News Continuous Bureau | Mumbai
Shashi Tharoor Slip Video સંસદ ભવનના પરિસરમાં એક હૃદયદ્રાવક દ્રશ્ય જોવા મળ્યું હતું. કોંગ્રેસ સાંસદ શશિ થરુર સીડીઓ પરથી ઉતરી રહ્યા હતા અને ફોન પર વાત કરી રહ્યા હતા, તે દરમિયાન એક પગથિયું ચૂકી જતાં તેમનું સંતુલન બગડ્યું હતું અને તેઓ લપસી પડ્યા હતા. તેમની બાજુમાં જ ઉભેલા સમાજવાદી પાર્ટીના વડા અખિલેશ યાદવે તરત જ તેમને પકડી લીધા હતા અને નીચે પડતા બચાવ્યા હતા.વાયરલ વીડિયોમાં જોઈ શકાય છે કે અખિલેશ યાદવે થરુરનો હાથ પકડીને તેમને નીચે સુધી ઉતારવામાં મદદ કરી હતી. આ ઘટના બાદ સોશિયલ મીડિયા પર લોકોએ થરુરના સ્વાસ્થ્ય અંગે ચિંતા વ્યક્ત કરી હતી, જેનો જવાબ તેમણે પોતે જ અનોખી અંદાજમાં આપ્યો છે.
શશિ થરુરની શાયરાના અંદાજમાં પ્રતિક્રિયા
શશિ થરુરે આ ઘટનાનો વીડિયો શેર કરતા ટ્વિટર (X) પર લખ્યું, “જિસ દીયે કો તુફાં મેં જલના હોગા, ઉસે સંભલ-સંભલ કે ચલના હોગા. હું ઠીક છું.” થરુરના આ નિવેદનના હવે રાજકીય અર્થો પણ કાઢવામાં આવી રહ્યા છે. તેમણે અખિલેશ યાદવ અને ઈમરાન મસૂદનો આભાર માનતા જણાવ્યું કે, તેમના પગની ઘૂંટીમાં થોડો સોજો અને મચકોડ આવી છે, પરંતુ કોઈ ગંભીર ઈજા કે હાડકું તૂટ્યું નથી.
રાહુલ ગાંધી અને રવનીત બિટ્ટૂ વચ્ચે પણ જામી
સંસદમાં ગઈકાલે માત્ર થરુરની આ ઘટના જ નહીં, પરંતુ રાહુલ ગાંધી અને કેન્દ્રીય મંત્રી રવનીત સિંહ બિટ્ટૂ વચ્ચેની બોલાચાલી પણ ચર્ચામાં રહી હતી. રાહુલ ગાંધીએ બિટ્ટૂને ‘ગદ્દાર દોસ્ત’ કહ્યા હતા, જ્યારે બિટ્ટૂએ રાહુલ ગાંધીને ‘દેશના દુશ્મન’ ગણાવ્યા હતા. રાહુલ ગાંધીએ બિટ્ટૂ તરફ હાથ મિલાવવા માટે હાથ લંબાવ્યો હતો, પરંતુ બિટ્ટૂ હાથ મિલાવ્યા વગર જ આગળ નીકળી ગયા હતા.
Yes thanks to @yadavakhilesh, @Imranmasood_Inc and others who came to help as I hobbled off.
Took a bit of a tumble by missing a step when coming down the Parliament stairs. A bit of pain still, but I don’t think I’ve broken anything, just twisted the ankle and bruised some… https://t.co/gDhMMV8cu9
— Shashi Tharoor (@ShashiTharoor) February 4, 2026
આ સમાચાર પણ વાંચો : Weather Alert: સાવધાન! આગામી 72 કલાક ભારે: 5, 6 અને 7 ફેબ્રુઆરીએ ગાજવીજ સાથે ભારે વરસાદની આગાહી; જાણી લો તમારા શહેરની સ્થિતિ
ભાજપનો વિપક્ષ પર પ્રહાર
ભાજપે રાહુલ ગાંધીના નિવેદનને શીખ સમુદાયના અપમાન તરીકે ગણાવ્યું છે. દિલ્હીના ભાજપ સાંસદોએ કહ્યું કે, રવનીત બિટ્ટૂને ‘ગદ્દાર’ કહેવું એ અત્યંત નિંદનીય છે. એક તરફ સંસદમાં રાજકીય ગરમાવો જોવા મળી રહ્યો છે, ત્યારે બીજી તરફ શશિ થરુર અને અખિલેશ યાદવ વચ્ચેની આ મિત્રતાપૂર્ણ ક્ષણના સોશિયલ મીડિયા પર વખાણ થઈ રહ્યા છે.
