News Continuous Bureau | Mumbai
Rebel Shiv Sena MPs MPLADS Fund મહારાષ્ટ્રની રાજનીતિમાં ઉદ્ધવ ઠાકરેની શિવસેના (UBT) માંથી બળવો કરીને એકનાથ શિંદેની શિવસેનામાં સામેલ થયેલા ૬ સાંસદો અંગે એક ચોંકાવનારો ખુલાસો થયો છે. પક્ષપલટો કરતી વખતે આ સાંસદોએ એવો મોટો આરોપ લગાવ્યો હતો કે તેમને પોતાના વિસ્તારના વિકાસ કામો માટે પૂરતું ફંડ મળી રહ્યું નથી. જોકે, કેન્દ્ર સરકારની સત્તાવાર વેબસાઇટ પરથી મળેલા આંકડા અનુસાર, આ બળવાખોર સાંસદોના ખાતામાં અંદાજે ૧૦૦ કરોડ રૂપિયાનું ફંડ ઉપલબ્ધ હોવા છતાં તેમણે માત્ર ૧ ટકાથી ૨૬ ટકા જેટલી નજીવી રકમ જ ખર્ચ કરી છે, જેના કારણે વિપક્ષને મોટો મુદ્દો મળી ગયો છે.
Rebel Shiv Sena MPs MPLADS Fund – સાંસદ સ્થાનિક વિસ્તાર વિકાસ યોજના હેઠળ મળતા ફંડનો યોગ્ય વપરાશ ન થયો
એક મીડિયા હાઉસ ના અહેવાલ મુજબ, કેન્દ્ર સરકાર દ્વારા ‘સાંસદ સ્થાનિક વિસ્તાર વિકાસ યોજના’ હેઠળ સ્થાનિક જરૂરિયાતો અને વિકાસ કામો પૂરા કરવા માટે દરેક સાંસદને દર વર્ષે ૫ કરોડ રૂપિયા ફાળવવામાં આવે છે. નિયમ મુજબ જો આ ફંડ સમયસર ખર્ચ ન થાય, તો બચેલી રકમને આગામી નાણાકીય વર્ષમાં ઉમેરી દેવામાં આવે છે. સત્તાવાર ડેટા અનુસાર, શિંદે જૂથના આ ૬ બળવાખોર સાંસદોના ખાતામાં આશરે ૧૦૦ કરોડ રૂપિયાનું મોટું ફંડ જમા હતું, પરંતુ છેલ્લા બે નાણાકીય વર્ષ અને ચાલુ વર્ષના પ્રથમ ક્વાર્ટર દરમિયાન આ સાંસદો દ્વારા સરેરાશ માત્ર ૧૩.૬૦ કરોડ રૂપિયાનો જ ઉપયોગ કરવામાં આવ્યો છે, જે તેમના દાવાઓની પોલ ખોલે છે.
Rebel Shiv Sena MPs MPLADS Fund – મુંબઈ અને હિંગોલી સહિતના વિવિધ બળવાખોર સાંસદોનું નબળું રિપોર્ટ કાર્ડ
મુંબઈ અને મહારાષ્ટ્રના વિવિધ વિસ્તારોના આ બળવાખોર સાંસદો દ્વારા સૂચવવામાં આવેલા અને અધૂરા પડેલા પ્રોજેક્ટ્સની વિગતો નીચે મુજબ છે:
સંજય દીના પાટીલ (મુંબઈ નોર્થ-ઈસ્ટ): આ સાંસદનું પ્રદર્શન સૌથી ખરાબ રહ્યું છે, તેમણે પોતાના ફંડમાંથી માત્ર ૧.૦૭ ટકા રકમ જ વાપરી છે અને મેદાનના સૌંદર્યીકરણ તેમજ ગટર લાઈન જેવા તેમના તમામ ૪૦ પ્રોજેક્ટ અધૂરા છે.
નાગેશ પાટીલ આષ્ટીકર (હિંગોલી): તેમણે ૬ સાંસદોમાં સૌથી વધુ ૨૬.૮૪ ટકા ફંડ ખર્ચ્યું છે, પરંતુ ૧૦૭ વિકાસ કામોમાંથી માત્ર ૨૮ જ પૂરા થયા છે.
ઓમરાજે નિંબાલકર (ધારાશિવ): તેમણે ૧૩૦ કામો પ્રસ્તાવિત કર્યા હતા, જેમાંથી ૧૦૯ કામો હજુ પણ પ્રોગ્રેસમાં છે. આ સિવાય સંજય જાધવ (પરભણી), ભાઉસાહેબ વાકચૌરે (શિરડી) અને સંજય દેશમુખ (યવતમાળ) ના પણ સેંકડો વિકાસ કામો પિલ્ડિંગ અથવા અધૂરા પડેલા છે.
Rebel Shiv Sena MPs MPLADS Fund – આંકડા સામે આવ્યા બાદ સાંસદોની સફાઈ અને સંજય રાઉતનો આકરો પ્રહાર
આ અહેવાલ બહાર આવ્યા બાદ હિંગોલીના સાંસદ નાગેશ પાટીલે સફાઈ આપતા જણાવ્યું હતું કે, પોર્ટલના આંકડા ખોટી રીતે રજૂ થઈ રહ્યા છે અને વાર્ષિક ૫ કરોડનું ફંડ મોટી લોકસભા બેઠક માટે ઘણું ઓછું હોય છે. તેમણે સ્પષ્ટ કર્યું કે અગાઉ જ્યારે તેમણે ફંડની અછતની વાત કરી હતી, ત્યારે તેમનો ઈશારો રાજ્ય સરકારની યોજનાઓ તરફ હતો. બીજી તરફ, ઉદ્ધવ સેનાના ફાયરબ્રાન્ડ નેતા અને સાંસદ સંજય રાઉતે બળવાખોરો પર આકરા પ્રહારો કરતા કહ્યું કે, આ આંકડા સાબિત કરે છે કે આ સાંસદો જનતાના ફંડનો ઉપયોગ કરવામાં સંપૂર્ણ નિષ્ફળ રહ્યા છે. જ્યારે કરોડો રૂપિયાનું ફંડ ખાતામાં વણવપરાયેલું પડ્યું હતું, ત્યારે તેમને કામ કરતા કોણે રોક્યા હતા? હવે તેઓ કયા ફંડ માટે પક્ષપલટો કરીને ગયા છે તે જનતા સમજી ગઈ છે.
👉 આ સમાચાર વાચો:
FPI Investment In Indian Bonds મોદી સરકારની નીતિઓનો જાદુ! વિદેશી રોકાણકારોએ માત્ર ૨૦ જ દિવસમાં ભારતમાં કર્યો રૂપિયાનો વરસાદ, આંકડો જાણીને ચોંકી જશો
