News Continuous Bureau | Mumbai
EChallan Rules Update ભારત સરકારના રોડ ટ્રાન્સપોર્ટ અને હાઈવે મંત્રાલય દ્વારા કેન્દ્રીય મોટર વાહન નિયમોમાં સુધારો કરીને ઈચલણ (EChallan) પ્રક્રિયાને વધુ પારદર્શક અને કડક બનાવવામાં આવી છે, જે અંતર્ગત હવે નિયત સમયમાં દંડ ન ભરનારના વાહનો બ્લોક થઈ જશે.
E-Challan Rules Update – ફરિયાદ માટે 45 દિવસની સમયમર્યાદા
નવા નિયમો મુજબ, જો કોઈ વાહનચાલકને ટ્રાફિક દંડ (Traffic Fine) બાબતે કોઈ ફરિયાદ કે વાંધો હોય, તો ચલણ જારી થયાના 45 દિવસની અંદર તેમણે ‘ઈ-ચલણ પોર્ટલ’ (E-Challan Portal) પર ઓનલાઈન રજૂઆત કરવાની રહેશે. જો આ સમયગાળામાં કોઈ ફરિયાદ કરવામાં નહીં આવે, તો સિસ્ટમ દ્વારા તેને આપોઆપ સ્વીકૃતિ ગણી લેવામાં આવશે. ત્યારબાદના 30 દિવસમાં દંડની રકમ ભરપાઈ કરવી ફરજિયાત છે.
E-Challan Rules Update – ‘વાહન પોર્ટલ’ પર સેન્ટ્રલ બ્લોકિંગની જોગવાઈ
જો વાહનચાલક નિયત સમયમર્યાદામાં દંડની રકમ નહીં ભરે, તો તેનું વાહન ‘વાહન પોર્ટલ’ (Vahan Portal) પર ‘Not to be transacted’ કેટેગરીમાં બ્લોક કરી દેવામાં આવશે. આ સ્થિતિમાં વાહન માલિક આર.સી. બુક (RC Book), લાયસન્સ પ્રક્રિયા કે અન્ય કોઈપણ વહીવટી સેવાઓનો લાભ લઈ શકશે નહીં. આ જોગવાઈનો મુખ્ય ઉદ્દેશ્ય ટ્રાફિક નિયમોના પાલન (Compliance) પ્રત્યે ગંભીરતા વધારવાનો છે.
E-Challan Rules Update – લાયસન્સ સસ્પેન્શન અંગે કડક કાર્યવાહી
નવા સુધારાની સૌથી નોંધપાત્ર અને કડક જોગવાઈ એ છે કે, જો કોઈ ડ્રાઈવરને એક વર્ષમાં 5 કે તેથી વધુ ઈ-ચલણ (E-Challan) મળે છે, તો તેનું ડ્રાઈવિંગ લાયસન્સ (Driving License) સસ્પેન્ડ કરવાની કાયદેસરની કાર્યવાહી કરવામાં આવશે. ઉપરાંત, જો ફરિયાદ નકારવામાં આવે, તો 30 દિવસમાં બાકી રકમ ભરવી પડશે અથવા 50% રકમ ડિપોઝિટ (Deposit) તરીકે જમા કરાવી કોર્ટમાં અપીલ કરવી પડશે.
👉 આ સમાચાર વાચો:
Central Railway Traffic Block મુંબઈ લોકલ માટુંગાકુર્લા વચ્ચે મધરાત્રિએ સ્પેશિયલ બ્લોક; ટ્રેન સેવા થશે પ્રભાવિત…
