News Continuous Bureau | Mumbai
One Nation One Election Bill : વન નેશન વન ઇલેક્શન સંબંધિત બિલ આજે એટલે કે મંગળવારે લોકસભામાં બપોરે 12 વાગ્યે રજૂ કરવામાં આવશે. કેન્દ્રીય કાયદા મંત્રી અર્જુન રામ મેઘવાલ આ બિલને ગૃહમાં રજૂ કરશે. આ બિલને ‘બંધારણ (129મો સુધારો) બિલ 2024’ નામ આપવામાં આવ્યું છે. આ બિલ રજૂ કર્યા બાદ સરકાર તેને સંસદની સંયુક્ત સમિતિ (JPC)ને મોકલવાની ભલામણ કરશે. બિલની નકલ સાંસદોને મોકલી દેવામાં આવી છે. ભાજપે પોતાના સાંસદો માટે વ્હીપ જાહેર કર્યો છે.
One Nation One Election Bill : કોંગ્રેસે બોલાવી તાકીદની બેઠક
આ સાથે જ કોંગ્રેસે પણ આજે તાકીદની બેઠક બોલાવી છે અને ત્રણ લીટીનો વ્હીપ જાહેર કર્યો છે. વિપક્ષ વન નેશન, વન ઈલેક્શનનો સતત વિરોધ કરી રહ્યો છે. હાલમાં લોકસભામાં આજની કાર્યવાહી ખૂબ જ હોબાળાથી ચાલી રહી છે. સપા પ્રમુખ અખિલેશ યાદવે વિરોધની જાહેરાત કરી છે. તેમણે કહ્યું કે, એક રીતે, આ બંધારણને નષ્ટ કરવાનું બીજું ષડયંત્ર છે.
One Nation One Election Bill : કોઈ પાર્ટીનો નહીં પરંતુ દેશનો મુદ્દો
દરમિયાન કેન્દ્રીય મંત્રી કિરેન રિજિજુએ કહ્યું કે આ કોઈ પાર્ટીનો નહીં પરંતુ દેશનો મુદ્દો છે. દેશ જોશે કે કોંગ્રેસ હંમેશા કેવી રીતે નકારાત્મક રહે છે. દેશ આઝાદ થયો ત્યારે દેશમાં એક દેશ, એક ચૂંટણી હતી. પરંતુ કોંગ્રેસે તેને પોતાના હિસાબે બદલ્યો. દેશમાં હંમેશા ચૂંટણી થાય છે જેના કારણે દેશને ઘણું નુકસાન થાય છે.
આ સમાચાર પણ વાંચો : One Nation One Election : આજે લોકસભામાં રજૂ થઈ શકે છે ‘વન નેશન વન ઈલેક્શન બિલ’, ભાજપે તેના સાંસદો માટે જારી કર્યો વ્હીપ
One Nation One Election Bill : દેશમાં એક સાથે ચૂંટણીની તૈયારીઓ
વાસ્તવમાં દેશમાં લોકસભા અને વિધાનસભાની ચૂંટણી એકસાથે કરાવવાની તૈયારી ચાલી રહી છે. કાયદા પ્રધાન આજે લોકસભામાં બંધારણ સુધારણા બિલ અને કેન્દ્રશાસિત પ્રદેશ સુધારા બિલને રજૂ કરશે. બંધારણ સુધારા બિલમાં લોકસભા અને વિધાનસભાની ચૂંટણી એકસાથે કરાવવાની જોગવાઈ છે. જ્યારે કેન્દ્રશાસિત પ્રદેશ સંશોધન બિલમાં દિલ્હી, પુડુચેરી અને જમ્મુ અને કાશ્મીર જેવા કેન્દ્રશાસિત પ્રદેશોને ચૂંટણી ચક્રની આ યોજના અનુસાર લાવવાની તૈયારી છે. બિલ બંને ગૃહોની સંયુક્ત સમિતિને મોકલી શકાય છે.
