News Continuous Bureau | Mumbai
Michael Slater: ઓસ્ટ્રેલિયાના પૂર્વ ક્રિકેટર અને કોમેન્ટેટર માઈકલ સ્લેટરની મુસીબતોનો અંત આવવાના કોઈ સંકેત દેખાઈ રહ્યા નથી. મંગળવારે તેને કોર્ટમાંથી રાહત મળી નથી. ઘરેલું હિંસા સહિતના 19 આરોપોનો સામનો કરી રહેલા સ્લેટરને ક્વીન્સલેન્ડની અદાલતે જામીન ( Bail ) આપવાનો ઇનકાર કર્યો છે. જ્યારે ક્રિકેટરની જામીન અરજી ફગાવી દેવામાં આવી ત્યારે તે કોર્ટમાં જ બેહોશ થઈ ગયો. જામીન રદ થયા બાદ તેણે માથું નીચું કર્યું અને જેલમાં લઈ જતી વખતે તે નીચે પડી ગયો. પોતાના પગ પર ઉભા રહેવા માટે તેને મદદ લેવી પડી. મહત્વનું છે કે કોર્ટના નિર્ણય બાદ પૂર્વ કાંગારૂ ખેલાડીની ધરપકડ કરવામાં આવી છે. સ્લેટર છેલ્લા છ મહિનાથી આ કેસોને લઈને અલગ-અલગ તારીખે કોર્ટમાં હાજર થઈ રહ્યો છે.
Michael Slater : થોડો સમય જેલમાં વિતાવવો પડશે
મીડિયા રિપોર્ટ મુજબ ક્રિકેટર માઈકલ સ્લેટર વિરુદ્ધ ખોટી રીતે પીછો કરવો, ડરાવવા, ઘરેલુ હિંસા સહિત કુલ 19 કેસમાં કેસ ચાલી રહ્યો છે. સ્લેટર ક્વીન્સલેન્ડની કોર્ટમાં હાજર થયો, જ્યાં તેની જામીન અરજીની સુનાવણી થવાની હતી. મેજિસ્ટ્રેટનો નિર્ણય સ્લેટરની વિરુદ્ધ ગયો અને ન્યાયાધીશે તેને જામીન આપવાનો ઇનકાર કર્યો. આ પછી પૂર્વ કાંગારૂ ખેલાડીને ચક્કર આવ્યા અને કોર્ટમાં જ નીચે પડી ગયા. પોલીસના જણાવ્યા અનુસાર, સ્લેટર છેલ્લા છ મહિનાથી અનિચ્છનીય મેસેજ મોકલવા અને ફોન કરીને ધમકી આપવા જેવા આરોપોનો પણ સામનો કરી રહ્યો છે.
આ સમાચાર પણ વાંચો : અધધ 200 કરોડની પ્રોપર્ટી દાનમાં આપીને ગુજરાતના આ દંપતી લેશે દીક્ષા, ધન-દૌલત બધુ ત્યજી દીધું; જુઓ વિડિયો…
Michael Slater : આવી રહી છે કારકિર્દી
ખેલાડીની કારકિર્દી પર નજર કરીએ તો સ્લેટર, ઓસ્ટ્રેલિયા માટે 74 ટેસ્ટ રમ્યો છે અને તેણે 42 ની સરેરાશથી 5,312 રન બનાવ્યા છે. તો 42 વનડેમાં તેણે 24 રનની એવરેજથી 924 રન બનાવ્યા છે. તેણે 1993 થી 2003 દરમિયાન ઓસ્ટ્રેલિયા માટે આંતરરાષ્ટ્રીય ક્રિકેટ રમ્યું હતું. 2004 થી, તે ટીવી કોમેન્ટેટર તરીકે દેખાયો હતો.
