News Continuous Bureau | Mumbai
NonNegotiable Demand દિલ્હીમાં ચાલી રહેલા વિરોધ પ્રદર્શન અને રાજકીય હલચલ વચ્ચે કોકરોચ જનતા પાર્ટી (CJP) એ સરકાર સામે આક્રમક વલણ યથાવત રાખ્યું છે. પક્ષના નેતાઓ આશુતોષ રાંકા (Ashutosh Ranka) અને સૌરવ દાસ (Saurav Das) એ કેન્દ્રીય મંત્રી જેપી નડ્ડા સાથે મુલાકાત કર્યા બાદ સ્પષ્ટ શબ્દોમાં જણાવ્યું છે કે કેન્દ્રીય શિક્ષણ મંત્રી ધર્મેન્દ્ર પ્રધાન (Dharmendra Pradhan) નું રાજીનામું બિનશરતી અને અનિવાર્ય (NonNegotiable) માંગ છે.
Non-Negotiable Demand – જેપી નડ્ડા સાથેની બેઠક અને સીજેપીની ત્રણ મુખ્ય માંગણીઓ
સીજેપી (CJP) ના પ્રતિનિધિ મંડળે કેન્દ્રીય મંત્રી જે.પી. નડ્ડા (JP Nadda) ના નિવાસ્થાને લાંબી બેઠક યોજી હતી. આ બેઠક દરમિયાન પક્ષના નેતાઓએ તેમની મુખ્ય માંગણીઓ સરકાર સમક્ષ મૂકી હતી. જેમાં સોનમ વાંગચુક (Sonam Wangchuk) ની તાત્કાલિક મુક્તિ, ધર્મેન્દ્ર પ્રધાનનું રાજીનામું અને નીટ (NEET) પીડિત વિદ્યાર્થીઓના પરિવારજનોને આર્થિક સહાય આપવાનો સમાવેશ થાય છે. પક્ષના પ્રવક્તાઓએ જણાવ્યું કે સરકારે હજુ સુધી આ મામલે કોઈ નક્કર વચન આપ્યું નથી.
Non-Negotiable Demand – રાજીનામા સિવાય કોઈ પીછેહઠ નહીં કરે આંદોલનકારીઓ
આશુતોષ રાંકા અને સૌરવ દાસે સ્પષ્ટતા કરી છે કે જ્યાં સુધી શિક્ષણ મંત્રી પદ પરથી રાજીનામું નહીં આપે અથવા તેમને પદ પરથી હટાવવામાં નહીં આવે, ત્યાં સુધી જંતર-મંતર (Jantar Mantar) પર ચાલી રહેલું આ આંદોલન અટકશે નહીં. નેતાઓએ જણાવ્યું કે પરીક્ષાઓમાં થતી ગેરરીતિઓ અને પેપર લીક (Paper Leak) ની નૈતિક જવાબદારી સ્વીકારીને મંત્રીએ પદ છોડવું જ પડશે, કારણ કે આ મુદ્દો વિદ્યાર્થીઓના ભવિષ્ય સાથે જોડાયેલો છે.
Non-Negotiable Demand – દિલ્હીમાં પોલીસ કાર્યવાહી અને વધતો રાજકીય તણાવ
આ આંદોલનને લઈને રાજધાની દિલ્હીમાં સુરક્ષા વ્યવસ્થા સઘન બનાવવામાં આવી છે અને વિવિધ વિસ્તારોમાં પોલીસ દ્વારા કાર્યવાહી પણ કરવામાં આવી રહી છે. છતાં પ્રદર્શનકારીઓ પોતાના મક્કમ ઇરાદા સાથે અડગ છે. આગામી સમયમાં આ વિવાદ વધુ ઉગ્ર બને તેવી પૂરેપૂરી સંભાવના છે, કારણ કે વિરોધ પક્ષો અને સામાજિક સંગઠનો પણ હવે આ યુવા આંદોલનના સમર્થનમાં ખુલીને મેદાને આવી રહ્યા છે.
👉 આ સમાચાર વાચો:
Modi Cabinet Approves Paper Leak Bill યુવાઓના ભવિષ્ય સાથે ચેડાં કરનારાઓ સામે લાલ આંખ, પેપર લીક પર કડક સજાના બિલને મોદી કેબિનેટની મંજૂરી
