News Continuous Bureau | Mumbai
Hardik Pandya: BCCIએ મુંબઈ ઈન્ડિયન્સના કેપ્ટન હાર્દિક પંડ્યા પર 12 લાખ રૂપિયાનો દંડ ફટકાર્યો છે. પંજાબ કિંગ્સ સામે મુંબઈ ઈન્ડિયન્સની જીત બાદ BCCIએ હાર્દિક પંડ્યાને આ સજા આપી હતી. મુલ્લાનપુરમાં રમાયેલી મેચમાં સ્લો ઓવર રેટના કારણે મુંબઈ ઈન્ડિયન્સને લાખોનો દંડ ફટકારવામાં આવ્યો છે. પંજાબ કિંગ્સ સામે મુંબઈની ટીમ સમયસર ઓવર પૂરી કરી શકી ન હતી, જેના કારણે BCCIએ હાર્દિક પંડ્યા વિરુદ્ધ કાર્યવાહી કરી હતી.
વાસ્તવમાં, BCCIએ પંજાબ કિંગ્સ vs મુંબઈ ઈન્ડિયન્સ ( PBKS vs MI ) ની મેચ પછી એક રિલીઝમાં કહ્યું હતું કે મુંબઈ ઈન્ડિયન્સના ( Mumbai Indians ) કેપ્ટન હાર્દિક પંડ્યાને દંડ ફટકારવામાં આવ્યો છે કારણ કે તેની ટીમ નિર્ધારિત સમયમાં આખી ઓવરો ફેંકી શકી નહોતી. ન્યૂનતમ ઓવર રેટના ગુના સંબંધિત આઈપીએલની આચારસંહિતા હેઠળ મુંબઈની ટીમનો આ સિઝનનો પ્રથમ ગુનો હતો. જેથી પંડ્યા પર 12 લાખ રૂપિયાનો દંડ ( penalty ) ફટકારવામાં આવ્યો છે.
Hardik Pandya: મુંબઈ ઈન્ડિયન્સની ટીમ નિર્ધારિત સમય કરતા 2 ઓવર પાછળ ચાલી રહી હતી..
ઉલ્લેખનીય છે કે, મુંબઈ ઈન્ડિયન્સની ટીમ નિર્ધારિત સમય કરતા 2 ઓવર ( slow over rate ) પાછળ ચાલી રહી હતી અને તેના કારણે ટીમે 19મી અને 20મી ઓવરમાં 30 યાર્ડ સર્કલમાં એક વધારાનો ફિલ્ડર રાખવો પડ્યો હતો. જોકે, તેનાથી મુંબઈને કોઈ નુકસાન થયું ન હતું અને મુંબઈની ટીમે પંજાબ કિંગ્સને 9 રને હરાવીને મેચ ( IPL 2024 ) જીતી લીધી હતી.
આ સમાચાર પણ વાંચો : Lok Sabha Election 2024: પ્રથમ તબક્કાનું મતદાન શરુ, જાણો પ્રથમ તબક્કામાં સૌથી અમીર ઉમેદવાર કોણ, કોની પાસે કેટલી મિલકત?
વર્તમાન સિઝનમાં મુંબઈ ઈન્ડિયન્સની આ પહેલી ભૂલ હતી, જેના કારણે BCCIએ હાર્દિક પંડ્યા પર 12 લાખ રૂપિયાનો દંડ લગાવ્યો હતો. જો મુંબઈની ટીમ બીજી વખત આ ભૂલ કરશે તો કેપ્ટન હાર્દિક પર 12 લાખને બદલે 24 લાખ રૂપિયાનો દંડ થશે. તેમના સિવાય અન્ય ખેલાડીઓને પણ સજા કરવામાં આવશે.
પ્રથમ બેટિંગ કરતા મુંબઈ ઈન્ડિયન્સની ટીમે 20 ઓવરમાં 192 રન બનાવ્યા હતા. મુંબઈની ટીમ માટે રોહિત શર્માના બેટમાંથી 36 રન આવ્યા હતા. તો માત્ર 53 બોલમાં 7 ચોગ્ગા અને 3 છગ્ગાની મદદથી 78 રનની તોફાની ઇનિંગ રમનાર સૂર્યકુમાર યાદવ તરફથી મુલ્લાનપુરમાં જોરદાર બેટીંગ પ્રદર્શન જોવા મળ્યું હતું. આ મેચમાં તિલક વર્માએ અણનમ 34 રન બનાવ્યા હતા. તેની સામે 193 રનનો પીછો કરતી વખતે પંજાબ કિંગ્સની શરૂઆત ખરાબ રહી હતી. પંજાબની ટીમની સતત વિકેટો પડતી રહી હતી અને ટીમ વતી શશાંક સિંહે 41 રન અને આશુતોષ શર્માએ 61 રન બનાવ્યા હતા.
