News Continuous Bureau | Mumbai
જે લાભાર્થીઓને બેન્ક ખાતાનું આધાર સિડીંગ બાકી હોય તો તેમની બેન્કમાં જઈ કરાવી શકે છે, અથવા નજીકની પોસ્ટ ઓફિસ શાખાની ઈન્ડીયન પોસ્ટલ પેમેન્ટ બેન્કમાં કોઈપણ ફોર્મ ભર્યા વગર આધારસિડીંગ/DBT Enable વાળુ ખાતુ ખોલાવી શકે છે. સાથોસાથ ઈ-કે.વાય.સી. પણ કરાવી શકે છે. આ માટે લાભાર્થીએ આધારકાર્ડ અને મોબાઈલ નંબર તેમજ રૂબરૂ હાજરી જરૂરી રહેશે.
વધુમાં લેન્ડ સિડીંગ કરાવવા માટે ગ્રામ્ય કક્ષાએ તલાટી/સિટી તલાટી અને ગ્રામસેવકનો રૂબરૂ સંપર્ક કરી જમીનના ખાતા નં., સર્વે નં., હક્ક પત્ર તથા અધારકાર્ડની નકલ આપી લેન્ડ સિડીંગ કરી શકાશે.
આ સમાચાર પણ વાંચો : સુરત સિવિલ હોસ્પિટલમાં બીજી વખત ‘કોક્લિયર ઈમ્પ્લાન્ટ’ની સફળ સર્જરી: જન્મથી મૂકબધિર બે ભૂલકાઓને મળી નવી જિંદગી
ભારત સરકાર દ્વારા આ યોજનાનો લાભ ‘આધાર બેઝ્ડ’ પેમેન્ટના અનુસાર કરવામાં આવે છે, અર્થાત લાભાર્થી ખેડૂતોના આધાર સિડેડ બેન્ક એકાઉન્ટમાં સહાયની રકમ ચૂકવવામાં આવશે. જેથી પી.એમ.કિસાન સન્માન નિધિ હેઠળ આગામી ૧૪મા હપ્તાનો લાભ મેળવવા લાભાર્થી ખેડૂતોએ ફરજિયાત લેન્ડ સિડીંગ, E-KYC અને બેંક ખાતામાં આધાર સિડીંગ કરાવી લેવા જિલ્લા ખેતીવાડી અધિકારીશ્રી, જિલ્લા પંચાયતની યાદીમાં જણાવાયું છે.
