News Continuous Bureau | Mumbai
Badrinath-Kedarnath Entry Rules: શ્રી બદરીનાથ કેદારનાથ મંદિર સમિતિ (BKTC) ના પ્રમુખ હેમંત દ્વિવેદીએ આ મહત્વપૂર્ણ નિર્ણયની જાણકારી આપી છે. તેમણે જણાવ્યું કે બદરીનાથ અને કેદારનાથ સહિત સમિતિના હસ્તકના તમામ મંદિરોમાં બિન-હિંદુઓના પ્રવેશ પર પ્રતિબંધ રહેશે. અગાઉ હરિદ્વારમાં હર કી પૌડી વિસ્તારમાં પણ આવા બોર્ડ લગાવવામાં આવ્યા હતા, જે બાદ હવે ધામોમાં પણ આ નિયમ લાગુ કરાશે.હેમંત દ્વિવેદીના મતે, દેવભૂમિ ઉત્તરાખંડની સાંસ્કૃતિક અને ધાર્મિક પરંપરાઓની રક્ષા કરવી એ સર્વોપરી છે અને લાંબા સમયથી ચાલી આવતી પરંપરાઓનું પાલન થાય તે સુનિશ્ચિત કરવામાં આવશે.
પરંપરાઓની રક્ષા માટે પ્રસ્તાવ
BKTC પ્રમુખે દાવો કર્યો હતો કે કેદાર ખંડથી લઈને માનસ ખંડ સુધીના મંદિરોમાં પરંપરાગત રીતે બિન-હિંદુઓનો પ્રવેશ પ્રતિબંધિત રહ્યો છે, પરંતુ અગાઉની બિન-ભાજપ સરકારોના સમયમાં આ પરંપરાઓનું ઉલ્લંઘન થતું રહ્યું હતું. આથી હવે સમિતિ આગામી બોર્ડ બેઠકમાં વિધિવત પ્રસ્તાવ પસાર કરીને આ નિયમને કડકાઈથી લાગુ કરવાની તૈયારી કરી રહી છે.
આ સમાચાર પણ વાંચો : Navi Mumbai Crime: તુર્ભેમાં મોબાઈલ શોપમાં ચોરી કરનાર ૪ રીઢા ગુનેગારો ઝડપાયા, નવી મુંબઈ પોલીસે ૨૪ કલાકમાં લાખોનો મુદ્દામાલ રિકવર કર્યો
મુખ્યમંત્રી ધામીના પગલાંનું સમર્થન
હેમંત દ્વિવેદીએ મુખ્યમંત્રી પુષ્કર સિંહ ધામી દ્વારા રાજ્યમાં લેવામાં આવેલા નિર્ણયોની પ્રશંસા કરી હતી. તેમણે જણાવ્યું કે પ્રદેશમાં ગેરકાયદે મઝારો હટાવવાની કાર્યવાહી, યુનિફોર્મ સિવિલ કોડ (UCC) લાગુ કરવો અને કડક નકલ વિરોધી કાયદો લાવવા જેવા પગલાંથી સરકાર પ્રત્યે જનતાનો વિશ્વાસ વધ્યો છે. રાજ્ય સરકાર અને મંદિર સમિતિના સમન્વયથી દેવભૂમિની પવિત્રતા જાળવવામાં આવશે.
