News Continuous Bureau | Mumbai
IRCTC New Booking Rules 2026 રેલ્વે મુસાફરો માટે એક મહત્વના સમાચાર છે. IRCTC એ તેની ઓનલાઇન ટિકિટ બુકિંગ સિસ્ટમમાં આધાર-આધારિત વેરિફિકેશનને સંપૂર્ણપણે લાગુ કરવાનો નિર્ણય લીધો છે. નવા નિયમો મુજબ, હવે એડવાન્સ રિઝર્વેશન પીરિયડ (ARP) એટલે કે મુસાફરીના ૬૦ દિવસ પહેલા ટિકિટ બુક કરવાની સુવિધા માત્ર એવા જ યુઝર્સને મળશે જેમનું આધાર વેરિફાય થયેલું હશે.IRCTC ના જણાવ્યા અનુસાર, આ પગલું ઓનલાઇન બુકિંગ સિસ્ટમના દુરુપયોગને રોકવા અને ટિકિટોની કાળાબજાર કરનારા દલાલો પર નકેલ કસવા માટે લેવામાં આવ્યું છે.

એડવાન્સ રિઝર્વેશન (ARP) પર શું અસર થશે?

અત્યાર સુધી મુસાફરો આધાર લિંક કર્યા વિના પણ એડવાન્સ બુકિંગ કરી શકતા હતા, પરંતુ હવે એવું નહીં થાય. જે દિવસે ૨ મહિના અગાઉનું બુકિંગ (ARP) ખુલે છે, તે દિવસે ટિકિટ બુક કરવા માટે યુઝરનું એકાઉન્ટ આધાર સાથે વેરિફાય થયેલું હોવું જરૂરી છે. વેરિફિકેશન વિનાના યુઝર્સ તે દિવસે બુકિંગ કરી શકશે નહીં.

Join Our WhatsApp Channel

તત્કાલ ટિકિટોમાં છેતરપિંડી પર રોક

તત્કાલ ટિકિટ બુકિંગમાં થતી છેતરપિંડી રોકવા માટે આધાર-આધારિત OTP વેરિફિકેશન અગાઉથી જ ઘણી ટ્રેનોમાં લાગુ કરવામાં આવ્યું છે. રેલ્વે મંત્રી અશ્વિની વૈષ્ણવના જણાવ્યા અનુસાર, આ વ્યવસ્થા બાદ કન્ફર્મ તત્કાલ ટિકિટ મળવાનો સમય ૬૫% જેટલો વધી ગયો છે, જેનાથી સામાન્ય મુસાફરોને સીધો ફાયદો થયો છે.

આ સમાચાર પણ વાંચો : Weather Alert: વરસાદની આગાહી: હવામાન વિભાગે જાહેર કર્યું યલો એલર્ટ, તેજ પવન સાથે તૂટી પડશે વરસાદ

આધાર વેરિફિકેશનના ફાયદા

પારદર્શિતા: માત્ર સાચા મુસાફરો જ ટિકિટ બુક કરી શકશે.
દલાલો પર રોક: અજાણ્યા યુઝર એકાઉન્ટ અને ગેરકાયદે બોટ્સ દ્વારા થતા બલ્ક બુકિંગ પર પ્રતિબંધ લાગશે.
ટિકિટની ઉપલબ્ધતા: પીક સીઝન અને તહેવારો દરમિયાન સામાન્ય જનતા માટે કન્ફર્મ ટિકિટ મળવાની સંભાવનામાં સુધારો થશે.