News Continuous Bureau | Mumbai
Monsoon Session: મંગળવારે (08 ઓગસ્ટ) સંસદમાં ભારે ઉત્તેજના જોવા મળી હતી. મણિપુરમાં હિંસા (Manipur Violence) મુદ્દે કેન્દ્ર સરકાર વિરુદ્ધ લાવવામાં આવેલા અવિશ્વાસ પ્રસ્તાવ પર ચર્ચા શરૂ થઈ ગઈ છે. આ દરમિયાન કેન્દ્રીય મંત્રી નારાયણ રાણે (Narayan Rane) લોકસભામાં બોલતી વખતે પોતાનો આપો ખોઈ બેઠા હતા અને સાથી સાંસદ અરવિંદ સાવંત (Arvind Sawant) ને કડકાઈથી બેસી જવા કહ્યું હતું.
અવિશ્વાસ પ્રસ્તાવ પર ચર્ચા દરમિયાન તેમણે અરવિંદ સાવંતને કહ્યું, “અરે, બેસો.” લોકસભાના સ્પીકરે દરમિયાનગીરી કરતાની સાથે જ મંત્રીએ કહ્યું કે સાવંત પાસે પીએમ મોદી અને કેન્દ્રીય ગૃહ પ્રધાન અમિત શાહ વિરુદ્ધ બોલવાની ‘ઔકાત’ (સ્થિતિ) નથી.
નારાયણ રાણેએ લોકસભામાં કહ્યું કે તેમની ઓકાત નથી
તેમણે કહ્યું, “તેમને વડાપ્રધાન, અમિત શાહ વિશે બોલવાનો અધિકાર નથી… જો તેઓ કંઈ કહે તો હું તમારી ઔકાત હું કાઠીશ. તું કંઈક કહે તો હું તને તારી જગ્યા બતાવીશ. લોકસભાનો વીડિયો વાયરલ થતાં જ નારાયણ રાણેને સંસદની અંદર શબ્દોની પસંદગી બદલ ટીકાઓનો સામનો કરવો પડ્યો હતો.
આમ આદમી પાર્ટી (AAP) એ કહ્યું કે પીએમ મોદીના મંત્રીએ ગલીના ગુંડાની ભાષાનો ઉપયોગ કરીને સંસદની અંદર ધમકી આપી અને બચી ગયા, જ્યારે વિપક્ષના સાંસદોને “મોદી સરકારના પ્રશ્નો પૂછવા” માટે સસ્પેન્ડ કરવામાં આવ્યા છે. વીડિયો શેર કરતાં શિવસેના (Uddhav Balasaheb Thackeray) સાંસદ પ્રિયંકા ચતુર્વેદીએ લખ્યું, “આ માણસ એક મંત્રી છે. અહીં તે આ સરકારનું ધોરણ દર્શાવતો જોવા મળે છે અને તે કેટલું નીચે જઈ શકે છે.”
આ સમાચાર પણ વાંચો : Abhishek Bacchan : સની દેઓલ પછી સિક્સ-પેક એબ્સ પર અભિષેક બચ્ચને કર્યો કટાક્ષ, યુવા કલાકારો ને આપી આ સલાહ
શું કહ્યું અરવિંદ સાવંતે?
દક્ષિણ મુંબઈના સાંસદ અરવિંદ સાવંતે(Arvind Sawant) કહ્યું હતું કે હું ભાષણ સાંભળી રહ્યો છું કે 1953, 1956માં શું થયું હતું એવું કહેનારા લોકો તો એ વખતે જન્મ્યા પણ નહોતા. સમગ્ર વિષયને લઈને ગંભીરતા ઘટાડવાનો પ્રયાસ કરવામાં આવી રહ્યો છે, પણ હું તેમને વખોડી રહ્યો છું. આ એ લોકો છે, જે અમને હિંદુત્વ શિખવાડી રહ્યા છે, પરંતુ જન્મથી હિંદુ છીએ. હિંદુત્વ એ ભાગેડુ નથી, જેઓ ભાગેડુ છે તેઓ શું કહેશે. બાળાસાહેબે કહ્યું હતું કે મને મંદિરમાં ઘંટ વગાડનાર હિંદુ નથી જોઈતો, પણ મારે આતંકવાદીઓને મારનાર હિંદુ જોઈએ છે.
