ન્યુઝ કન્ટિન્યુઝ બ્યુરો
મુંબઈ, 12 નવેમ્બર, 2021
શુક્રવાર
સરકાર આવતા વર્ષે એપ્રિલથી વસ્તુઓ માટે નવા પેકેજિંગ નિયમો લાગુ કરવા જઈ રહી છે. તેનો ઉદ્દેશ ગ્રાહકોને કોઈપણ પેકેજ્ડ આઈટમ ખરીદતા પહેલા યોગ્ય નિર્ણય લેવા માટે સશક્ત કરવાનો છે. નવા પેકેજિંગ નિયમો 1 એપ્રિલ 2022થી અમલમાં આવશે. આ નિયમ અનુસાર માલનું ઉત્પાદન કરતી કંપનીઓએ MRP સાથે પેકેટ પર માલના યુનિટ/પ્રતિ કિલોગ્રામની કિંમત લખવી પડશે. દૂધ, ચા, બિસ્કિટ, ખાદ્ય તેલ, લોટ, બોટલ્ડ વોટર, બેબી ફૂડ, કઠોળ અને અનાજ, સિમેન્ટની થેલીઓ, બ્રેડ અને ડિટર્જન્ટ જેવી વસ્તુઓના આયાતી પ્રોડક્ટ પર ઉત્પાદન તારીખ લખવી જરૂરી રહેશે.
જો પેકેજ કરેલ વસ્તુનું વજન નક્કી ધોરણ કરતા ઓછું હોય તો કિંમત પ્રતિ ગ્રામ અથવા પ્રતિ મિલીલીટર લખવાની રહેશે. તેવી જ રીતે જો એક પેકેટમાં 1 કિલોથી વધુ માલ હોય તો તેના દર 1 કિલો અથવા 1 લિટરના હિસાબે લખવું જરૂરી રહેશે. ઘણીવાર કંપનીઓ ભાવને આકર્ષક બનાવવા માટે ઓછા વજનના પેકેટ બજારમાં લાવતી હોય છે. સરકારે તેમના માટે નિયમ બનાવ્યો હતો કે પ્રમાણભૂત પેકિંગ હોવું જોઈએ. હવે માલ બનાવતી કંપનીઓને તેઓ બજારમાં કેટલી પેકેજ વસ્તુઓ વેચે છે તે નક્કી કરવાની સંપૂર્ણ સ્વતંત્રતા હશે.
નવા નિયમોમાં એક મોટો ફેરફાર કરવામાં આવ્યો છે કે આયાતી પેકેજ આઇટમ પર મહિના અથવા ઉત્પાદન વર્ષ વિશે માહિતી આપવી જરૂરી રહેશે. હાલમાં, પેકેજ વસ્તુઓની આયાત પર ફક્ત આયાતનો મહિનો અથવા તારીખ લખવામાં આવે છે. મતલબ જો પેકેટમાં 1 કિલો અથવા 1 લીટરથી ઓછો માલ પેક કરવામાં આવ્યો હોય તો તેના પર પ્રતિ ગ્રામ અથવા મિલીલીટરની કિંમત લખવી પડશે અને જો એક પેકેટમાં 1 કિલોથી વધુ માલ હશે તો તેનો દર પણ 1 કિલો અથવા 1 લીટર પ્રમાણે લખવો પડશે. એ જ રીતે પેકેજ્ડ માલ પર મીટર કે સેન્ટીમીટર પ્રમાણે પણ કિંમત લખવાની રહેશે.
પ્રાપ્ત માહિતી મુજબ સરકારે લીગલ મેટ્રોલોજી (પેકેટ કોમોડિટી રૂલ્સ)માં ફેરફાર કર્યા છે. આ અંતર્ગત દૂધ, ચા, બિસ્કિટ, ખાદ્ય તેલ, લોટ, બોટલ્ડ વોટર અને પીણાં, બેબી ફૂડ, કઠોળ, અનાજ, સિમેન્ટની થેલીઓ, બ્રેડ અને ડિટર્જન્ટ જેવી 19 વસ્તુઓ આવશે.
ગ્રાહકોનો ફાયદો
ઉત્પાદનની ગુણવત્તા તેની ઉત્પાદન તારીખ દ્વારા નક્કી કરી શકાય છે. આવી સ્થિતિમાં હવે આયાતી પ્રોડક્ટ પર મેન્યુફેક્ચરિંગ ડેટ લખવી જરૂરી રહેશે. ઉપભોક્તા સબંધિત મંત્રાલયે નિયમોમાં ફેરફારની સૂચના આપી છે. નવા નિયમોમાં બે મોટા ફેરફારો પેકેટમાં માલના જથ્થા અને એકમની કિંમત સાથે સંબંધિત છે. ગ્રાહકોને હવે એ જાણવાનો અધિકાર હશે કે તેમણે પ્રતિ ગ્રામ માલના કેટલા પૈસા ચૂકવવાના છે.
