News Continuous Bureau | Mumbai
Kedarnath Viral Video: ઉત્તરાખંડમાં આવેલું કેદારનાથ મંદિર દેશના 12 જ્યોતિર્લિંગોમાંનું એક છે. આ મંદિર વિશે અનેક રહસ્યો કહેવામાં આવે છે. આ એક દૈવી ચમત્કાર કહેવાય છે કારણ કે ભયાનક પૂર વખતે આ મંદિર જેવું હતું તેવું જ રહ્યું. કેદારનાથ ધામ મંદિરમાં એક પછી એક વિવાદ ચાલી રહ્યો છે. એક વિવાદનું સમાધાન નથી થતું, ત્યાં બીજો વિવાદ માથું ઉંચકતુ આવી જાય છે. તાજેતરમાં કેદારનાથ મંદિરમાં સોનાને પોલિશ કરવાને લઈને વિવાદ થયો હતો. હવે વધુ એક વીડિયોએ વિવાદ ઉભો કર્યો છે. આ વખતે કારણ હતું કેદારનાથ ગર્ભમાં મહિલાએ ફેંકેલા પૈસા.. આ વીડિયો સોશિયલ મીડિયા પર ઝડપથી વાયરલ થઈ રહ્યો છે.
કેદારનાથ ગભરામાં મહિલાએ ફેંકેલા પૈસા
સોશિયલ મીડિયા પર વાયરલ થઈ રહેલા એક વીડિયોમાં એક મહિલા જ્યોતિર્લિંગ પર પૈસા ફેંકતી જોવા મળી રહી છે. એવું લાગે છે કે આ મહિલા સાથે કેટલાક પૂજારીઓ ત્યાં હાજર છે. તેઓએ મહિલાની હરકતો જોઈને તેને રોકવાનો પ્રયાસ પણ કર્યો ન હતો. જેથી રોષ વ્યક્ત કરવામાં આવી રહ્યો છે. આ વીડિયો એક અઠવાડિયા પહેલાનો છે અને બે દિવસ પહેલા સોશિયલ મીડિયા પર વાયરલ થઈ રહ્યો છે. આ વિડિયોમાં જોવા મળેલી મહિલા કોણ છે? એ હજુ અસ્પષ્ટ છે.
આ સમાચાર પણ વાંચો: વિપ્રોની શેર બાયબેક ઓફર, રોકાણકારો માટે સુવર્ણ તક; વિગતો વાંચો અને લાભ મેળવો!
કરોડો શ્રધ્ધાળુઓનું મંદિરમાં આ પ્રકાર જોઈને આક્રોશ વ્યકત કરવામાં આવી રહ્યો છે. મહિલાએ પૈસા ઉડાવી દેતાં શ્રદ્ધાળુઓએ નારાજગી વ્યક્ત કરી હતી. એટલું જ નહીં, પૂજારી મહિલાની નજીક ઊભા રહીને મંત્રોચ્ચાર કરતા જોવા મળે છે.
તપાસના આદેશ આપ્યા છે…
વાયરલ વીડિયો બાદ બદરી કેદાર મંદિર સમિતિએ તેની નોંધ લીધી છે અને તપાસના આદેશ આપ્યા છે. સમિતિએ કહ્યું, “ડીએમ મયુર દીક્ષિત અને પોલીસ અધિક્ષકને આ વીડિયોની નોંધ લેવા અને વીડિયોની તપાસ કરવા કહ્યું છે. આ કેસમાં આરોપીઓ સામે કડક કાર્યવાહીના આદેશ આપવામાં આવ્યા છે. તે જ સમયે, બદરી કેદાર ધામના અધિકારીઓ પાસેથી ખુલાસો માંગવામાં આવ્યો છે.”
બીજી તરફ રૂદ્રપ્રયાગના ડીએમ મયુર દીક્ષિતે (DM Mayur Dixit) કેદારનાથ મંદિર પરિસરમાં પૈસા ઉડાડવાના મામલામાં મહિલા વિરુદ્ધ FIR દાખલ કરવાનો આદેશ આપ્યો છે. આ અંગે મંદિર સમિતિના કર્મચારીઓને પણ પૂછવામાં આવ્યું છે.
