News Continuous Bureau | Mumbai
ભારતીય રેલ્વેને દેશની લાઈફલાઈન કહેવામાં આવે છે. ભારતીય રેલ્વે દ્વારા દરરોજ કરોડો લોકો મુસાફરી કરે છે. આજે પણ ઘણા લોકો લાંબી મુસાફરી માટે ટ્રેન પસંદ કરે છે. પ્રવાસ દરમિયાન મુસાફરોની સુવિધા માટે ભારતીય રેલવે દિલ્હી, મુંબઈ, હરિયાણા, ઉત્તર પ્રદેશ સહિત સમગ્ર દેશમાં નવી પોલિસી લાગુ કરવા જઈ રહી છે. આ અંતર્ગત રેલવે પેસેન્જર સર્વિસ કોન્ટ્રાક્ટ શરૂ કરશે. ટ્રેનમાં મુસાફરી કરતી વખતે મુસાફરોને પડતી તકલીફોને દૂર કરવા માટે રેલવે પેસેન્જર સર્વિસ કોન્ટ્રાક્ટ સ્કીમ શરૂ કરશે. આ અંતર્ગત ટ્રેનોમાં સ્વચ્છતા, ગંદા ધાબળા અને ખરાબ ભોજન જેવી મુસાફરોની ફરિયાદો દૂર કરવામાં આવશે.
પ્રથમ તબક્કામાં દિલ્હીથી દોડતી 245 ટ્રેનોમાં સેવા શરૂ થશે.
પ્રથમ તબક્કામાં તેને દિલ્હીથી દોડતી 245 ટ્રેનોમાં શરૂ કરવામાં આવશે. દિલ્હીથી લોન્ચ થયા બાદ તેને તમામ રેલવે ઝોનમાં લાગુ કરવામાં આવશે, જેથી રેલ મુસાફરોને વધુ સારી સુવિધા મળી શકે. હાલમાં, રેલવે કેટરિંગ પ્રવાસીઓ વગેરેને લગતા કામો IRCTC દ્વારા જોવામાં આવતા હતા. હવે રેલવે બોર્ડ કેટરિંગ અને અન્ય સેવાઓ માટે કોન્ટ્રાક્ટરની નિમણૂક કરશે.
રેલ્વેને 7 મહિનામાં સ્વચ્છતા સંબંધિત કુલ 1,21,754 લાખ ફરિયાદો મળી
રેલ્વે અધિકારીઓના જણાવ્યા અનુસાર, આવું એટલા માટે કરવામાં આવી રહ્યું છે કારણ કે રેલ્વેની રેલ મદદ એપ પર સ્વચ્છતા અને કેટરિંગને લગતી ઘણી ફરિયાદો આવવા લાગી હતી. એપ્રિલ 2022થી ઓક્ટોબર 2022 સુધીમાં રેલવેને આ એપ પર સ્વચ્છતા સંબંધિત કુલ 1,21,754 લાખ ફરિયાદો મળી હતી. માત્ર પશ્ચિમ રેલવેમાંથી 19 હજારથી વધુ ફરિયાદો મળી હતી. ઉત્તર રેલવે ઝોનમાં 14 હજાર ફરિયાદો આવી હતી.
આ સમાચાર પણ વાંચો : પાટનગર દિલ્હીમાં PM મોદી લગાવાયા વિરોધી પોસ્ટરો, પોલીસે આટલા લોકોની કરી ધરપકડ, નોંધ્યા 100થી વધુ કેસ…
તમામ તેજસ રાજધાની, દુરંતો અને ગરીબ રથ ટ્રેનોમાં સેવાઓ શરૂ થશે
હાલ રેલવે અગાઉ પસંદ કરેલી એજન્સીનો કાર્યકાળ પૂરો થવાની રાહ જોઈ રહ્યું છે. આ ટ્રેનોમાં દિલ્હીથી ચાલતી તમામ તેજસ રાજધાની, દુરંતો અને ગરીબ રથ ટ્રેનોના નામ સામેલ છે. આ તમામ ટ્રેનોમાં લિનન ધોવાનો કોન્ટ્રાક્ટ ટૂંક સમયમાં સમાપ્ત થવા જઈ રહ્યો છે.
