News Continuous Bureau | Mumbai
Mahadev App Case: મહાદેવ એપ કેસમાં એન્ફોર્સમેન્ટ ડિરેક્ટોરેટે આજે મોટી કાર્યવાહી કરી છે. EDએ દિલ્હી-NCR, મુંબઈ અને પશ્ચિમ બંગાળ સહિત 15 સ્થળો પર દરોડા પાડ્યા છે.
ઉલ્લેખનીય છે કે, મહાદેવ ઓનલાઈન ગેમિંગ એપ ( Mahadev Online Gaming App ) કેસમાં ઈડી મની લોન્ડરિંગની ( money laundering ) તપાસ કરી રહી છે. આ કેસમાં EDએ અત્યાર સુધીમાં 9 લોકોની ધરપકડ કરી છે. મહાદેવ એપ કેસમાં છત્તીસગઢના ઘણા મોટા નેતાઓ અને અધિકારીઓની હાલ તપાસ ચાલી રહી છે.
અત્યાર સુધી આ કેસમાં નીતિશ દિવાન, નીતિન ટિબ્રેવાલ, અમિત અગ્રવાલ, પોલીસ કોન્સ્ટેબલ ભીમ સિંહ યાદવ, આસિસ્ટન્ટ સબ ઈન્સ્પેક્ટર ચંદ્રભૂષણ વર્મા, અનિલ અને સુનીલ ધમાની અને એપ પ્રમોટરના નજીકના સતીશ ચંદ્રાકરની ધરપકડ કરી છે.
મહાદેવ એપનું સમગ્ર કૌભાંડ 6000 કરોડ રૂપિયાનું છે: ED…
નોંધનીય છે કે, મહાદેવ એપને લિંક કરવાના મામલામાં EDએ બોલીવુડના ઘણા કલાકારો સહિત અનેક સેલિબ્રિટીઓને પણ સમન્સ મોકલ્યા છે. EDએ આ કેસમાં બે ચાર્જશીટ પણ દાખલ કરી છે. જેમાં એપના બે પ્રમોટર્સ સૌરવ ચંદ્રાકર ( Sourabh Chandrakar ) અને રવિ ઉપ્પલ સહિત ઘણા નામ સામેલ છે.
આ સમાચાર પણ વાંચો : Pune: પુણેમાં 500ની નકલી નોટોના ગેંગનો પર્દાફાશ… ચીનમાંથી પેપર મંગાવીને બનાવી નકલી નોટો.. પોલીસે કરી છની ધરપકડ..
મિડીયા રિપોર્ટ મુજબ, અધિકારીઓએ તાજેતરમાં જણાવ્યું હતું કે, ઇન્ટરપોલની રેડ નોટિસને કારણે ચંદ્રાકર અને ઉપ્પલને તાજેતરમાં દુબઈમાં અટકાયતમાં લેવામાં આવ્યા છે. ભારતીય તપાસ એજન્સીઓ હાલ બંનેને ભારત લાવવાનો પ્રયાસ કરી રહી છે.
દરમિયાન, ગયા વર્ષે નવેમ્બરમાં છત્તીસગઢ વિધાનસભાની ચૂંટણી પહેલા, ધરપકડ કરાયેલા આરોપી અસીમ દાસને ટાંકીને EDએ દાવો કર્યો હતો કે મહાદેવ સટ્ટાબાજીની એપના પ્રમોટરોએ રાજ્યના પૂર્વ મુખ્યમંત્રી ભૂપેશ બઘેલને લગભગ ₹508 કરોડ ચૂકવ્યા હતા. જોકે, બઘેલે આ આરોપોને ફગાવી દીધા હતા.
મિડીયા રિપોર્ટમાં વધુમાં જણાવ્યા મુજબ, EDનો આરોપ છે કે ચંદ્રકરે ફેબ્રુઆરી 2023માં UAEમાં લગ્ન કર્યા હતા. આમાં લગભગ 200 કરોડ રૂપિયા રોકડા ખર્ચવામાં આવ્યા હતા. ચંદ્રાકરના સંબંધીઓને ભારતમાંથી UAE લાવવા માટે ખાનગી જેટ પણ ભાડે લેવામાં આવ્યા હતા. આ સિવાય બોલિવૂડ સ્ટાર્સને પૈસા આપીને લગ્નમાં પરફોર્મ કરવા માટે બોલાવવામાં આવ્યા હતા. ED અનુસાર, મહાદેવ એપનું સમગ્ર કૌભાંડ 6000 કરોડ રૂપિયાનું છે.
