News Continuous Bureau | Mumbai
Priyanka Gandhi Assets: કોંગ્રેસ નેતા પ્રિયંકા ગાંધી વાડ્રાએ બુધવારે વાયનાડ લોકસભા પેટાચૂંટણી માટે ઉમેદવારી નોંધાવી હતી. આ દરમિયાન તેમની સાથે તેમની માતા સોનિયા ગાંધી, ભાઈ રાહુલ ગાંધી, કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે અને અન્ય ઘણા નેતાઓ હાજર હતા. અગાઉ તેમણે સ્થાનિક આગેવાનોની હાજરીમાં ઉમેદવારી ફોર્મ ભર્યા હતા. ઉમેદવારી ફોર્મ ભર્યા બાદ તેમણે તેમના ભાઈ રાહુલ ગાંધી સાથે રોડ-શો કર્યો હતો. તમને જણાવી દઈએ કે પ્રિયંકા ગાંધી વાયનાડ પેટાચૂંટણીમાં ભાજપના ઉમેદવાર નવ્યા હરિદાસનો સામનો કરવા જઈ રહી છે.
કોંગ્રેસ મહાસચિવ પ્રિયંકા ગાંધી વાડ્રાએ બુધવારે વાયનાડ લોકસભા બેઠક પરથી પક્ષના ઉમેદવાર તરીકે ઉમેદવારી નોંધાવીને પોતાની ચૂંટણીની ઇનિંગની શરૂઆત કરી હતી અને આ અવસર પર પોતાને સ્થાનિક લોકોના પરિવારનો એક ભાગ ગણાવતા કહ્યું હતું કે તેઓ તેમના સ્નેહને જાળવીને આગળ વધશે આ વિસ્તારની પ્રગતિ માટે કોઈ કસર છોડશે નહીં. નોમિનેશન દરમિયાન તેમણે પોતાની સંપત્તિ પણ જાહેર કરી હતી. જેમાં તેમણે જણાવ્યું કે તેમની પાસે 8 લાખ રૂપિયાની કાર અને 1.15 કરોડ રૂપિયાનું સોનું છે.
આ સમાચાર પણ વાંચો : Maharashtra elections 2024: ઉદ્ધવ જૂથની શિવસેનાએ જાહેર કરી 65 ઉમેદવારોની પ્રથમ યાદી, આદિત્ય ઠાકરે આ સીટ પરથી લડશે ચૂંટણી; જાણો કોને ક્યાંથી મળી ટિકિટ..
Priyanka Gandhi Assets: પ્રિયંકા ગાંધી પાસે કેટલી મિલકત છે?
પ્રિયંકા ગાંધીએ એફિડેવિટમાં 4 કરોડ 24 લાખ રૂપિયાની જંગમ સંપત્તિ જાહેર કરી છે. તેમની પાસે 52 હજાર રૂપિયા રોકડા, 2 કરોડ 24 લાખ રૂપિયાના મ્યુચ્યુઅલ ફંડ, બેંક ખાતામાં લગભગ 3 લાખ 60 હજાર રૂપિયા, પીપીએફ ખાતામાં 17 લાખ 38 હજાર રૂપિયા, 8 લાખ રૂપિયાની હોન્ડા સીઆરવી કાર છે. પતિએ ભેટ આપી છે. આ સિવાય તેમની પાસે 1 કરોડ 15 લાખ રૂપિયાનું સોનું અને 29 લાખ રૂપિયાની ચાંદી પણ છે.
