News Continuous Bureau | Mumbai
PM Modi ભારત અને ઇઝરાયેલ બંનેએ આતંકવાદ વિરુદ્ધ અત્યંત કડક વલણ અપનાવ્યું છે. વડા પ્રધાન નરેન્દ્ર મોદી અને ઇઝરાયેલના પીએમ બેન્જામિન નેતન્યાહુ વચ્ચે ફોન પર વાતચીત થઈ હતી, ત્યારબાદ ઇઝરાયેલી વડા પ્રધાન કાર્યાલય (PMO) એ દાવો કર્યો છે કે બંને નેતાઓ ટૂંક સમયમાં મુલાકાત કરશે. દિલ્હી બ્લાસ્ટ પછી આ બંને નેતાઓ વચ્ચેની પ્રથમ મુલાકાત હશે.
ઇઝરાયેલી PMO દ્વારા જાહેરાત
ઇઝરાયેલી PMO એ ફોન પર થયેલી આ વાતચીત વિશે સોશિયલ મીડિયા પર નિવેદન બહાર પાડ્યું કે ,”હૂંફાળી અને મૈત્રીપૂર્ણ વાતચીતના અંતે બંને નેતાઓ ખૂબ જ જલ્દી મળવા માટે સંમત થયા.” આ મુલાકાત લાંબા સમયથી અપેક્ષિત હતી અને ઇઝરાયેલના મંત્રીઓ દ્વારા ભારતમાં તાજેતરમાં થયેલા ઉચ્ચ-સ્તરીય પ્રવાસો પછી યોજાશે.
આતંકવાદ સામે સંયુક્ત મોરચો
ભારત અને ઇઝરાયેલ બંને આતંકવાદનો ભોગ બનેલા દેશો છે અને બંને નેતાઓ આતંકવાદ સામે ઝીરો ટોલરન્સની નીતિ ધરાવે છે. ફોન પરની વાતચીત દરમિયાન પણ બંને નેતાઓએ આતંકવાદ વિરુદ્ધ સખત વલણ અપનાવ્યું હતું.બંને દેશો આતંકવાદ પર બેવડું વલણ અપનાવતા દેશોની આકરી ટીકા કરે છે. આતંકવાદનો સામનો કરવા માટે ભારત અને ઇઝરાયેલ કોઈ નક્કર અને સંયુક્ત યોજના બનાવી શકે છે. આ કારણે પાકિસ્તાનમાં ખળભળાટ મચવો નિશ્ચિત છે.
આ સમાચાર પણ વાંચો : Hydrogen Train: હાઇડ્રોજન ટ્રેનનો જમાનો દેશની પહેલી હાઇડ્રોજન ટ્રેન હવે દોડવા તૈયાર, જાણો આ ‘ગ્રીન ટ્રેન’ની વિશેષતાઓ!
વ્યૂહાત્મક ભાગીદારી અને FTA
ભારત અને ઇઝરાયેલ વચ્ચે ગાઢ વ્યૂહાત્મક ભાગીદારી છે. બંને દેશો મુક્ત વેપાર કરાર (FTA) પર હસ્તાક્ષરની દિશામાં ઝડપથી આગળ વધી રહ્યા છે. ઇઝરાયેલના નાણા મંત્રીના ભારત પ્રવાસ દરમિયાન દ્વિપક્ષીય નિવેશ સંધિ પર હસ્તાક્ષર કરવામાં આવ્યા હતા.ઇઝરાયેલે દિલ્હીમાં થયેલા વિસ્ફોટોને કારણે નેતન્યાહુનો પ્રવાસ ટળી જવાની અફવાઓને નકારી કાઢી છે. ઇઝરાયેલે ભારતની સુરક્ષા વ્યવસ્થા પર “સંપૂર્ણ વિશ્વાસ” વ્યક્ત કર્યો છે.
