News Continuous Bureau | Mumbai
Amrit Bharat: રેલવેનો ચહેરો બદલવાના પ્રયાસમાં હવે ફરી એકવાર રેલવે મુસાફરો ( Railway passengers ) માટે એક સારા સમાચાર આવ્યા છે. હવે રેલવે ટૂંક સમયમાં એક નહીં, બે નહીં, 10 નહીં પરંતુ 50 અમૃત ભારત એક્સપ્રેસ ટ્રેનો ( Amrit Bharat Express Trains ) ભેટમાં આપવા જઈ રહી છે. રેલવે મંત્રી અશ્વિની વૈષ્ણવે ( Ashwini Vaishnaw ) એક નિવેદનમાં જણાવ્યું હતું કે, સરકારે 50 નવી અમૃત ભારત ટ્રેનોને મંજૂરી આપી છે. જેમાં દરભંગા-અયોધ્યા-આનંદ વિહાર ટર્મિનલ અમૃત ભારત એક્સપ્રેસ અને માલદા ટાઉન-સર એમ વિશ્વેશ્વરાય ટર્મિનસ (બેંગ્લોર) વચ્ચે દોડતી બે અમૃત ભારત ટ્રેનની સફળતા બાદ, રેલ્વે ટૂંક સમયમાં આ ટ્રેનને અલગ-અલગ રૂટ પર ચલાવવાનું આયોજન કરી રહ્યું છે.
આ નોન-એસી કોચવાળી પુશ-પુલ ટ્રેન છે…
આ સમાચાર આપતા કેન્દ્રીય રેલ્વે મંત્રીએ ટ્વિટર પર પોસ્ટ શેર કરી હતી અને જાહેરાત કરી હતી કે, વડાપ્રધાન નરેન્દ્ર મોદી દ્વારા 30 ડિસેમ્બરે લીલી ઝંડી બતાવેલી પ્રથમ બે ટ્રેનોને મળેલા સકારાત્મક પ્રતિસાદના આધારે 50 નવી અમૃત ભારત ટ્રેનોને ( Amrit Bharat trains ) મંજૂરી આપવામાં આવી છે.
આ સમાચાર પણ વાંચો : Space Sector: દેશનું અવકાશ ક્ષેત્ર હવે આત્મનિર્ભર બનશે! કેબિનેટે સેટેલાઇટ બનાવવા માટે FDIના આ નિયમોમાં આપી છૂટ..
પ્રાપ્ત માહિતી મુજબ, અમૃત ભારત એક્સપ્રેસ સુપરફાસ્ટ પેસેન્જર ટ્રેન Linke Hofmann Busch (LHB) ટેકનોલોજીથી સજ્જ છે. આ નોન-એસી કોચવાળી પુશ-પુલ ટ્રેન છે. આ અમૃત ભારત એક્સપ્રેસ ટ્રેનોમાં રેલ્વે મુસાફરો માટે આકર્ષક રીતે ડિઝાઇન કરેલી સીટો, સારી લગેજ રેક, મોબાઇલ ચાર્જિંગ પોઇન્ટ, એલઇડી લાઇટ, સીસીટીવી, જાહેર માહિતી સિસ્ટમ જેવી વધુ સારી સુવિધાઓ હશે.
