News Continuous Bureau | Mumbai
Shashi Tharoor Convoy Attack: કેરળના મલપ્પુરમ જિલ્લાના વાંડૂર વિસ્તારમાં કોંગ્રેસના સાંસદ શશિ થરૂરના કાફલા પર હુમલો થવાની આઘાતજનક ઘટના સામે આવી છે. આ હિંસક ઘટનામાં સાંસદના ગનમેન અને ડ્રાઈવરને માર મારવામાં આવ્યો હતો. પોલીસે આ મામલે પાંચ લોકો વિરુદ્ધ કેસ નોંધીને એક આરોપીની અટકાયત કરી છે અને અન્યની શોધખોળ હાથ ધરી છે.
ચૂંટણી પ્રચાર માટે જતી વખતે રસ્તામાં સર્જાયો વિવાદ
ઘટના શુક્રવારે સાંજે લગભગ ૭:૩૦ વાગ્યે ચેલ્લીથોડ પાસેના થિરૂવાલી વિસ્તારમાં બની હતી. શશિ થરૂર કોંગ્રેસના નેતા એ.પી. અનિલ કુમારના ચૂંટણી પ્રચાર કાર્યક્રમમાં ભાગ લેવા માટે વાંડૂર જઈ રહ્યા હતા. વાંડૂર પોલીસના જણાવ્યા અનુસાર, એક સાંકડા રસ્તા પર પુલ પાસે ટ્રાફિકને કારણે રૂકાવટ હતી. જ્યારે થરૂરના ગનમેન રતીશ કે.પી.એ આગળના વાહનને ઝડપથી ચલાવવા માટે કહ્યું, ત્યારે બે વાહનોમાં સવાર પાંચ લોકોના જૂથે કાફલાને રોકી લીધો હતો.
આ સમાચાર પણ વાંચો: Shani Uday 2026: Shani Uday 2026: શનિદેવનો ઉદય આ 5 રાશિઓ માટે લાવશે મોટો કમબેક, પનોતીની અસરોમાં થશે ઘટાડો.
ગનમેન અને ડ્રાઈવર પર હુમલો; રાજકીય દુશ્મનીની પણ તપાસ
જ્યારે ગનમેને રસ્તો સાફ કરવાનો પ્રયાસ કર્યો, ત્યારે ઉશ્કેરાયેલા આરોપીઓએ ગનમેન અને ડ્રાઈવર પર હુમલો કરી દીધો હતો. આ હુમલામાં બંનેને ઈજાઓ પહોંચી છે. ગનમેન રતીશે આ મામલે પોલીસમાં ફરિયાદ નોંધાવી છે. પોલીસ અત્યારે એ પાસાની પણ તપાસ કરી રહી છે કે આ હુમલા પાછળ કોઈ રાજકીય દુશ્મની કે સુનિયોજિત કાવતરું તો નથી ને.
એક આરોપી કસ્ટડીમાં, અન્યની ઓળખ થઈ ગઈ
વાંડૂર પોલીસે તાત્કાલિક કાર્યવાહી કરતા શુક્રવારે મોડી રાત્રે એક વ્યક્તિને કસ્ટડીમાં લીધો હતો. પોલીસના જણાવ્યા મુજબ, બાકીના ચાર આરોપીઓની પણ ઓળખ કરી લેવામાં આવી છે અને તેમને પકડવા માટે ચક્રો ગતિમાન કર્યા છે. સાંસદ શશિ થરૂર આ ઘટનામાં સુરક્ષિત છે, પરંતુ વરિષ્ઠ નેતાના કાફલા પર થયેલા આ હુમલાથી કેરળના રાજકારણમાં ગરમાવો આવી ગયો છે.
