News Continuous Bureau | Mumbai
Lok Sabha Election 2024: દેશભરમાં લોકસભાની ચૂંટણીની જોરદાર તૈયારીઓ ચાલી રહી છે. તમામ પક્ષો તેમની ઉમેદવારી યાદી જાહેર કરી રહ્યા છે. તેમજ તમામ પાર્ટીઓ વિપક્ષોને હરાવવા કમર કરી રહ્યા છે. આવા સમયે દેશના નાણામંત્રી નિર્મલા સીતારમણે ( Nirmala Sitharaman ) બુધવારે નિવેદન આપતા કહ્યું હતું કે, તેમણે ભારતીય જનતા પાર્ટી ( BJP ) ના ચૂંટણી લડવાના પ્રસ્તાવને ફગાવી દીધો, એમ કહીને કે તેમની પાસે લોકસભાની ચૂંટણી લડવા માટે જરૂરી સંસાધનો નથી. તેમજ ચૂંટણી લડવા માટે પર્યાપ્ત નાણું નથી.
નાણામંત્રીએ કહ્યું કે ભાજપના ( BJP ) રાષ્ટ્રીય અધ્યક્ષ જેપી નડ્ડાએ તેમને આંધ્રપ્રદેશ અથવા તમિલનાડુમાંથી ચૂંટણી લડવાનો વિકલ્પ આપ્યો હતો. ભાજપના નેતા સીતારમણે ટાઈમ્સ નાઉ સમિટ 2024માં નિવેદન આપતા કહ્યું હતું કે, એક અઠવાડિયા કે દસ દિવસ સુધી વિચાર્યા પછી, મેં જવાબ આપ્યો… ના. મારી પાસે ચૂંટણી લડવા માટે એટલા પૈસા નથી. મને આંધ્ર પ્રદેશ કે તમિલનાડુમાં જીતવા માટેના વિવિધ માપદંડોના પ્રશ્નમાં પણ સમસ્યા છે… તમે આ સમુદાયના છો કે તમે તે ધર્મના છો? મને નથી લાગતું કે હું તે કરવા સક્ષમ છું.
ભારતના કોન્સોલિડેટેડ ફંડ એ મારી મિલકત નથી: નિર્માલા સીતારમણ..
નાણામંત્રી ( Finance Minister ) નિર્મલા સીતારમણે કહ્યું, “હું ખૂબ આભારી છું કે તેમણે મારી દલીલો સ્વીકારી… એટલા માટે હું ચૂંટણી લડી રહી નથી.” જ્યારે તેમને પૂછવામાં આવ્યું કે દેશના નાણામંત્રી પાસે પણ લોકસભાની ચૂંટણી લડવા માટે પૂરતા પૈસા કેમ નથી, તો તેમણે કહ્યું કે ભારતનું કોન્સોલિડેટેડ ફંડ ( India Consolidated Fund ) તેમનું પોતાનું નથી.
આ સમાચાર પણ વાંચો : Rain Tax in Canada: હવે કેનેડાના લોકો વરસાદના પાણી માટે ભરશે રેઈન ટેક્સ! જાણો શા માટે સરકારે આ પગલું ભરવું પડ્યું…
તેણે કહ્યું, “મારો પગાર, મારી આવક, મારી બચત મારી છે, ભારતના કોન્સોલિડેટેડ ફંડ એ મારી મિલકત નથી.” પીયૂષ ગોયલ, ભૂપેન્દ્ર યાદવ, રાજીવ ચંદ્રશેખર, મનસુખ માંડવિયા અને જ્યોતિરાદિત્ય સિંધિયા સહિત ભાજપે ઘણા રાજ્યસભા સભ્યોને લોકસભા ચૂંટણીમાં ઉતાર્યા છે.
નાણામંત્રી નિર્મલા સીતારમણ કર્ણાટકથી રાજ્યસભાના સભ્ય છે. તેણીએ કહ્યું કે તે વિવિધ ઉમેદવારો માટે પ્રચાર કરશે. તેણીએ કહ્યું, ‘હું ઘણા મીડિયા કાર્યક્રમોમાં પણ ભાગ લઈશ. હું અભિયાનમાં સામેલ થઈશ. પરંતુ આ ચૂંટણી લડી શકીશ નહિં.
