News Continuous Bureau | Mumbai
Delhi coaching accident: કોચિંગ સેન્ટરોમાં રહેલા જોખમો અને અવારનવાર થતા અકસ્માતોને ધ્યાનમાં રાખીને સુપ્રીમ કોર્ટે સુઓ મોટુ સંજ્ઞાન લીધું છે અને સલામતી માટે માર્ગદર્શિકા બનાવવાનો મોટો આદેશ આપ્યો છે. કોર્ટે દિલ્હીના કોચિંગ સેન્ટરોને ડેથ ચેમ્બર ગણાવ્યા છે. સાથે જ કોર્ટે અરજીકર્તા કોચિંગ સેન્ટર ફેડરેશન પર 1 લાખ રૂપિયાનો દંડ પણ ફટકાર્યો છે.
મહત્વનું છે કે હાઈકોર્ટના આદેશને કોચિંગ ફેડરેશન ઓફ ઈન્ડિયાએ સુપ્રીમ કોર્ટમાં પડકાર્યો હતો. સુપ્રીમ કોર્ટે દિલ્હી હાઈકોર્ટના આદેશને પડકારવા બદલ કોચિંગ સેન્ટર ફેડરેશનના પ્રમુખ, સેક્રેટરી અને ટ્રેઝરર પર 1 લાખ રૂપિયાનો દંડ ફટકાર્યો છે.
Delhi coaching accident: મોદી સરકાર અને દિલ્હીની અરવિંદ કેજરીવાલ સરકારને નોટિસ પાઠવી
દિલ્હીના ઓલ્ડ રાજીન્દર નગરમાં રાઉ આઈએએસ કોચિંગ સેન્ટરમાં થયેલા અકસ્માત અંગે સુપ્રીમ કોર્ટે સ્વતઃ સંજ્ઞાન લીધું છે અને કઠોર વલણ દાખવતા કેન્દ્રની મોદી સરકાર અને દિલ્હીની અરવિંદ કેજરીવાલ સરકારને નોટિસ પાઠવી છે. આ નોટિસમાં બેન્ચે કોચિંગ સેન્ટરોમાં બાળકોની સુરક્ષા માટે માર્ગદર્શિકા બનાવવાનો આદેશ આપ્યો હતો.
આ સમાચાર પણ વાંચો : Raj Thackeray Sharad Pawar: મહારાષ્ટ્રનું મણીપુર ના થાય તેનું ધ્યાન રાખો શરદ પવાર!!! રાજ ઠાકરે એ ચીમકી આપી.
Delhi coaching accident: કોચિંગ સેન્ટરો ડેથ ચેમ્બર બની ગયા
સુનાવણી દરમિયાન ટિપ્પણી કરતી વખતે, ખંડપીઠે કહ્યું કે UPSCની તૈયારી કરી રહેલા ત્રણ વિદ્યાર્થીઓ કોચિંગ સેન્ટરના ભોંયરામાં વરસાદી પાણી ભરાઈ જવાને કારણે ડૂબી જવાથી મૃત્યુ પામ્યા હતા. તમે બાળકોના જીવ સાથે રમી રહ્યા છો. કોચિંગ સેન્ટરો ડેથ ચેમ્બર બની ગયા છે. તેથી, કોચિંગ કેન્દ્રોમાં બાળકોની સલામતી માટે માર્ગદર્શિકા બનાવવી અને તેનું કડકપણે પાલન થાય તેની ખાતરી કરવી મહત્વપૂર્ણ છે.
Delhi coaching accident: ત્રણ વિદ્યાર્થીઓના મોત
જણાવી દઈએ કે 27 જુલાઈના રોજ, દિલ્હીના ઓલ્ડ રાજેન્દ્ર નગર સ્થિત રાઉઝ કોચિંગ સેન્ટરના ભોંયરામાં પાણી ભરાઈ ગયું હતું. ભારે વરસાદ પછી ભોંયરાની બહાર ઘણું પાણી હતું. ત્યારે ત્યાંથી પસાર થતી એક કારને કારણે પાણીના મોજા ઉછળ્યા અને ભોંયરામાં પ્રવેશ્યા. જેના કારણે ભોંયરામાં ઝડપથી પાણી ભરાવા લાગ્યું, જેના કારણે ત્રણ વિદ્યાર્થીઓના મોત થયા. આ પછી કાર ચાલકની ધરપકડ કરવામાં આવી હતી અને ભોંયરું સીલ કરવામાં આવ્યું હતું. હાલ ભોંયરામાં કોચિંગ ક્લાસ ચલાવવા સામે વિદ્યાર્થીઓ પણ વિરોધ કરી રહ્યા છે.
