News Continuous Bureau | Mumbai
Lok Sabha Election 2024: ચૂંટણી પંચ 14-15 માર્ચે લોકસભા ચૂંટણીની જાહેરાત કરી શકે છે. સૂત્રોના જણાવ્યા અનુસાર 2019ની લોકસભા ચૂંટણીની તર્જ પર આ વખતે પણ 7 તબક્કામાં જ ચૂંટણી યોજવામાં આવી શકે છે. એવા સમાચાર છે કે એપ્રિલના બીજા સપ્તાહમાં પ્રથમ તબક્કા માટે મતદાન ( voting ) થઈ શકે છે.
ચૂંટણી પંચ ( Election Commission ) ટૂંક સમયમાં લોકસભા ચૂંટણીની તૈયારીઓને લઈને પ્રેસ કોન્ફરન્સ કરી શકે છે. મિડીયા રિપોર્ટ અનુસાર ચૂંટણી પંચ આગામી સપ્તાહે કોઈપણ દિવસે લોકસભા ચૂંટણીની તારીખોની જાહેરાત કરી શકે છે. હાલમાં આયોગ સામાન્ય ચૂંટણીની તૈયારીઓનું મૂલ્યાંકન કરવા માટે ઘણા રાજ્યોના પ્રવાસ પર છે. પંચ તમામ રાજ્યોમાં તૈયારીઓનું આકલન કર્યા પછી જ ચૂંટણીની તારીખો ( Election Dates ) જાહેર કરશે.
ચૂંટણી પંચ આગામી લોકસભા ચૂંટણીના સ્વતંત્ર અને નિષ્પક્ષ સંચાલન માટે AI ટેક્નોલોજીનો ઉપયોગ કરશે…
મિડીયા રિપોર્ટમાં વધુમાં જણાવ્યું હતું કે, ચૂંટણી પંચની ટીમ હાલમાં પશ્ચિમ બંગાળમાં છે. આ પછી ટીમ ઉત્તર પ્રદેશ અને પછી જમ્મુ-કાશ્મીરનો પ્રવાસ કરશે. મળતી માહિતી મુજબ ચૂંટણી અધિકારી 13 માર્ચ સુધીમાં તેમનો પ્રવાસ પૂર્ણ કરશે. દરમિયાન, ચૂંટણી પંચ તમામ રાજ્યોના મુખ્ય ચૂંટણી અધિકારીઓ સાથે સતત બેઠકો પણ કરી રહ્યું છે.
આ સમાચાર પણ વાંચો : Mumbai Police: સરકારી વકીલનો ઢોંગ કરવાનો અને નકલી દસ્તાવેજો સબમિટ બનાવવા બદલ ગૃહ સચિવ સહિત પાંચ લોકો સામે કેસ નોંધવામાં આવ્યો.
તેમજ ચૂંટણી પંચ આગામી લોકસભા ચૂંટણીના સ્વતંત્ર અને નિષ્પક્ષ સંચાલન માટે આર્ટિફિશિયલ ઇન્ટેલિજન્સ (AI) ટેક્નોલોજીનો ઉપયોગ પણ કરી શકે છે . આ માટે, કમિશન એક વિભાગ પણ બનાવી શકે છે, જે સોશિયલ મીડિયા અને ડિજિટલ પ્લેટફોર્મ પર ખોટી માહિતીને ઓળખશે અને તે કન્ટેન્ટોને દુર કરશે.
નોંધનીય છે કે, ચૂંટણીને ધ્યાનમાં રાખીને તમામ રાજકીય પક્ષો પણ પોતપોતાની તૈયારીઓમાં લાગી ગયા છે. ચૂંટણીની તારીખોની જાહેરાત પહેલા જ અનેક પક્ષોએ પોતાના ઉમેદવારોની જાહેરાત પણ કરી દીધી છે. તો શાસક ભાજપે ( BJP ) તાજેતરમાં 195 બેઠકો માટે તેના ઉમેદવારોની જાહેરાત કરી છે. સાથે જ આમ આદમી પાર્ટી, સમાજવાદી પાર્ટી અને રાષ્ટ્રીય લોકદળે પણ પોતાના ઉમેદવારોની યાદી જાહેર કરી છે.
