News Continuous Bureau | Mumbai
Public Examinations Amendment Bill 2026 Lok Sabha દેશભરમાં યોજાતી સરકારી ભરતી અને પ્રવેશ પરીક્ષાઓમાં પેપર લીક (Paper Leak) અને ગેરરીતિઓ રોકવા માટે કેન્દ્ર સરકાર આજે લોકસભામાં એક અત્યંત મહત્વપૂર્ણ બિલ રજૂ કરવા જઈ રહી છે. ચોમાસુ સત્ર (Monsoon Session) દરમિયાન કેન્દ્રીય મંત્રી ડૉ. જિતેન્દ્ર સિંહ દ્વારા ‘પબ્લિક એક્ઝામિનેશન્સ (પ્રિવેન્શન ઓફ અનફેર મીન્સ) એમેન્ડમેન્ટ બિલ, ૨૦૨૬’ તાસીરમાં મુકવામાં આવશે, જેનો મુખ્ય હેતુ પરીક્ષા પ્રણાલીમાં પારદર્શિતા લાવવાનો છે.
Public Examinations Amendment Bill 2026 Lok Sabha – કાયદો વધુ કડક બનાવવા માટે સજા અને દંડની રકમમાં વધારો
આ નવા સુધારા વિધેયક (Amendment Bill) માં પરીક્ષા કૌભાંડોમાં સામેલ દોષિતો સામે આકરી સજાની જોગવાઈ કરવામાં આવી છે. સામાન્ય ગેરરીતિઓ માટે સજા ૩-૫ વર્ષથી વધારીને ૫-૧૦ વર્ષની જેલ અને દંડ રૂ. ૧૦ લાખથી વધારીને રૂ. ૫૦ લાખ કરવામાં આવ્યો છે. જ્યારે સંગઠિત પેપર લીક રેકેટ (Organised Crime) માં સામેલ માફિયાઓ માટે રૂ. ૧૦ કરોડ સુધીનો આકરો દંડ અને કડક કેદની ભલામણ કરવામાં આવી છે.
Public Examinations Amendment Bill 2026 Lok Sabha – સમયબદ્ધ તપાસ માટે સ્પેશિયલ ટાસ્ક ફોર્સ અને ફાસ્ટ ટ્રેક કોર્ટ
બિલમાં તપાસ પ્રક્રિયા ઝડપી બનાવવા માટે મહત્વના સુધારા કરાયા છે. કોઈપણ પરીક્ષા ગેરરીતિની તપાસ માટે ૨ મહિના (૬૦ દિવસ) ની કડક સમયસીમા નક્કી કરવામાં આવી છે, જેની તપાસ સ્પેશિયલ ટાસ્ક ફોર્સ (STF) કરશે. આ ઉપરાંત કેસોના ઝડપી નિકાલ માટે સ્પેશિયલ ફાસ્ટ ટ્રેક કોર્ટ (Fast Track Courts) ની સ્થાપના કરવામાં આવશે, જ્યાં ચાર્જશીટ દાખલ થયાના ૩ મહિનાની અંદર કેસનો નિકાલ લાવવો ફરજિયાત રહેશે.
Public Examinations Amendment Bill 2026 Lok Sabha – દેશના કરોડો યુવાનોના ભવિષ્યની સુરક્ષા માટે મોટો નિર્ણય
NEET, UPSC, SSC અને અન્ય રાષ્ટ્રીય કક્ષાની સ્પર્ધાત્મક પરીક્ષાઓમાં તાજેતરમાં સામે આવેલા વિવાદો બાદ સરકારનો આ નિર્ણય ખૂબ જ મહત્વપૂર્ણ માનવામાં આવે છે. કેન્દ્રીય મંત્રી ડૉ. જિતેન્દ્ર સિંહે જણાવ્યું કે આ કડક સુધારાઓથી પરીક્ષા ચોરી કરાવતી ટોળકીઓ અને બેદરકાર એજન્સીઓ સામે કડક દાખલો બેસશે, જેથી દેશના લાખો મહેનતુ ઉમેદવારોનો સાર્વજનિક પરીક્ષા પદ્ધતિ પર વિશ્વાસ પુનઃસ્થાપિત થઈ શકશે.
👉 આ સમાચાર વાચો:
Heavy Rain Alert દેશભરમાં ભારે વરસાદનું એલર્ટ, હિમાચલમાં વાદળ ફાટ્યું, આસામમાં પૂરમાં ૬૮ લોકોના મોત; IMDની ગંભીર ચેતવણી
