News Continuous Bureau | Mumbai
Operation Sindoor Air Force : 6-7 મેની રાત્રે થયેલા ઓપરેશન સિંદૂર ( Operation Sindoor ) બાદ પાકિસ્તાન તરફથી એલઓસી (LoC) પર સતત ફાયરિંગ થઈ રહી છે. આ સ્થિતિને ધ્યાનમાં રાખીને ભારતીય વાયુસેનાને ( Air Force ) ખુલ્લી છૂટ આપવામાં આવી છે કે જો કોઈ શંકાસ્પદ ગતિવિધિ જોવા મળે તો તેઓ સંપૂર્ણ શક્તિથી જવાબી કાર્યવાહી કરી શકે છે.
Operation Sindoor Air Force : વાયુસેના (Air Force)ને મળ્યો ખુલ્લો અધિકાર, શંકાસ્પદ ગતિવિધિ પર તાત્કાલિક કાર્યવાહી
પ્રધાનમંત્રી નરેન્દ્ર મોદી અને એનએસએ અજીત ડોભાલ સતત સ્થિતિ પર નજર રાખી રહ્યા છે. ડોભાલે પીએમના નિવાસસ્થાને મુલાકાત લીધી છે. રક્ષામંત્રી રાજનાથસિંહની અધ્યક્ષતામાં સર્વદલીય બેઠક પણ યોજાવાની છે જેમાં તમામ મુખ્ય રાજકીય પક્ષો સામેલ થશે.
Operation Sindoor Air Force : પાકિસ્તાની સેના તરફથી એલઓસી ( LoC ) પર ભારે ગોળીબાર, 13ના મોત
7 મેના રોજ પાકિસ્તાની સેના દ્વારા જમ્મુ-કાશ્મીરના એલઓસી નજીકના ગામો પર ભારે ગોળીબાર કરવામાં આવી હતી. આ હુમલામાં ચાર બાળકો સહિત 13 લોકોના મોત થયા છે. ભારતીય સેના દ્વારા પણ મજબૂત જવાબ આપવામાં આવ્યો છે અને પાકિસ્તાની ચૌકીઓને નિશાન બનાવવામાં આવી છે.
આ સમાચાર પણ વાંચો : Operation Sindoor : ભારતને વૈશ્વિક સમર્થન, માત્ર ત્રણ મુસ્લિમ દેશોએ પાકિસ્તાનનો સાથ આપ્યો
Operation Sindoor Air Force : સુરક્ષા માટે 27 એરપોર્ટ બંધ, પંજાબના ગામો ખાલી કરાયા
સુરક્ષા કારણોસર દેશભરના 27 એરપોર્ટ તાત્કાલિક બંધ કરવામાં આવ્યા છે જેમાં શ્રીનગર, ચંડીગઢ, અમૃતસર અને લુધિયાણા જેવા એરપોર્ટનો સમાવેશ થાય છે. પંજાબના ફિરોઝપુર નજીકના કેટલાક ગામોને ખાલી કરાવવામાં આવ્યા છે અને લોકોને સુરક્ષિત સ્થળે ખસેડવામાં આવ્યા છે.
