News Continuous Bureau | Mumbai
રિલાયન્સ જિયોએ કોઈ પણ મોટા ગાજાવાજા વગર માર્કેટમાં એક નવો રિચાર્જ પ્લાન રજૂ કર્યો છે. આ પ્લાન ખાસ કરીને તેવા ગ્રાહકો માટે છે જેઓ ઓછી કિંમતમાં લાંબી વેલિડિટી અને વધારાના ફાયદાઓ ઈચ્છે છે. કંપનીએ આ પ્લાનને તેની ‘વેલ્યુ લિસ્ટ’ માં સામેલ કર્યો છે. આ રિચાર્જમાં યુઝર્સને માત્ર ડેટા કે કોલિંગ જ નહીં, પરંતુ પ્રીમિયમ એપ્લિકેશન્સનું એક્સેસ પણ આપવામાં આવી રહ્યું છે. જિયોનો આ નવો પ્લાન ₹365ની કિંમતે ઉપલબ્ધ છે, જે 30 દિવસની વેલિડિટી સાથે આવે છે. આ પ્લાનમાં ગ્રાહકોને કોઈપણ નેટવર્ક પર અનલિમિટેડ વોઈસ કોલિંગ ની સુવિધા મળે છે. આ સાથે જ દરરોજ 100 એસએમએસ પણ આપવામાં આવે છે. આ પ્લાનની ખાસ વાત એ છે કે તેમાં ₹7.47નું ટોકટાઇમ બેલેન્સ પણ ઉપલબ્ધ છે, જે તેને અન્ય પ્લાન્સ કરતા અલગ પાડે છે.
ડેટા અને ક્લાઉડ સ્ટોરેજની સુવિધા
ડેટાની વાત કરીએ તો આ પ્લાનમાં યુઝર્સને કુલ 25GB હાઈ-સ્પીડ ડેટા મળે છે. આ ઉપરાંત, કંપની જિયો એઆઈ ક્લાઉડ હેઠળ 50GB વધારાનું ડેટા સ્ટોરેજ આપી રહી છે. આ ક્લાઉડ સ્ટોરેજનો ઉપયોગ તમે તમારા મહત્વના ફોટા અને દસ્તાવેજોને સુરક્ષિત રાખવા માટે કરી શકો છો. આટલા બધા ડેટા બેનિફિટ્સ સાથે આ પ્લાન યુઝર્સ માટે ઘણો ફાયદાકારક સાબિત થઈ શકે છે.
આ સમાચાર પણ વાંચો : Terror Alert in Delhi: દિલ્હીમાં મોટા આતંકી હુમલાનું કાવતરું: લશ્કર-એ-તૈયબાના નિશાને લાલ કિલ્લો અને ચાંદની ચોકનું પ્રસિદ્ધ મંદિર.
ગૂગલ જેમિની પ્રો અને હોટસ્ટારનું એક્સેસ
આ પ્લાન સાથે જિયો એક મોટી ઓફર આપી રહ્યું છે. ગ્રાહકોને ₹35,100ની કિંમતનો ગૂગલ જેમિની પ્રો પ્લાન મફતમાં મળશે. જોકે, આ માટે યુઝરની ઉંમર 18 વર્ષથી વધુ હોવી જરૂરી છે. આ સિવાય, ત્રણ મહિના માટે જિયો હોટસ્ટાર નું મોબાઈલ અને ટીવી એક્સેસ પણ મળશે, જેનો ઉપયોગ તમે બે અલગ-અલગ ડિવાઈસ પર કરી શકશો.
કોના માટે આ પ્લાન શ્રેષ્ઠ છે?
જો તમે 30 દિવસ માટે ફિક્સ્ડ ડેટા અને અનલિમિટેડ કોલિંગ ઈચ્છો છો, તો આ પ્લાન તમારા માટે ઉત્તમ છે. જોકે, બજારમાં ઉપલબ્ધ અન્ય પ્લાન્સની સરખામણીમાં આને ખૂબ જ સસ્તો ન કહી શકાય, પરંતુ વધારાના સબ્સ્ક્રિપ્શન અને ક્લાઉડ સ્ટોરેજને જોતા આ એક મજબૂત પેકેજ છે. જિયોની વેબસાઇટ અથવા માય જિયો એપ પર જઈને ગ્રાહકો આ પ્લાન ચેક કરી શકે છે.
