News Continuous Bureau | Mumbai
Delhi Excise Policy Case: અણ્ણા હજારેએ દિલ્હીના મુખ્યમંત્રી અરવિંદ કેજરીવાલની ( Arvind Kejriwal ) ધરપકડ પર એક પત્ર લખ્યો છે. જેમાં તેણે કહ્યું હતું કે દિલ્હી સરકારની દારૂની નીતિ અને તેના દ્વારા કરવામાં આવેલા ભ્રષ્ટાચારના સંદર્ભમાં અરવિંદ કેજરીવાલની ધરપકડથી હું ખૂબ જ દુઃખી છું. સૌથી મોટી વિડંબના એ છે કે ભ્રષ્ટાચાર સામે લડનાર દેશના સૌથી મોટા જનલોકપાલ આંદોલનમાં મારા ભાગીદાર અરવિંદ કેજરીવાલની આ ભ્રષ્ટાચારના કેસમાં ધરપકડ કરવામાં આવી છે.
અણ્ણા હજારેએ ( Anna Hazare ) પત્રમાં આગળ લખ્યું હતું કે, મેં આખું જીવન ભ્રષ્ટાચાર ( corruption ) નિતિ વિરુદ્ધ વિતાવ્યું હતું તે તમામ બાબતોની વિરુદ્ધ જઈને કેજરીવાલે કરોડો ભારતીયોનો વિશ્વાસ તોડ્યો છે. આ પ્રકારના વર્તનથી સામાજિક આંદોલનોમાં કામ કરતા લોકોનો વિશ્વાસ ઉઠી જશે. હવે સ્પષ્ટ છે કે કેજરીવાલ દ્વારા આ પવિત્ર આંદોલનનો રાજકીય લાભ માટે ઉપયોગ કરવામાં આવ્યો હતો.
ભ્રષ્ટાચારના મામલામાં કેજરીવાલની ધરપકડની બાબતથી હું ખૂબ જ દુઃખી છુંઃ અન્ના હજારે…
અણ્ણા હજારેએ પોતાના પત્રમાં આગળ લખ્યું હતું કે, “દિલ્હી સરકારની ( Delhi Government ) દારૂની નીતિ દ્વારા કરવામાં આવેલ ભ્રષ્ટાચાર સામે આવ્યા બાદ મેં પોતે 30 ઓગસ્ટ 2022ના રોજ દિલ્હીના મુખ્યમંત્રી અરવિંદ કેજરીવાલને એક પત્ર લખ્યો હતો. તેમાં મેં તેને કહ્યું હતું કે આ સમગ્ર મામલાની જાણ થતાં હું ચોંકી ગયો હતો અને નિરાશ થયો હતો. આ સમગ્ર મામલાની છેવટ સુધી તપાસ થવી જોઈએ અને મને આશા છે કે સંપૂર્ણ તપાસ બાદ સત્ય લોકો સામે આવશે અને ગુનેગારોને સજા થશે. તેમણે આગળ લખ્યું કે, “રાજકીય મહત્વાકાંક્ષાઓ માટે એક ચળવળનો નાશ કરવામાં આવ્યો. આ બાબતથી ખૂબ જ દુઃખી છે. આજે તે આંદોલનનો રાજકીય વિકલ્પ પણ નિષ્ફળ ગયો છે, આ દુર્ભાગ્યપૂર્ણ છે.
આ સમાચાર પણ વાંચો : New credit card rules in April 2024: SBI કાર્ડ, ICICI બેંક, એક્સિસ બેંક, યસ બેંકના ક્રેડિટ કાર્ડ નિયમોમાં થશે ફેરફાર..
નોંધનીય છે કે, શુક્રવારે (22 માર્ચ) મીડિયા સાથે વાત કરતા અણ્ણા હજારેએ કહ્યું હતું કે જ્યારે આંદોલન દરમિયાન અરવિંદ કેજરીવાલ અને મનીષ સિસોદિયા અમારી સાથે આવ્યા હતા. ત્યારે મેં બંનેને દેશના કલ્યાણ માટે કામ કરવાનું કહ્યું હતું. પરંતુ, બંનેએ મારી વાત પર ધ્યાન ન આપ્યું. કેજરીવાલે પણ મારી વાત સાંભળી નહીં. આવી સ્થિતિમાં હું તેમને કોઈ સલાહ નહીં આપીશ અને સાથે જ હું કેજરીવાલની હાલતથી દુઃખી પણ નથી.
