News Continuous Bureau | Mumbai
C.P. Radhakrishnan કિશોરાવસ્થામાં રાષ્ટ્રીય સ્વયંસેવક સંઘ (RSS)ના સ્વયંસેવક, ભારતીય જનસંઘ સાથે રાજકીય કારકિર્દીની શરૂઆત, 1990ના દાયકામાં ભાજપના સાંસદ, તેમના સમર્થકોમાં ‘તમિલનાડુના મોદી’ તરીકે લોકપ્રિય, અને આજે દેશના બીજા સર્વોચ્ચ બંધારણીય પદ માટે ચૂંટાયેલા ચંદ્રપુરમ પોન્નસાથી રાધાકૃષ્ણનની સફર નિઃશંકપણે અદ્ભુત છે. ઉપરાષ્ટ્રપતિ તરીકેની તેમની સફર હવે અલગ પ્રકારની હશે, જેમાં તેમની સામે અનેક પડકારો પણ હશે. સૌથી મોટો પડકાર રાજ્યસભાના સભાપતિ તરીકે શાસક પક્ષ અને વિપક્ષ વચ્ચે સંતુલન જાળવવાનો હશે, કારણ કે છેલ્લા કેટલાક વર્ષોમાં વિપક્ષે અધ્યક્ષની નિષ્પક્ષતા અંગે અનેક પ્રશ્નો ઉભા કર્યા છે.
ઉપરાષ્ટ્રપતિની ચૂંટણીમાં ‘તમિલનાડુના મોદી’નો જાદુ
સી.પી. રાધાકૃષ્ણન (ઉંમર 77) ભારતના 15મા ઉપરાષ્ટ્રપતિ તરીકે ચૂંટાયા છે. તેમણે વિપક્ષના ઉમેદવાર બી. સુદર્શન રેડ્ડીને 152 મતોના વિશાળ માર્જિનથી હરાવ્યા. અત્યાર સુધી મહારાષ્ટ્રના રાજ્યપાલની ભૂમિકા નિભાવી રહેલા 67 વર્ષીય રાધાકૃષ્ણન કિશોરાવસ્થામાં જ આરએસએસ અને જનસંઘ સાથે જોડાઈ ગયા હતા. 1990ના દાયકાના અંતમાં તેમણે કોઈમ્બતુરથી બે વાર લોકસભાની ચૂંટણી જીતી અને તેમના સમર્થકો તેમને ‘તમિલનાડુના મોદી’ તરીકે ઓળખાવે છે.
ત્રણ વખત લોકસભાની ચૂંટણી હાર્યા
રાધાકૃષ્ણન 1998 અને 1999માં કોઈમ્બતુર લોકસભા બેઠક પરથી બે વાર જીત્યા, જોકે ત્યારબાદ તેમને આ બેઠક પરથી સતત ત્રણ વાર હારનો સામનો કરવો પડ્યો. તમિલનાડુમાં તમામ પક્ષોમાં તેમનું ઘણું સન્માન છે અને આ જ કારણ છે કે ભાજપે તેમને અનેક રાજ્યોના રાજ્યપાલ બનાવ્યા. તેમણે 31 જુલાઈ, 2024ના રોજ મહારાષ્ટ્રના રાજ્યપાલ તરીકે શપથ લીધા. આ પહેલા, તેમણે લગભગ દોઢ વર્ષ સુધી ઝારખંડના રાજ્યપાલ તરીકે કાર્ય કર્યું હતું. ઝારખંડના રાજ્યપાલ તરીકે, તેમને તેલંગાણાના રાજ્યપાલ અને પુડુચેરીના ઉપરાજ્યપાલનો વધારાનો હવાલો પણ સોંપવામાં આવ્યો હતો.
આ સમાચાર પણ વાંચો : Turkey: નેપાળ બાદ હવે તુર્કી એ પણ સોશિયલ મીડિયા પર લગાવ્યો પ્રતિબંધ, જાણો શું છે કારણ
16 વર્ષની ઉંમરે લીધી હતી RSSની સદસ્યતા
સી.પી. રાધાકૃષ્ણન વિવિધ રાજ્યોમાં રાજ્યપાલનું પદ સંભાળ્યા બાદ પણ વારંવાર તમિલનાડુની મુલાકાત લેતા રહ્યા છે. તાજેતરમાં જ પોતાની તમિલનાડુની મુલાકાત દરમિયાન, તેમણે ઘણા કાર્યક્રમોમાં ભાગ લીધો હતો અને મુખ્યમંત્રી એમ.કે. સ્ટાલિનને પણ મળ્યા હતા. તમિલનાડુમાં આગામી વર્ષે વિધાનસભાની ચૂંટણી યોજાવાની છે. તમિલનાડુના તિરુપુર માં 20 ઓક્ટોબર, 1957ના રોજ જન્મેલા રાધાકૃષ્ણન પાસે બિઝનેસ મેનેજમેન્ટમાં સ્નાતકની ડિગ્રી છે. 16 વર્ષની ઉંમરે આરએસએસના સ્વયંસેવક તરીકે શરૂઆત કરનાર રાધાકૃષ્ણન 1974માં ભારતીય જનસંઘની રાજ્ય કાર્યકારિણીના સભ્ય બન્યા. 1996માં, તેમને ભાજપના તમિલનાડુ એકમના સચિવ તરીકે નિયુક્ત કરવામાં આવ્યા. 1998માં, તેઓ કોઈમ્બતુરથી પહેલી વાર લોકસભા માટે ચૂંટાયા અને 1999માં તેઓ ફરીથી આ બેઠક પરથી લોકસભા માટે ચૂંટાયા. સાંસદ તરીકેના તેમના કાર્યકાળ દરમિયાન, તેમણે વિવિધ સંસદીય સમિતિઓના અધ્યક્ષ અને સભ્ય તરીકે કાર્ય કર્યું. 2004 થી 2007 વચ્ચે, તેઓ ભાજપના તમિલનાડુ એકમના પ્રમુખ રહ્યા. આ પદ પર રહીને, તેમણે 19,000 કિલોમીટરની ‘રથયાત્રા’ કરી, જે 93 દિવસ સુધી ચાલી હતી.
