News Continuous Bureau | Mumbai
S Jaishankar On India Russia Ties રશિયા સાથેના વ્યૂહાત્મક સંબંધો અને ક્રૂડ ઓઇલની ખરીદી મુદ્દે પશ્ચિમી દેશો તરફથી સતત આવી રહેલા દબાણ વચ્ચે ભારતના વિદેશ મંત્રી ડૉ. એસ. જયશંકરે મ્યુનિક લીડર્સ મીટિંગમાં સ્પષ્ટ શબ્દોમાં જણાવ્યું છે કે ભારતની વિદેશ નીતિ કોઈપણ પશ્ચિમી જૂથના ઇશારે નહીં, પરંતુ પોતાના રાષ્ટ્રીય હિતો અને ઐતિહાસિક અનુભવોના આધારે સંચાલિત થાય છે.
S Jaishankar On India Russia Ties – સંકટના સમયમાં મોસ્કો હંમેશાં ભારતની પડખે ઊભું રહ્યું: જયશંકર
નવી દિલ્હી ખાતે આયોજિત મ્યુનિક સિક્યુરિટી કોન્ફરન્સ અંતર્ગત મ્યુનિક લીડર્સ મીટિંગમાં સંબોધન કરતાં વિદેશ મંત્રી એસ. જયશંકરે ૧૯૫૦ના દાયકાથી ચાલી આવતી ભારત-રશિયા મૈત્રીનો ઉલ્લેખ કર્યો હતો. તેમણે યાદ અપાવ્યું હતું કે જ્યારે પણ ભારતીય સુરક્ષા અને અખંડિતતા સામે ગંભીર સંકટ ઊભું થયું છે, ત્યારે તત્કાલીન સોવિયેત સંઘ અને આજના રશિયાએ હંમેશાં ભારતને એક વિશ્વાસુ મિત્ર તરીકે ટેકો આપ્યો છે. ભૂતકાળના કટોકટીભર્યા દિવસોમાં મળેલા આ સહયોગને ભારત ક્યારેય ભૂલી શકે નહીં અને નવી દિલ્હી પોતાના સંબંધોનું મૂલ્યાંકન પોતાના ઇતિહાસના આધારે જ કરશે.
S Jaishankar On India Russia Ties – પશ્ચિમી દબાણ સામે સ્વતંત્ર વિદેશ નીતિ અને ઊર્જા સુરક્ષા
યુરોપ અને પશ્ચિમી દેશો દ્વારા ઉઠાવવામાં આવતા સવાલોનો રોકડિયો જવાબ આપતાં જયશંકરે સ્પષ્ટ કર્યું કે ભારત રશિયાને યુરોપના ચશ્માથી જોઈ શકે નહીં. તેમણે ભારપૂર્વક જણાવ્યું કે દેશની પ્રાથમિકતા ભારતીય નાગરિકોના હિતોનું રક્ષણ કરવાની અને દેશમાં ઊર્જાની અછત ન સર્જાય તે સુનિશ્ચિત કરવાની છે. આ જ કારણથી ભારતે વિવિધ સ્રોતોમાંથી ક્રૂડ ઓઇલ સપ્લાય ચાલુ રાખીને વૈશ્વિક બજારને પણ સ્થિર રાખવામાં મહત્વનું યોગદાન આપ્યું છે. બંને દેશો વચ્ચેની ભાગીદારી હવે માત્ર રક્ષા ક્ષેત્ર પૂરતી સીમિત ન રહેતાં વેપાર, ખાતર અને ઊર્જા સુરક્ષા સુધી મજબૂત બની છે.
S Jaishankar On India Russia Ties – સંઘર્ષ ઉકેલવા ડિપ્લોમસી અને શાંતિ મંત્રણા પર ભાર
રશિયા-યુક્રેન યુદ્ધ અંગે ભારતની ભૂમિકા સ્પષ્ટ કરતાં વિદેશ મંત્રીએ પુનરોચ્ચાર કર્યો હતો કે ભારત હંમેશાં વાતચીત અને રાજદ્વારી માર્ગે સંઘર્ષનો અંત લાવવાની તરફેણમાં રહ્યું છે. તેમણે પ્રધાનમંત્રી નરેન્દ્ર મોદીના પ્રસિદ્ધ નિવેદનને ટાંકતાં જણાવ્યું કે ‘આ યુગ યુદ્ધનો નથી’ અને આ લાંબા સંઘર્ષનો કૂટનીતિ દ્વારા તાત્કાલિક ઉકેલ આવવો જરૂરી છે. વૈશ્વિક પ્લેટફોર્મ પર ભારત માત્ર કોઈ એક જૂથનું સમર્થન કરવાને બદલે બ્લેક સી ગ્રેન ઇનિશિયેટિવથી લઈને ઊર્જા સુરક્ષા સુધી તમામ મોરચે એક વિશ્વસનીય મધ્યસ્થી અને શાંતિદૂત તરીકે ભૂમિકા ભજવી રહ્યું છે.
👉 આ સમાચાર વાચો:
ThreeLayer Security Lapse Flydubai આટલી મોટી લાપરવાહી? પ્રતિબંધ છતાં કોકપિટ સુધી પહોંચી ગયો કટ્ટરપંથી પાયલટ ૩ દેશોની સુરક્ષા એજન્સીઓ આમનેસામને
