News Continuous Bureau | Mumbai
Rohit Sharma In International Cricket: ભારતીય કેપ્ટન રોહિત શર્મા (Indian Captain Rohit Sharma) વેસ્ટ ઈન્ડિઝ સામે રમાયેલી પ્રથમ ટેસ્ટ મેચમાં શાનદાર ફોર્મમાં જોવા મળ્યો હતો. તેણે 10 ચોગ્ગા અને 2 છગ્ગાની મદદથી 103 રનની સદીની ઇનિંગ રમી હતી. ટેસ્ટ ક્રિકેટ (Test Cricket) માં રોહિત શર્માની આ 10મી સદી હતી. આ મેચમાં ટીમ ઈન્ડિયાએ એક ઈનિંગ અને 141 રનથી જીત મેળવી હતી. આ મેચમાં 2 સિક્સર ફટકારીને ભારતીય કેપ્ટને એક ખાસ રેકોર્ડ પોતાના નામે કરી લીધો હતો.
વાસ્તવમાં, રોહિત શર્માએ તેની આંતરરાષ્ટ્રીય કારકિર્દીમાં 400 (401) છગ્ગાનો આંકડો પાર કર્યો છે, જે તેણે ફક્ત તે જ મેચોમાં ફટકાર્યો છે જેમાં ભારતીય ટીમ જીતી છે. રોહિત શર્મા ટીમની જીતમાં 400 સિક્સરનો આંકડો પાર કરનાર પ્રથમ ખેલાડી બન્યો. આ યાદીમાં પાકિસ્તાનનો પૂર્વ ખેલાડી શાહિદ આફ્રિદી (Shahid Afridi) 299 છગ્ગા સાથે બીજા નંબર પર અને વેસ્ટ ઈન્ડિઝનો ક્રિસ ગેલ (Chris Gale) 276 છગ્ગા સાથે ત્રીજા નંબર પર છે.
ટીમની જીતમાં સૌથી વધુ આંતરરાષ્ટ્રીય છગ્ગા
રોહિત શર્મા – 401 છગ્ગા.
શાહિદ આફ્રિદી – 299 છગ્ગા.
ક્રિસ ગેલ- 276 છગ્ગા.
આંતરરાષ્ટ્રીય ક્રિકેટમાં સૌથી વધુ છગ્ગા મારનાર બીજો બેટ્સમેન
ઇન્ટરનેશનલ કરિયરમાં સૌથી વધુ સિક્સ ફટકારવાના મામલે રોહિત શર્મા બીજા નંબર પર છે. તેણે અત્યાર સુધીમાં 529 સિક્સર ફટકારી છે. જ્યારે વેસ્ટ ઈન્ડિઝનો ક્રિસ ગેલ 553 ઈન્ટરનેશનલ સિક્સર સાથે નંબર વન પર છે. ક્રિસ ગેલે 483 મેચમાં આ સિક્સર ફટકારી છે. આ સાથે જ રોહિત શર્માએ 442 મેચમાં 529 સિક્સર ફટકારી છે.
આ સમાચાર પણ વાંચો : Indian Economy: ટોચની અમેરિકન ફાઇનાન્સ કંપનીએ કહ્યું આ 5 કારણો, જેના કારણે આ દાયકો ભારતનો રહેશે, મોદી સરકારના કર્યા વખાણ
અત્યાર સુધીની આંતરરાષ્ટ્રીય કારકિર્દી
રોહિત શર્મા અત્યાર સુધીમાં 51 ટેસ્ટ, 243 વનડે અને 148 ટી20 આંતરરાષ્ટ્રીય મેચ રમી ચૂક્યો છે. ટેસ્ટની 86 ઇનિંગ્સમાં તેણે 45.97ની એવરેજથી 3540 રન બનાવ્યા છે. આ સિવાય તેણે વનડેમાં 48.63ની એવરેજથી 9825 રન અને T20 ઈન્ટરનેશનલમાં 31.32ની એવરેજ અને 139.24ની સ્ટ્રાઈક રેટથી 3853 રન બનાવ્યા છે. અત્યાર સુધીમાં ત્રણેય ફોર્મેટમાં તેના બેટમાંથી 44 સદી અને 91 અડધી સદી નીકળી છે.
