Amit Shah: કેન્દ્રીય ગૃહ મંત્રી શ્રી અમિત શાહે નવી દિલ્હીનાં ઇન્દિરા ગાંધી ઇન્ટરનેશનલ એરપોર્ટનાં ટર્મિનલ-3 ખાતે ‘ફાસ્ટ ટ્રેક ઇમિગ્રેશન – ટ્રસ્ટેડ ટ્રાવેલર પ્રોગ્રામ’નું ઉદઘાટન કર્યું

News Continuous Bureau | Mumbai

Amit Shah: કેન્દ્રીય ગૃહ મંત્રી અને સહકારિતા મંત્રી શ્રી અમિત શાહે આજે નવી દિલ્હીનાં ( New Delhi ) ઇન્દિરા ગાંધી ઇન્ટરનેશનલ એરપોર્ટનાં ટર્મિનલ-3 ખાતે ‘ફાસ્ટ ટ્રેક ઇમિગ્રેશન – ટ્રસ્ટેડ ટ્રાવેલર ( Fast Track Immigration – Trusted Traveller Programme ) પ્રોગ્રામ’નું ઉદઘાટન કર્યું હતું. આ પ્રસંગે કેન્દ્રીય ગૃહ સચિવ અને અન્ય અનેક મહાનુભાવો ઉપસ્થિત રહ્યા હતા. 

Join Our WhatsApp Community

આ પ્રસંગે કેન્દ્રીય ગૃહ મંત્રીએ જણાવ્યું હતું કે વડાપ્રધાન શ્રી નરેન્દ્ર મોદીના નેતૃત્વમાં ફાસ્ટ ટ્રેક ઈમિગ્રેશન – ટ્રસ્ટેડ ટ્રાવેલર પ્રોગ્રામ ( FTI-TTP ) એ ભારત સરકારની એક દૂરંદેશી પહેલ છે, જે વિચારપૂર્વક તૈયાર કરવામાં આવી છે. ભારતીય નાગરિકો અને OCI કાર્ડધારકો. તેમણે કહ્યું કે આ પહેલ અન્ય દેશોમાંથી આવતા ભારતીય નાગરિકો અને OCI મુસાફરો માટે વધુ સુવિધા પૂરી પાડશે. આ કાર્યક્રમની શરૂઆત એ Viksit Bharat@2047 માટે નિર્ધારિત મુખ્ય એજન્ડામાંનો એક છે અને તમામ માટે મુસાફરીની સુવિધા અને કાર્યક્ષમતા વધારવાની મોદી સરકારની પ્રતિબદ્ધતાને પ્રતિબિંબિત કરે છે. શ્રી અમિત શાહે કહ્યું કે આ સુવિધા તમામ મુસાફરો માટે વિનામૂલ્યે ઉપલબ્ધ થશે. તે આંતરરાષ્ટ્રીય પ્રવાસીઓ માટે ઝડપી, સરળ અને સુરક્ષિત ઇમિગ્રેશન ક્લિયરન્સ માટે રચાયેલ છે. આ કાર્યક્રમ ઈ-ગેટ્સ અથવા ઓટોમેટેડ બોર્ડર ગેટ પર ચાલશે જે ઈમિગ્રેશન ક્લિયરન્સ પ્રક્રિયામાં માનવ હસ્તક્ષેપને ઓછો કરશે. આ કાર્યક્રમ બે તબક્કામાં અમલમાં આવશે. પ્રથમ તબક્કામાં ભારતીય નાગરિકો અને OCI કાર્ડધારકોને આવરી લેવામાં આવશે અને બીજા તબક્કામાં વિદેશી પ્રવાસીઓને આવરી લેવામાં આવશે. આ કાર્યક્રમનો ઉદ્દેશ્ય આંતરરાષ્ટ્રીય પ્રવાસીઓ માટે સ્વચાલિત દ્વાર (ઈ-ગેટ્સ) દ્વારા સ્ક્રીનીંગ કરાયેલા આંતરરાષ્ટ્રીય પ્રવાસીઓ ( International travelers ) માટે ઝડપી ઈમિગ્રેશન પાથવે દ્વારા વિશ્વ કક્ષાની ઈમિગ્રેશન સુવિધાઓ વિકસાવીને આંતરરાષ્ટ્રીય મુસાફરીને સરળ અને સુરક્ષિત બનાવવાનો છે.

