News Continuous Bureau | Mumbai
Umeed Portal :કેન્દ્ર સરકાર 6 જૂન 2025ના રોજ ઉમીદ પોર્ટલ (Umeed Portal) લોન્ચ કરવા જઈ રહી છે, જેનો ઉદ્દેશ દેશભરમાં વકફ મિલકતોના રજિસ્ટ્રેશન અને વ્યવસ્થાપન માટે એક કેન્દ્રિય ડિજિટલ પ્લેટફોર્મ બનાવવાનો છે. Umeed નો અર્થ છે: Unified Waqf Management, Empowerment, Efficiency, and Development.
Umeed Portal : ઉમીદ પોર્ટલ રજિસ્ટ્રેશન માટે 6 મહિનાની સમયમર્યાદા
આ પોર્ટલ પર તમામ વકફ મિલકતોનું રજિસ્ટ્રેશન આગામી છ મહિનામાં કરવું ફરજિયાત રહેશે. મિલકતની લંબાઈ, પહોળાઈ અને geo-tagged location જેવી વિગતો આપવી ફરજિયાત રહેશે. જો કોઈ મિલકત સમયમર્યાદા દરમિયાન રજિસ્ટર નહીં થાય તો તેને વિવાદાસ્પદ ગણવામાં આવશે અને Waqf Tribunal પાસે મોકલવામાં આવશે.
Umeed Portal : સુધારા બિલ 2025 નવા કાયદાની પૃષ્ઠભૂમિમાં શરૂ થશે પોર્ટલ
આ પોર્ટલ વક્ફ (Amendment) બિલ , 2025 ની પૃષ્ઠભૂમિમાં શરૂ કરવામાં આવી રહ્યું છે, જેને 5 એપ્રિલે રાષ્ટ્રપતિ દ્રૌપદી મુર્મૂ દ્વારા મંજૂરી મળી હતી. નવા કાયદા મુજબ, મહિલાના નામે નોંધાયેલ મિલકતોને વકફ જાહેર કરી શકાશે નહીં. જોકે, વકફ મિલકતોના મુખ્ય લાભાર્થીઓમાં મહિલાઓ, બાળકો અને આર્થિક રીતે નબળા વર્ગનો સમાવેશ રહેશે.
આ સમાચાર પણ વાંચો: Israeli astronaut Eytan Stibbe : આકાશ (Space) દ્વારા ભારત (India) અને ઇઝરાયેલ (Israel) વચ્ચે નવી મિત્રતા, લખનૌના વિદ્યાર્થીઓ માટે ખાસ મિશન
Umeed Portal : સુપ્રીમ કોર્ટમાં પડતર કેસો
વક્ફ કાયદા સામે સુપ્રીમ કોર્ટમાં અનેક અરજીઓ દાખલ છે. કેન્દ્ર સરકારે કોર્ટને કહ્યું છે કે આ કાયદો બંધારણીય અધિકારોનું ઉલ્લંઘન કરતો નથી. 27 મેની સુનાવણીમાં સુપ્રીમ કોર્ટે કેન્દ્ર અને અન્ય પક્ષો પાસેથી જવાબ માગ્યો છે. 17 એપ્રિલે કોર્ટે કાયદા પર સ્ટે આપવાનો ઇનકાર કર્યો હતો.
