News Continuous Bureau | Mumbai
Online Fraud ઓનલાઈન ખરીદીની વધતી જતી લોકપ્રિયતાને કારણે એક તરફ ગ્રાહકોને સુવિધાપૂર્વક વસ્તુઓ મળે છે, તો બીજી તરફ છેતરપિંડીના કિસ્સાઓ પણ વધ્યા છે. આવો જ એક ચોંકાવનારો કિસ્સો સામે આવ્યો છે. બેંગલુરુમાં એક સોફ્ટવેર એન્જિનિયરને ઓનલાઈન ઓર્ડર કરેલા મોંઘા મોબાઈલને બદલે ટાઇલનો ટુકડો મોકલવામાં આવ્યો.આ વ્યક્તિએ દિવાળી સેલ દરમિયાન એમેઝોન એપ પરથી ૧.૮૫ લાખનો Samsung Z Fold સ્માર્ટફોન ખરીદ્યો હતો. પ્રેમાનંદે તેના ક્રેડિટ કાર્ડથી સંપૂર્ણ રકમ ચૂકવી અને નિર્ધારિત તારીખે ડિલિવરી મળી.જ્યારે તેણે બોક્સ ખોલ્યું, ત્યારે તેને મોટો આઘાત લાગ્યો. અંદર તેને ફોન નહીં, પણ ટાઇલનો એક ટુકડો મળ્યો.
તેણે સ્પષ્ટતા કરી કે ટાઇલનું વજન ફોન જેટલું જ હતું, તેથી પેકેજ મળવા પર તેને જરાય શંકા નહોતી ગઈ. ડિલિવરી બોક્સ ખોલતી વખતે તેણે હોશિયારીપૂર્વક તેનો આખો વીડિયો રેકોર્ડ કર્યો, જે હવે તેના પક્ષમાં મજબૂત પુરાવો સાબિત થયો છે. ડિલિવરી બોયનો સંપર્ક કરવાના પ્રયાસો નિષ્ફળ રહ્યા, ત્યારબાદ તેણે નેશનલ સાયબર ક્રાઇમ રિપોર્ટિંગ પોર્ટલ પર ફરિયાદ નોંધાવી. પ્રેમાનંદે વીડિયો રેકોર્ડિંગ અને ખરીદી સંબંધિત તમામ દસ્તાવેજો પોલીસને સોંપ્યા. તેણે ૧૯ ઓક્ટોબરના રોજ એમેઝોન કસ્ટમર કેરમાં ફરિયાદ નોંધાવી, ત્યારબાદ કંપનીએ તેની સંપૂર્ણ રકમ પરત કરી.
આ સમાચાર પણ વાંચો : Debt waiver announcement: ખેડૂતોને મોટી ભેટ: રાજ્ય સરકાર દ્વારા આ તારીખ સુધી દેવા માફીની જાહેરાત, બચ્ચુ કડુએ આપી ખુશખબરી
