News Continuous Bureau | Mumbai
Delhi Dwarka Scorpio Accident દેશની રાજધાની દિલ્હીના દ્વારકા વિસ્તારમાં એક ભયાનક સડક દુર્ઘટનાએ માનવતાને હચમચાવી દીધી છે. ૧૭ વર્ષના એક સગીરે માત્ર સોશિયલ મીડિયા પર ‘રીલ્સ’ બનાવવા અને સ્ટંટ કરવા માટે સ્કોર્પિયો કાર પૂરપાટ ઝડપે દોડાવી ૨૩ વર્ષના માસૂમ સાહિલ ધનેશરાનો જીવ લઈ લીધો. સાહિલની માતા ઇન્ના માકન હવે સોશિયલ મીડિયા પર ન્યાય માટે પોકાર કરી રહી છે.ઘટનાની વિગત મુજબ, લાલ બહાદુર શાસ્ત્રી કોલેજ પાસે સવારે ૧૧:૫૭ વાગ્યે પૂરપાટ ઝડપે આવતી સ્કોર્પિયોએ સાહિલની મોટરસાઈકલને જોરદાર ટક્કર મારી હતી. ટક્કર એટલી ભયાનક હતી કે સાહિલનું સ્થળ પર જ મોત નીપજ્યું હતું. આ સ્કોર્પિયોએ રસ્તા કિનારે ઉભેલી એક ટેક્સીને પણ અડફેટે લીધી હતી, જેમાં ડ્રાઈવર અજીત સિંહ ગંભીર રીતે ઘાયલ થયો છે.
“સ્ટંટ મારવાના ચસકામાં મારો દીકરો છીનવાયો”
સાહિલની માતા ઇન્નાએ રડતા રડતા જણાવ્યું કે, “મેં મારા દીકરાને ૨૩ વર્ષ સુધી સિંગલ મધર તરીકે ખૂબ મહેનતથી ઉછેર્યો હતો. એક રઈસઝાદો ઘરેથી લાયસન્સ વગર માત્ર ફન રીલ્સ અને સ્ટંટ મારવા નીકળ્યો અને તેણે મારા બાળકને ઓન ધ સ્પોટ ઉડાવી દીધો.” માતાએ વધુમાં આક્રોશ વ્યક્ત કર્યો કે આરોપી સગીર છે અને તેને બોર્ડની પરીક્ષાનું બહાનું આપીને વચગાળાના જામીન પણ મળી ગયા છે.
લાયસન્સ વગર ચલાવી રહ્યો હતો સ્કોર્પિયો
પોલીસ તપાસમાં બહાર આવ્યું છે કે ૧૭ વર્ષના આરોપી પાસે ડ્રાઈવિંગ લાયસન્સ નહોતું. સ્કોર્પિયો કાર પર કાબૂ ગુમાવતા તેણે પહેલા સાહિલને ટક્કર મારી અને પછી ડિઝાયર કાર સાથે અથડાઈ. પોલીસે સીસીટીવી ફૂટેજ અને વાહનોના દસ્તાવેજો કબજે કર્યા છે. જોકે, ૧૦ ફેબ્રુઆરીએ જુવેનાઈલ જસ્ટિસ બોર્ડ દ્વારા આરોપીને પરીક્ષા આપવા માટે અંતિમ જામીન આપતા સાહિલનો પરિવાર અને સામાન્ય લોકોમાં રોષ જોવા મળી રહ્યો છે.
I lost my son sahil Dhaneshra a 22+ year old young and most talented boy whom I raised for 23 years alone as a single mom ,was killed brutally by a scorpio N bearing no.UP57BM3057 driver is an unlicensed driver and his sister while making speed fun reels in #dwarka #delhipolice pic.twitter.com/RiAx6HkO6x
— Inna Makan (@inna_makan) February 14, 2026
આ સમાચાર પણ વાંચો : Surya Grahan 2026 Rashifal: વર્ષનું પ્રથમ સૂર્યગ્રહણ આજે: જાણો મેષથી મીન સુધી તમામ રાશિઓ પર કેવી થશે અસર; કોના માટે ખુલશે પ્રગતિના દ્વાર?
સગીરો દ્વારા ડ્રાઈવિંગ: કોણ જવાબદાર?
આ કેસે ફરી એકવાર એ ચર્ચા છેડી છે કે સગીરોના હાથમાં વાહન આપનારા વાલીઓ સામે કડક કાર્યવાહી ક્યારે થશે? દિલ્હી પોલીસ અત્યારે આ મામલે મિકેનિકલ તપાસ અને અન્ય પુરાવાઓ એકત્ર કરી રહી છે. પરંતુ સવાલ એ છે કે શું કાયદાની છટકબારીઓનો લાભ લઈને આવા ગુનેગારો છૂટી જશે? સોશિયલ મીડિયા પર લોકો ‘Justice for Sahil’ હેશટેગ સાથે સાહિલની માતાને સમર્થન આપી રહ્યા છે.
