News Continuous Bureau | Mumbai
G20 Summit : ચીનના રાષ્ટ્રપતિ શી જિનપિંગ આ અઠવાડિયે ભારતમાં યોજાનારી G-20 સમિટમાં ભાગ લેશે નહીં. G-20 સમિટમાં ચીનના વડાપ્રધાન લી કિઆંગ ચીનનું પ્રતિનિધિત્વ કરશે. ચીનના વિદેશ મંત્રાલયે સોમવારે આ જાણકારી આપી. ચીનના વિદેશ મંત્રાલયના પ્રવક્તા માઓ નિંગે એક સંક્ષિપ્ત નિવેદનમાં જણાવ્યું હતું કે ભારત સરકારના આમંત્રણ પર લી કિઆંગ 9 અને 10 સપ્ટેમ્બરે ભારતની રાજધાની નવી દિલ્હીમાં યોજાનારી 18મી જી-20 સમિટમાં ભાગ લેશે.
રશિયાના રાષ્ટ્રપતિ વ્લાદિમીર પુતિન પહેલા જ વડાપ્રધાન નરેન્દ્ર મોદીને જણાવી ચુક્યા છે કે તેમના માટે સમિટમાં ભાગ લેવા માટે ભારત આવવું શક્ય નથી. પુતિને કહ્યું હતું કે તેઓ યુક્રેનમાં ચાલી રહેલા વિશેષ સૈન્ય ઓપરેશન પર ધ્યાન કેન્દ્રિત કરવા માંગે છે.
ગયા વર્ષે નવેમ્બરમાં પણ રશિયન રાષ્ટ્રપતિ જી-20ના બાલી સમિટમાં સામેલ થયા ન હતા. તેમણે કહ્યું કે ભૂતકાળમાં ઘણા નેતાઓએ વિવિધ કારણોસર G-20 સમિટમાં હાજરી આપી ન હતી અને આ યજમાન દેશ વિશે કંઈપણ પ્રતિબિંબિત કરતું નથી.
આ સમાચાર પણ વાંચો : Maratha quota violence: મરાઠા આંદોલન મામલે બેકફૂટ પર આવી શિંદે સરકાર! લાઠીચાર્જ માટે નાયબ મુખ્યમંત્રી દેવેન્દ્ર ફડણવીસે માંગી માફી, આપ્યું આ આશ્વાસન..
ભારત, જૂથના વર્તમાન અધ્યક્ષ તરીકે, નવી દિલ્હીમાં 9 અને 10 સપ્ટેમ્બરના રોજ વાર્ષિક G-20 સમિટનું આયોજન કરશે. G-20 શિખર સંમેલનમાં ચીનના રાષ્ટ્રપતિ હાજરી નહીં આપવાના સમાચાર પહેલા આવ્યા હતા, પરંતુ હજુ સુધી તેની સત્તાવાર પુષ્ટિ થઈ નથી.
હવે સત્તાવાર રીતે આ વાતની પુષ્ટિ કરતા ચીનના વિદેશ મંત્રાલયના પ્રવક્તાએ સોમવારે કહ્યું કે રાષ્ટ્રપતિ શી જિનપિંગ જી-20 સમિટ માટે ભારત નથી જઈ રહ્યા. વડાપ્રધાન લી કિઆંગ ચીનનું પ્રતિનિધિત્વ કરવા નવી દિલ્હી જશે. G-20 નેતાઓની સમિટ નવી દિલ્હીમાં 9 સપ્ટેમ્બરથી 10 સપ્ટેમ્બર વચ્ચે પ્રસ્તાવિત છે.
