News Continuous Bureau | Mumbai
Uniform Civil Code: ઉત્તરાખંડ કેબિનેટે મુખ્ય પ્રધાન પુષ્કર સિંહ ધામીની ( Pushkar Singh Dhami ) અધ્યક્ષતામાં યોજાયેલી બેઠકમાં સમાન નાગરિક સંહિતા ( UCC ) પરના ડ્રાફ્ટને ( UCC Draft ) મંજૂરી આપી દીધી છે. યુસીસી અંગેની આ બેઠક મુખ્યમંત્રીના નિવાસસ્થાને મળી હતી. UCC ડ્રાફ્ટ રિપોર્ટની કેબિનેટની મંજૂરી સાથે, સરકાર 6 ફેબ્રુઆરીના રોજ ઉત્તરાખંડ વિધાનસભા સત્ર ( Uttarakhand Assembly Session ) દરમિયાન UCC બિલ રજૂ કરવા માટે તૈયાર છે. સુપ્રીમ કોર્ટના નિવૃત્ત ન્યાયાધીશ રંજના પ્રકાશ દેસાઈની આગેવાની હેઠળની યુસીસી ડ્રાફ્ટિંગ કમિટીએ શુક્રવારે મુખ્ય પ્રધાન પુષ્કર સિંહ ધામીને ડ્રાફ્ટ સુપરત કર્યો હતો.
ઉત્તરાખંડની ધામી સરકારે રવિવારે સાંજે 6 વાગ્યે કેબિનેટની બેઠક ( Cabinet meeting ) બોલાવી હતી. આમાં UCC ડ્રાફ્ટ રજૂ કરવામાં આવ્યો હતો. આ દરમિયાન સીએમ પુષ્કર સિંહ ધામી સહિત કેબિનેટ મંત્રીઓએ બિલ પર ચર્ચા કરી હતી. તેમ જ સીએમ ધામીએ શનિવારે પણ યુસીસી ડ્રાફ્ટ પર ચર્ચા કરવા માટે કેબિનેટની બેઠક પણ બોલાવી હતી. આ બેઠકમાં 5 ફેબ્રુઆરીથી શરૂ થનારા વિધાનસભા સત્ર અંગે પણ ચર્ચા કરવામાં આવી હતી.
UCC ડ્રાફ્ટ તૈયાર કરવા માટે ધામી સરકારે 2022માં પાંચ સભ્યોની સમિતિની રચના કરી હતી..
ઉલ્લેખનીય છે કે, ઉત્તરાખંડમાં UCC લાગુ કરવાની તૈયારીઓ પૂરજોશમાં ચાલી રહી છે. આવી સ્થિતિમાં ઉત્તરાખંડ પહેલું રાજ્ય બની શકે છે. જ્યાં સમાન નાગરિક કાયદો લાગુ કરવામાં આવશે. રાજ્યમાં યુનિફોર્મ સિવિલ કોડ લાગુ કરવા માટે, યુસીસી કમિટીના ચેરપર્સન જસ્ટિસ રંજના પ્રકાશ દેસાઈએ ડ્રાફ્ટ કમિટીના સભ્યો સાથે યુસીસીનો ડ્રાફ્ટ રિપોર્ટ ઉત્તરાખંડના મુખ્યમંત્રી પુષ્કર સિંહ ધામીને સુપરત કર્યો છે. ધામી સરકારે 27 મે 2022ના રોજ UCC માટે પાંચ સભ્યોની સમિતિની રચના કરી હતી.
આ સમાચાર પણ વાંચો : Maulana Salman Azhari: ઉશ્કેરણીજનક ભાષણ આપનાર મૌલાના સલમાન અઝહરીની ગુજરાત પોલીસે કરી ધરપકડ, સમર્થકોએ મચાવ્યો હંગામો; જુઓ વિડીયો
નોંધનીય છે કે, પીએમ મોદીએ તાજેતરમાં તેમની ભોપાલ રેલીમાં કહ્યું હતું કે દેશ બે અલગ અલગ કાયદા પર ચાલી શકે નહીં અને સમાન નાગરિક સંહિતા બંધારણના સ્થાપક સિદ્ધાંતો અને આદર્શોને અનુરૂપ છે. બંધારણ પણ સમાન અધિકારોની વાત કરે છે. સુપ્રીમ કોર્ટે પણ UCC લાગુ કરવા કહ્યું છે. તેથી દેશમાં સમાન નાગરિક કાયદો લાગુ થઈને રહેશે.
યુનિફોર્મ સિવિલ કોડ ડ્રાફ્ટના મુખ્ય મુદ્દાઓ-
-છોકરીઓની લગ્નની ઉંમર 18 વર્ષ અને છોકરાઓની લગ્નની ઉંમર 21 વર્ષ હશે.
-લગ્નની સરકારમાં નોંધણી ફરજિયાત રહેશે.
-વારસામાં છોકરીઓને છોકરાઓની જેમ સમાન અધિકાર મળશે.
-લિવ ઇન રિલેશનશિપ વિશે માહિતી આપવી ફરજિયાત રહેશે. આ સ્વ-ઘોષણા જેવું હશે.
-અનુસૂચિત જનજાતિના લોકો આ કાયદાની બહાર રહેશે.
-જ્યાં સુધી એક પત્ની જીવિત છે. ત્યાં સુધી બીજા લગ્ન શક્ય નહીં બને એટલે કે બહુપત્નીત્વ પર પ્રતિબંધ રહેશે.
-છૂટાછેડા માટે પતિ અને પત્ની બંને પાસે સમાન કારણો હોવા જોઈએ. છૂટાછેડાના જે આધારો પતિ માટે લાગુ પડે છે તે જ આધાર પત્ની માટે પણ લાગુ પડશે.
-હલાલા અને ઇદ્દત પ્રથાઓ પર પ્રતિબંધ રહેશે.
