News Continuous Bureau | Mumbai
Parliament Session : આજે ફરી એકવાર સંસદ ( Parliament ) માં શિસ્તભંગની કાર્યવાહી કરવામાં આવી હતી અને 49 સાંસદોને લોકસભા ( Loksabha ) માંથી સસ્પેન્ડ ( MPs Suspended ) કરવામાં આવ્યા હતા. આ સાથે જ અત્યાર સુધી બંને ગૃહોમાંથી સસ્પેન્ડ કરાયેલા સાંસદોની કુલ સંખ્યા 141 પર પહોંચી ગઈ છે. આ સાથે સવાલ એ થાય છે કે શું ગૃહ હવે ખરેખર વિપક્ષ મુક્ત થઇ ગયું છે? તમને જણાવી દઈએ કે શિયાળુ સત્ર ( Winter session ) ના હજુ ત્રણ દિવસ બાકી છે. તેનું હવે કોઈ સત્ર ચાલવાનું નથી અને આવતા વર્ષે લોકસભાની ચૂંટણી યોજાવા જઈ રહી છે. ચાલો જાણીએ કે હવે ગૃહમાં વિપક્ષ ( Opposition ) ના કેટલા સાંસદો બાકી છે.
બંને ગૃહોમાં સંખ્યા ઘણી ઓછી
જો લોકસભાની વાત કરીએ તો ભાજપ અને સહયોગી પક્ષોના 300થી વધુ સાંસદો છે. બીજી તરફ નીચલા ગૃહમાં વિપક્ષ પાસે માત્ર 100 સાંસદો જ બચ્યા છે. તેવી જ રીતે ઉપલા ગૃહ એટલે કે રાજ્યસભામાં વિપક્ષ પાસે 100થી ઓછા સાંસદો બચ્યા છે. અહીં વિપક્ષી સાંસદોની વાત કરીએ તો આંધ્રપ્રદેશની સત્તાધારી પાર્ટી YSR કોંગ્રેસ પાર્ટી અને ઓરિસ્સાનું બીજુ જનતા દળ બાકી છે. ઉલ્લેખનીય છે કે આ પાર્ટીઓના સાંસદોએ અલગ-અલગ મુદ્દાઓ પર ભાજપને સમર્થન આપ્યું છે.
આ સમાચાર પણ વાંચો : IPL Auction : આઇપીએલની મીની હરાજીમાં આ ખેલાડીઓ પર થયો રૂપિયાનો વરસાદ! તો આ ખેલાડીઓ ન થયા સોલ્ડ.. જાણો સંપૂર્ણ લિસ્ટ..
ઘણા મોટા નામો
નોંધનીય છે કે લોકસભામાં અધ્યક્ષની અવમાનના બદલ 49 વિપક્ષી સભ્યોને આજે સસ્પેન્ડ કરવામાં આવ્યા હતા. અગાઉ વર્તમાન સત્રમાં લોકસભાના 33 અને રાજ્યસભાના 45 સાંસદોને સસ્પેન્ડ કરવામાં આવ્યા હતા. જે સાંસદોને સસ્પેન્ડ કરવામાં આવ્યા છે તેમાં દાનિશ અલી, પ્રતિભા સિંહ, દિનેશ ચંદ્ર યાદવ, શશિ થરૂર, સુપ્રિયા સુલે, ડિમ્પલ યાદવ જેવા નામ સામેલ છે. તે જ સમયે, સસ્પેન્ડેડ સાંસદોએ ગૃહના મકર ગેટની બહાર વિરોધ પ્રદર્શન કર્યું.
