IND vs ENG: ધર્મશાલા ટેસ્ટમાં બીજા દિવસની રમત પૂર્ણ, ટીમ ઈન્ડિયાએ મેળવી 255 રનની લીડ, રોહિત-ગિલની સદી..

IND vs ENG: ટીમ ઈન્ડિયાએ ધર્મશાલા ટેસ્ટના બીજા દિવસે મેચ પર પોતાની પકડ મજબૂત કરી લીધી છે. પ્રથમ દિવસે ઇંગ્લેન્ડને માત્ર 218 રનમાં આઉટ કર્યા બાદ 135 રન બનાવનાર ભારતીય ટીમે બીજા દિવસની રમતના અંતે 8 વિકેટ ગુમાવીને 473 રન બનાવ્યા હતા. આ રીતે ભારતને ઈંગ્લેન્ડ પર અત્યાર સુધીમાં 255 રનની મોટી લીડ મળી ગઈ છે.

Google ન્યુઝ માં જોડાવા માટે અહીં ક્લિક કરો :

kalpana Verat

2 years ago

IND vs ENG india stretch lead to 255 after Rohit Sharma, Shubman Gill centuries

IND vs ENG: ભારત ( India ) અને ઈંગ્લેન્ડ ( England ) વચ્ચે 5મી ટેસ્ટ ધર્મશાલા ( Dharmshala ) માં રમાઈ રહી છે. ભારતીય ટીમે ( Team India ) આ મેચમાં પણ પોતાની પકડ મજબૂત કરી લીધી છે. રોહિત શર્મા અને શુભમન ગિલે ( Shubhaman gill ) શાનદાર બેટિંગ કરી અને સદી ફટકારી. જ્યારે સરફરાઝ ખાન અને દેવદત્ત પડિકલે અડધી સદી ફટકારી હતી. દિવસની રમતના અંત સુધીમાં ટીમ ઈન્ડિયાએ 8 વિકેટ ગુમાવીને સ્કોર બોર્ડ પર 473 રન બનાવી લીધા છે.

Join Our WhatsApp Community

રોહિત-ગિલએ સદી ફટકારી

ભારતીય ટીમ ( Team India ) માટે બીજા દિવસની શરૂઆત મજબૂત રહી હતી. રોહિત શર્મા ( Rohit Sharma ) એ પોતાના ટેસ્ટ કરિયરની 12મી સદી ફટકારી અને 103 રનની શાનદાર ઇનિંગ રમી. જ્યારે શુભમન ગીલે ( Shubhman Gill ) 110 રન બનાવ્યા હતા. ગિલ અને રોહિતે બીજી વિકેટ માટે 171 રનની સારી ભાગીદારી કરી હતી.

સરફરાઝ-પડીક્કલે ટોન સેટ કર્યો

રોહિત-ગિલ પેવેલિયન પરત ફર્યા બાદ સરફરાઝ ખાન અને દેવદત્ત પડિકલે બેટથી સારું પ્રદર્શન કર્યું હતું. તોફાની સ્ટાઈલમાં રમતા સરફરાઝે માત્ર 55 બોલમાં પોતાની ફિફ્ટી પૂરી કરી હતી. સરફરાઝ 60 બોલમાં 56 રન બનાવીને આઉટ થયો હતો.

ટેસ્ટ ક્રિકેટમાં ડેબ્યૂ કરી રહેલા દેવદત્ત પડિકલે 103 બોલનો સામનો કરીને 65 રનની જોરદાર ઇનિંગ રમી હતી. જો કે જાડેજા, અશ્વિન અને ધ્રુવ જુરેલ બેટિંગથી કંઈ ખાસ બતાવી શક્યા ન હતા. અશ્વિન શૂન્ય પર આઉટ થયો ત્યારે જાડેજા ( Jadeja ) અને ધ્રુવ માત્ર 15-15 રન બનાવી શક્યા હતા.

આ સમાચાર પણ વાંચો : Ukraine war:રશિયામાં નોકરીની લાલચમાં છેતરાતા નહીં! ભારત સરકારે કરી અપીલ; વહેલી મુક્તિ માટે કરી રહ્યા છે પ્રયાસ..

ઇંગ્લિશ બોલરો લાચાર

ટેસ્ટના બીજા દિવસે ભારતીય બેટ્સમેનોએ ઈંગ્લેન્ડ ટીમના બોલરોને ખરાબ રીતે પછાડ્યા હતા. ઈંગ્લેન્ડ માટે શોએબ બશીર અમુક અંશે અસરકારક દેખાયો અને તેણે 4 વિકેટ લીધી. જોકે, બશીરે પણ 44 ઓવરમાં 170 રન આપ્યા હતા.

ટીમ ઈન્ડિયા મજબૂત સ્થિતિમાં

પ્રથમ દાવના આધારે ભારતીય ટીમની લીડ 255 રન છે. જસપ્રીત બુમરાહ અને કુલદીપ યાદવે 9મી વિકેટ માટે 45 રનની અતૂટ ભાગીદારી કરી હતી. કુલદીપ 27 રન અને બુમરાહ 19 રન પર બેટિંગ કરી રહ્યા છે.

ઉલ્લેખનીય છે કે ભારત અને ઈંગ્લેન્ડ વચ્ચેની પાંચ ટેસ્ટ મેચોની શ્રેણીની છેલ્લી મેચ ગુરુવાર, 7 માર્ચથી ધર્મશાલાના હિમાચલ પ્રદેશ ક્રિકેટ એસોસિએશન સ્ટેડિયમમાં શરૂ થઈ હતી. બે દિવસની રમત વીતી ગઈ. બીજા દિવસની રમતના અંતે ભારતનો સ્કોર 120 ઓવરમાં 8 વિકેટે 473 રન છે.