ન્યુઝ કન્ટિન્યુઝ બ્યુરો
મુંબઈ, 14 ઑક્ટોબર, 2021
ગુરુવાર
આઝાદીની લડતમાં પોતાનું મહત્વનું યોગદાન આપનારા 6 અનામી ક્રાંતિકારી બક્ષી જગબંધુ, શહીદ બાજી રાઉત, શહીદ જય રાજગુરુ, શહીદ ચાખી ખુંટિયા, શહીદ ચક્ર બિસોઇ અને પર્વતી ગિરી પર વિશેષ પોસ્ટલ કવર બહાર પાડવામાં આવ્યું છે. આ 6 અનામી ક્રાંતિવીરોના નામ પર ‛આઝાદી કા અમૃત મહોત્સવ’ અને ‛ટપાલ ટિકિટ દિવસ’ ના સમારોહના ઉપલક્ષમાં શિક્ષણ, કૌશલ્ય વિકાસ અને ઉદ્યોગ મંત્રી ધર્મેન્દ્ર પ્રધાન અને સંદેશાવ્યવહાર, રેલવે અને આઇટી મંત્રી અશ્વિની વૈષ્ણવ દ્વારા ઓડિશામાં વિશેષ પોસ્ટલ કવરનું વિમોચન કરવામાં આવ્યું.
કેન્દ્રીય શિક્ષણ મંત્રીએ પોતાના સંબોધનમાં આ મહાપુરુષો અને મહિલાઓના સંઘર્ષને યાદ કર્યો અને વર્તમાન પેઢીને યાદ અપાવ્યું કે આ પ્રતિષ્ઠિત વ્યક્તિઓ દ્વારા બતાવેલા મૂલ્યો અને માર્ગોને જાળવવાની તેમની ફરજ છે. આ નાયકોએ દેશના સ્વાતંત્ર્ય સંગ્રામમાં મહત્વનું યોગદાન આપ્યું હતું.
શેરબજારના બાદશાહ ઝુનઝુનવાલાએ 9 દિવસમાં આ સ્ટોકમાંથી કરી અધધધ 1600 કરોડની કમાણી
ટપાલ વિભાગ દ્વારા 11.10.2021 થી 17.10.2021 સુધી રાષ્ટ્રીય ટપાલ સપ્તાહની ઉજવણી કરવામાં આવી રહી છે. દરેક દિવસ એક વિશિષ્ટ થીમ જેવી કે ફાઇનાન્શિયલ ઇન્ક્લુઝન, સ્ટેમ્પ, મેઇલ અને પાર્સલ વગેરે સાથે ઉજવવામાં આવી રહ્યો છે, જેમાં સમગ્ર દેશના નાગરિકોને મોટા પ્રમાણમાં સામેલ કરવા અને ભારત 75 ની ભાવનાને વાગોળી હતી.
મંત્રીઓ અને મહેમાનોનું સ્વાગત કરતા, ટપાલના સચિવ વિનીત પાંડેએ ટપાલ વિભાગના પ્રયાસો પર પ્રકાશ પાડ્યો અને કહ્યું કે આ સમારોહ ટપાલ ટિકિટો અને ખાસ કવર્સ દ્વારા આપણા સ્વતંત્રતા સંગ્રામના અગમ્ય નાયકોની પ્રેરણાદાયી વાર્તાઓને વિશ્વ સમક્ષ લાવવાનો છે. વિભાગે 13 ઓક્ટોબર, 2021 ના રોજ દેશના સ્વાતંત્ર્ય ચળવળના અનામી નાયકો પર 103 વિશેષ કવર બહાર પાડ્યા હતા.
ધર્મેન્દ્ર પ્રધાન અને અશ્વિની વૈષ્ણવ દ્વારા ડાક ભવન, નવી દિલ્હી ખાતે ખાસ કવર બહાર પાડવામાં આવ્યું. બંને મંત્રીઓએ વિડીયો લિંક દ્વારા ઓડિશામાં 6 અનામી નાયકોના પરિવારના સભ્યો સાથે પણ વાતચીત કરી.
સંચારમંત્રી અશ્વિની વૈષ્ણવે યાદ કર્યું કે આ 6 નાયકો દ્વારા આપવામાં આવેલ મહાન યોગદાન હજુ પણ ઓડિશાના લોકોના હૃદયમાં છે અને તેઓ કેવી રીતે સ્થાનિક લોકકથાનો એક ભાગ રહ્યા છે. મંત્રીએ ઓડિશાના આ સંગઠિત નાયકો પર વિશેષ કવર બહાર લાવવા બદલ ટપાલ વિભાગને અભિનંદન પાઠવ્યા હતા.
આ 6 સ્વાતંત્ર્ય સેનાનીઓના પરિવારના સભ્યોએ આ કાર્યક્રમમાં વર્ચ્યુઅલ રીતે હાજરી આપી હતી અને ઓડિશામાં ટપાલ વિભાગના અધિકારીઓ દ્વારા તેમના સંબંધિત શહેરોની સ્થાનિક પોસ્ટ ઓફિસમાં તેમને ખાસ કવર આલ્બમ આપવામાં આવ્યા હતા.
