ન્યુઝ કન્ટિન્યુઝ બ્યુરો
મુંબઈ, ૨૬ મે ૨૦૨૧
બુધવાર
હાલ ભારત દેશની અંદર paytm, phonepe, mobikwik જેવી અનેક મોબાઇલ વોલેટ કંપનીઓ સક્રિય છે. આ તમામ કંપનીઓ તમારા બૅન્ક ઍકાઉન્ટને ઇલેક્ટ્રૉનિક પેમેન્ટ ગેટવેને જોડી દે છે તેમ જ જ્યાં સુધી તમે આ વોલેટને વાપરો ત્યાં સુધી તમને તમામ સુવિધા આપે છે, પરંતુ તમે જેવા પૈસા વિડ્રો કરો અથવા બૅન્કમાં નાખો કે તમને ચાર્જ લગાડવામાં આવે છે. હવે આ સમસ્યાથી બહુ ટૂંક સમયમાં મુક્તિ મળશે. રિઝર્વ બૅન્ક ઑફ ઇન્ડિયાએ એક સર્ક્યુલર બહાર પાડ્યો છે, જે મુજબ એક વર્ષની અંદર આ તમામ મોબાઇલ પેમેન્ટ ગેટવે એકબીજાની સાથે સંકળાઈ જશે. એટલે જો કોઈ વ્યક્તિએ એક વોલેટથી બીજા વોલેટ પર ટ્રાન્સફર થવું હોય તો એ આગામી સમયમાં શક્ય બનશે અને એની ઉપર આર્થિક બોજો નહિ પડે.
