Site icon

Maithili Thakur: ભાજપમાં સામેલ થઇ મૈથિલી ઠાકુર, બિહારમાં આ બેઠક પરથી લડી શકે છે વિધાનસભા ચૂંટણી

લોકગાયિકા મૈથિલી ઠાકુર મંગળવારે સત્તાવાર રીતે ભાજપમાં જોડાઈ, પાર્ટી તેમને દરભંગાની અલીનગર બેઠક પરથી મેદાનમાં ઉતારી શકે છે.

Maithili Thakur ભાજપમાં સામેલ થઇ મૈથિલી ઠાકુર, બિહારમાં આ બેઠક પરથી લડી શકે છે વિધાનસભા ચૂંટણી

Maithili Thakur ભાજપમાં સામેલ થઇ મૈથિલી ઠાકુર, બિહારમાં આ બેઠક પરથી લડી શકે છે વિધાનસભા ચૂંટણી

News Continuous Bureau | Mumbai

Maithili Thakur લોકગાયિકા મૈથિલી ઠાકુર મંગળવારે ભારતીય જનતા પાર્ટી (ભાજપ) માં સામેલ થઈ ગઈ છે. પાર્ટી સૂત્રો અનુસાર, તેમને દરભંગાની અલીનગર બેઠક પરથી બિહાર વિધાનસભા ચૂંટણી લડાવવામાં આવી શકે છે. એવામાં અલીનગર બેઠકના વર્તમાન ધારાસભ્ય મિશ્રીલાલ યાદવની ટિકિટ કપાઈ જવાનું લગભગ નિશ્ચિત માનવામાં આવી રહ્યું છે. ભાજપ મૈથિલી ઠાકુરના સોશિયલ મીડિયા પરના મોટા ફેન બેઝ અને મિથિલા ક્ષેત્રમાં તેમની લોકપ્રિયતાને જોતા તેમને પોતાના પ્રચાર અભિયાનનો ચહેરો પણ બનાવી શકે છે. જો મૈથિલી ઠાકુરને ટિકિટ મળે છે, તો આ પહેલીવાર હશે જ્યારે બિહારની લોક-સંસ્કૃતિ સાથે જોડાયેલી કોઈ પ્રસિદ્ધ ગાયિકા સીધી રાજકીય મેદાનમાં ઉતરશે.

Join Our WhatsApp Community

ભાજપના નેતા વિનોદ તાવડે સાથે મુલાકાત

મૈથિલીએ તાજેતરમાં ભાજપના વરિષ્ઠ નેતા અને સંગઠન મહાસચિવ વિનોદ તાવડે સાથે મુલાકાત કરી હતી, જેના પછી તેની પાર્ટીમાં સામેલ થવાની અટકળો તેજ થઈ ગઈ હતી. મુલાકાત પછી મૈથિલીએ કહ્યું હતું કે ભાજપના નેતાઓ સાથે અડધો કલાક વાતચીત થઈ અને વાતચીત સકારાત્મક રહી. તેમણે એમ પણ કહ્યું હતું કે તેઓ NDAના સમર્થનમાં છે અને ભાજપ હંમેશા તેમની પ્રાથમિકતા રહી છે. મૈથિલીએ કહ્યું હતું કે તેઓ દિલ્હીમાં કામ માટે રહે છે, પરંતુ તેમનો આત્મા બિહાર સાથે જોડાયેલો છે અને તેઓ બિહારમાં રહીને લોકોની સેવા કરવા અને વિકાસમાં યોગદાન આપવા માંગે છે.

આ સમાચાર પણ વાંચો : Mappls: ભારતીય Mappls નો ધમાકો: એક OTPથી ગાડી લોક, ચોરીની ઘટનાઓ પર લાગશે બ્રેક!

કોણ છે મૈથિલી ઠાકુર?

25 વર્ષીય મૈથિલી ઠાકુર બિહારના દરભંગાની રહેવાસી છે. તેઓ લોક સંગીત અને મિથિલા સંસ્કૃતિ માટે જાણીતી છે. તે વિદેશમાં પણ કોન્સર્ટ કરે છે. બાળપણ થી જ ગાવાનો શોખ ધરાવતી મૈથિલી એક પ્લેબેક સિંગર છે અને તેણે ક્લાસિકલ મ્યુઝિકમાં ટ્રેનિંગ લીધી છે. તેણે ઘણી ભાષાઓમાં ગીતો ગાયા છે. તેના પિતા રમેશ ઠાકુર અને માતા ભારતી ઠાકુર પણ મૈથિલી મ્યુઝિશિયન છે અને મ્યુઝિક ટીચર તરીકે કામ કરે છે. મૈથિલીના બે ભાઈઓ પણ સંગીતની દુનિયામાં પોતાનું કરિયર બનાવી રહ્યા છે, અને ત્રણેય ભાઈ-બહેનોને હિન્દુસ્તાની ક્લાસિક મ્યુઝિકની ટ્રેનિંગ આપવામાં આવી છે.

India-US Defense: ભારતીય નેવી માટે યુએસ સાથે ₹7995 કરોડની મહત્ત્વપૂર્ણ ડીલ, ટ્રમ્પના ટેરિફ વચ્ચે ભારતનો મોટો રાજદ્વારી સંકેત
Patanjali Ghee: પતંજલિને મોટો ફટકો, હલકી ગુણવત્તાના ઘી મામલે કોર્ટે દંડ ફટકાર્યો, કંપનીએ આદેશને ‘ભૂલભરેલો’ ગણાવ્યો
Udhampur Security: ઉધમપુરમાં હાઇ એલર્ટ, ત્રણ શંકાસ્પદ આતંકવાદીઓ ગામમાંથી ભોજન લેતા ઝડપાયા
Cyclone Ditva: ચક્રવાત દિત્વા તમિલનાડુ અને પુડુચેરી તરફ આગળ વધ્યું, સરકારે રેડ એલર્ટ જાહેર કર્યું.
Exit mobile version