News Continuous Bureau | Mumbai
NDA govt : નરેન્દ્ર મોદીએ રવિવારે ત્રીજી વખત વડાપ્રધાન તરીકે શપથ લીધા. તેમની સાથે 71 મંત્રીઓએ શપથ લીધા, જેમાંથી 11 સાથી પક્ષોના હતા. શપથ લીધા બાદ PM નરેન્દ્ર મોદી આજે વડાપ્રધાન કાર્યાલય પહોંચ્યા અને પદભાર સંભાળ્યો. તેમણે સૌપ્રથમ કિસાન સન્માન નિધિ ફાઇલ પર સહી કરી. આ નિર્ણયને કારણે દેશના કરોડો ખેડૂતોના બેંક ખાતામાં 2000 રૂપિયા જમા થશે. ફાઈલ પર હસ્તાક્ષર કર્યા બાદ વડાપ્રધાન મોદીએ કહ્યું છે કે તેમની સરકાર ખેડૂતોના કલ્યાણ માટે પ્રતિબદ્ધ છે. મોદીએ કહ્યું, “અમારી સરકાર ખેડૂતોના કલ્યાણ માટે સંપૂર્ણ રીતે પ્રતિબદ્ધ છે. વડાપ્રધાન પદ સંભાળ્યા પછી સહી કરેલી પ્રથમ ફાઇલ ખેડૂતોના કલ્યાણ સાથે સંબંધિત છે. ભવિષ્યમાં, અમે ખેડૂતો અને કૃષિ ક્ષેત્ર માટે મહાન કામ કરવા માંગીએ છીએ.
NDA govt : 100 દિવસના રોડ મેપ પર પણ ચર્ચા
મિટિંગમાં મંત્રીઓને તેમના પોર્ટફોલિયોની ફાળવણી કરવામાં આવી શકે છે. સરકારના પ્રથમ 100 દિવસના રોડ મેપ પર પણ ચર્ચા કરવામાં આવશે. માનવામાં આવી રહ્યું છે કે અમિત શાહ અને રાજનાથ સિંહના ખાતામાં કોઈ ફેરફાર નહીં થાય. અગાઉની જેમ શાહ ગૃહમંત્રી અને રાજનાથ સંરક્ષણ મંત્રી રહેશે. બધાની નજર ગઠબંધનમાં તેલુગુ દેશમ પાર્ટી (ટીડીપી) અને જનતા દળ યુનાઇટેડ (જેડીયુ)ના મંત્રી પદ પર રહેશે.
આ સમાચાર પણ વાંચો : Narendra Modi Cabinet Meeting: મોદી 3.0 સરકાર એક્શનમાં, આજે બોલાવી કેબિનેટની પ્રથમ બેઠક; લેવાઈ શકે છે આ મોટા નિર્ણયો..
NDA govt : 16 હપ્તા બહાર પાડવામાં આવ્યા
મહત્વનું છે કે કિસાન સન્માન નિધિના અત્યાર સુધીમાં 16 હપ્તા બહાર પાડવામાં આવ્યા છે. પીએમ મોદીએ આ વર્ષે 29 ફેબ્રુઆરીના રોજ 9.9 કરોડ ખેડૂતો( Farmers ) ના બેંક ખાતામાં 16મો હપ્તો ટ્રાન્સફર કર્યો હતો. PM-કિસાનનો 16મો હપ્તો મેળવનાર 9.09 કરોડ ખેડૂતોમાંથી સૌથી વધુ 2.03 કરોડ ખેડૂતો ઉત્તર પ્રદેશના છે, ત્યારબાદ મહારાષ્ટ્ર (89.66 લાખ), મધ્યપ્રદેશ (79.39 લાખ), બિહાર (75.79 લાખ) અને રાજસ્થાનના છે. (75.79 લાખ) છે.