આ સમાચાર  પણ વાંચો : Budhaditya Rajyog : બુધ અને સુર્યના યુતિથી બુધાદિત્ય યોગ બનશે, આ ત્રણેય રાશિઓને ધનલાભની સારી તકો મળશે…

એફટીઆઈ-ટીટીપીનો અમલ ઓનલાઈન પોર્ટલ દ્વારા કરવામાં આવશે અને બ્યુરો ઓફ ઈમિગ્રેશન ( Immigration ) આ કાર્યક્રમ અંતર્ગત વિવિધ કેટેગરીના મુસાફરોના ફાસ્ટ ટ્રેક ઈમિગ્રેશન માટે નોડલ એજન્સી રહેશે. આ યોજનામાં નોંધણી કરાવવા માટે, અરજદારે તેની વિગતો અને જરૂરી દસ્તાવેજો સાથે પોર્ટલ પર ઓનલાઇન નોંધણી કરાવવી પડશે. જરૂરી ચકાસણી બાદ ઈ-ગેટ્સના માધ્યમથી ‘વિશ્વસનીય ટ્રાવેલર્સ’ની વ્હાઈટ લિસ્ટ તૈયાર કરવામાં આવશે અને તેને અમલમાં મૂકવામાં આવશે. ઈ-ગેટ્સ પાસેથી પસાર થતા ‘ટ્રસ્ટેડ ટ્રાવેલર’ના બાયોમેટ્રિક્સ એફઆરઆરઓ ઓફિસ અથવા એરપોર્ટ પરથી રજિસ્ટર્ડ પ્રવાસી પસાર થાય તે સમયે કેપ્ચર કરવામાં આવશે. ટીટીપી નોંધણી પાસપોર્ટની માન્યતા અથવા ૦૫ વર્ષ બેમાંથી જે વહેલું હોય ત્યાં સુધી માન્ય રહેશે અને ત્યારબાદ તેનું નવીકરણ કરવામાં આવશે. આ પ્રક્રિયા હેઠળ ‘રજિસ્ટર્ડ પેસેન્જર’ જેવો ઈ-ગેટ પર પહોંચે કે તરત જ તે પોતાની ફ્લાઈટની વિગતો મેળવવા માટે એરલાઈન્સ દ્વારા ઈ-ગેટ પર ઈશ્યૂ કરવામાં આવેલા તેના બોર્ડિંગ પાસને સ્કેન કરી લેશે. પાસપોર્ટને પણ સ્કેન કરવામાં આવશે અને ઇ-ગેટ પર પેસેન્જરના બાયોમેટ્રિકને પ્રમાણિત કરવામાં આવશે. એક વખત મુસાફરની અસલી ઓળખ પ્રસ્થાપિત થઈ જાય અને બાયોમેટ્રિક ઓથેન્ટિકેશન થઈ જાય પછી ઈ-ગેટ આપોઆપ ખૂલી જશે અને ઈમિગ્રેશન ક્લિયરન્સ આપવામાં આવ્યું હોવાનું માનવામાં આવશે.

દેશના 21 મોટા એરપોર્ટ પર FTI-TTP લોન્ચ કરવામાં આવશે. પ્રથમ તબક્કામાં દિલ્હી એરપોર્ટની સાથે જ 7 મોટા એરપોર્ટ- મુંબઈ, ચેન્નાઈ, કોલકાતા, બેંગલુરુ, હૈદરાબાદ, કોચી અને અમદાવાદ ખાતે શરૂ કરવામાં આવશે.

Disclaimer : Except for the headline, this story has not been edited by News Continuous staff and is published from a syndicated feed.