક્રવારે ભાજપના નેતા કિરોડી લાલ મીણા લાલસોટ વિસ્તારમાં પોલીસ સ્ટેશન પહોંચ્યા, જ્યાં સેંકડો નારાજ પ્રદર્શનકારીઓ પોલીસ અને ગેહલોત સરકાર વિરુદ્ધ સૂત્રોચ્ચાર કરતા જોવા મળ્યા. બાદમાં આ બાબતે બોલતા મીનાએ ANIને કહ્યું, “હું અહીં છોકરીની મદદ કરવા આવ્યો છું. સબ-ઇન્સ્પેક્ટરની ધરપકડ કરવામાં આવી છે. મારા માટે, ચૂંટણી પછી આવે છે, અને મારી પ્રથમ પ્રાથમિકતા પરિવારને ન્યાય અપાવવાની રહેશે. આ શરમજનક ઘટના છે..”
આ મુદ્દે ગુસ્સો વ્યક્ત કરતા ભાજપના પ્રવક્તા શહેઝાદ પૂનાવાલાએ કહ્યું હતું કે, “રાજસ્થાનના દૌસામાં ફરી એકવાર માનવતાને શરમાવે તેવી ઘટના બની છે, જ્યાં તાજેતરમાં પ્રિયંકા ગાંધી વાડ્રા ગયા હતા. રાજસ્થાન પોલીસમાં સબ ઈન્સ્પેક્ટર દ્વારા ચાર વર્ષની બાળકી પર બળાત્કાર ગુજારવામાં આવ્યો છે. પિતા જ્યારે પોલીસ સ્ટેશનમાં કેસ કરવા જાય છે ત્યારે તેમને માર મારવામાં આવે છે…આજે ‘રક્ષક’ પણ ‘ભક્ષક’ બની ગયો છે.
