News Continuous Bureau | Mumbai
Free Aadhaar Update: આજે 14 જૂન છે, 10 વર્ષથી જૂના આધાર કાર્ડને મફતમાં અપડેટ કરવાની આજે છેલ્લો દિવસ હતો. જોકે હવે ફરી એકવાર આ સમયમર્યાદા લંબાવવામાં આવી છે. હવે આગામી ત્રણ મહિના સુધી આ કામ મફતમાં કરી શકાશે. મફત આધાર કાર્ડ અપડેટ કરવાની સમયમર્યાદા વધારીને 14 સપ્ટેમ્બર, 2024 કરવામાં આવી છે. મહત્વનું છે કે સરકારને 10 વર્ષથી જૂના આધારને અપડેટ કરવા માટે કહેવામાં આવ્યું છે. આ સૂચનાઓ લોકોની સુરક્ષાને ધ્યાનમાં રાખીને આપવામાં આવી છે જેથી કોઈ વ્યક્તિ તમારા આધાર કાર્ડનો દુરૂપયોગ ન કરી શકે.
Free Aadhaar Update: આ સુવિધા ઓનલાઈન આધાર અપડેટ પર ઉપલબ્ધ થશે
UIDAI અનુસાર, આધાર કાર્ડને ફ્રીમાં અપડેટ કરવાની આ સુવિધા માત્ર ઓનલાઈન પ્રક્રિયા દ્વારા જ ઉપલબ્ધ છે. આધાર વપરાશકર્તાઓ તેમના ઘરનું સરનામું, ફોન નંબર, નામ, ઈમેલ આઈડી વગેરેને મફતમાં ઓનલાઈન અપડેટ કરવા માટે આ સુવિધાનો લાભ લઈ શકે છે. આ કામ કરવા માટે તમારે ઓળખના પુરાવા અને અન્ય મહત્વપૂર્ણ દસ્તાવેજોની જરૂર પડશે. પરંતુ જો આધાર યૂઝર્સ આ કામ કોમન સર્વિસ સેન્ટર એટલે કે CSCથી કરાવે છે, તો તેમણે 50 રૂપિયા ચાર્જ ચૂકવવો પડશે.
Free Aadhaar Update: આધાર અપડેટ કરવું ફરજીયાત નથી
સાથે જ UIDAI એ સ્પષ્ટ કર્યું છે કે આધાર અપડેટ કરવું ફરજીયાત નથી. પરંતુ જો તમારું આધાર કાર્ડ જૂનું છે તો તેને અપડેટ કરવું તમારા ફાયદામાં છે. જો તમે તમારું 10 વર્ષ જૂનું આધાર અપડેટ ન કરો તો પણ તમારું આધાર કાર્ડ હજી પણ તે જ રીતે કામ કરશે જેવું તે અત્યાર સુધી કરતું આવ્યું છે. તેથી ગભરાવાની જરૂર નથી. પરંતુ જો તમારું સરનામું વગેરે લાંબા ગાળામાં બદલાઈ ગયું હોય, તો તે બદલવું તમારા માટે અનુકૂળ રહેશે.
આ સમાચાર પણ વાંચો : Russia-Ukraine war : રશિયન રાષ્ટ્રપતિ વ્લાદિમીર પુતિન યુક્રેન સામેના યુદ્ધને રોકવા માટે થયા સંમત, પણ મૂકી આ બે શરત..
Free Aadhaar Update: આ રીતે આધાર કાર્ડ અપડેટ કરો
- સૌ પ્રથમ સત્તાવાર વેબસાઇટ https://uidai.gov.in/ પર જાઓ.
- આ પછી અપડેટ આધારના વિકલ્પ પર ક્લિક કરો.
- હવે આધાર નંબર દાખલ કરીને OTP દ્વારા લોગિન કરો.
- હવે તમારે આધાર કાર્ડ અપડેટ કરવાના વિકલ્પ પર ક્લિક કરવાનું રહેશે.
- સરનામું વિકલ્પ પસંદ કરો.
- આ પછી તમારે Proceed to Update Aadhaar પર ક્લિક કરવાનું રહેશે.
- હવે અપડેટેડ એડ્રેસ સાથે સંબંધિત દસ્તાવેજો અપલોડ કરો.
- અપડેટ વિનંતી સ્વીકારવામાં આવે તે પછી, 14 અંકનો URN નંબર જનરેટ થશે.
- આ નંબર સાચવો. તમારો આધાર થોડા દિવસો પછી અપડેટ થઈ જશે.
- તમે રિક્વેસ્ટ નંબર દ્વારા તમારા આધારનું સ્ટેટસ ચેક કરી શકો છો.
