U-19 Women’s T20 World Cup Semi-Final : અંડર 19માં મહિલા ભારતીય ટીમે રચ્યો ઇતિહાસ, ઇંગ્લેન્ડને હરાવીને ફાઇનલમાં બનાવી જગ્યા

U-19 Women's T20 World Cup Semi-Final : ભારતે અંડર 19 મહિલા T20 વર્લ્ડ કપ 2025 ની ફાઇનલમાં જગ્યા બનાવી લીધી છે. આજે ટીમ ઈન્ડિયાએ સેમિફાઇનલમાં ઈંગ્લેન્ડને હરાવ્યું. ભારતીય અંડર 19 ટીમે આ મેચ 9 વિકેટથી જીતી લીધી. ટીમ ઈન્ડિયા માટે જી કમલિનીએ શાનદાર પ્રદર્શન કર્યું અને અણનમ અડધી સદી ફટકારી. તેણે 50 બોલમાં 56 રનની ઇનિંગ રમી.

Google ન્યુઝ માં જોડાવા માટે અહીં ક્લિક કરો :

kalpana Verat

2 years ago

U-19 Women's T20 World Cup Semi-Final Defending champions India enter Women's U19 T20 World Cup final

U-19 Women’s T20 World Cup Semi-Final :ભારતીય અંડર-19 મહિલા ક્રિકેટ ટીમે મલેશિયામાં રમાઈ રહેલા ICC અંડર-19 મહિલા T20 ક્રિકેટ વર્લ્ડ કપ 2025 ની ફાઇનલમાં જગ્યા બનાવી લીધી છે. આજે કુઆલાલંપુરમાં ભારત અને ઇંગ્લેન્ડ વચ્ચે બીજી સેમિફાઇનલ રમાઈ હતી. આ મેચમાં ભારતે ઈંગ્લેન્ડને 9 વિકેટથી હરાવીને ફાઇનલમાં શાનદાર એન્ટ્રી કરી છે. આ સાથે, ભારતીય ટીમ સતત બીજા ફાઇનલમાં પહોંચી છે.

Join Our WhatsApp Channel

𝗜𝗻𝘁𝗼 𝗧𝗵𝗲 𝗙𝗶𝗻𝗮𝗹! 👏 👏

The unbeaten run in the #U19WorldCup continues for #TeamIndia! 🙌 🙌

India march into the Final after beating England by 9⃣ wickets and will now take on South Africa in the summit clash! 👌 👌

Scorecard ▶️ https://t.co/rk4eoCA1B0 #INDvENG pic.twitter.com/n3uIoO1H1Q

— BCCI Women (@BCCIWomen) January 31, 2025

U-19 Women’s T20 World Cup Semi-Final :પ્રથમ બેટિંગ કરતા ઇંગ્લેન્ડે 8 વિકેટ ગુમાવીને 113 રન બનાવ્યા

પ્રથમ બેટિંગ કરતા ઇંગ્લેન્ડે 8 વિકેટ ગુમાવીને 113 રન બનાવ્યા. આ દરમિયાન ઓપનર ડેવિના પેરિને 45 રનની ઇનિંગ રમી. તેણે 40 બોલનો સામનો કર્યો અને 6 ચોગ્ગા અને 2 છગ્ગા ફટકાર્યા. ટ્રોડી જોહ્ન્સને 25 બોલનો સામનો કરીને 30 રન બનાવ્યા. તેણે 3 ચોગ્ગા અને 1 છગ્ગો ફટકાર્યો. આ દરમિયાન ભારત તરફથી આયુષી શુક્લાએ 2 વિકેટ લીધી. તેણે 4 ઓવરમાં 21 રન આપ્યા. પારુણિકા અને વૈષ્ણવી શર્માએ 3-3 વિકેટ લીધી.

U-19 Women’s T20 World Cup Semi-Final :ટીમ ઈન્ડિયાએ 15 ઓવરમાં મેચ જીતી લીધી –

ઇંગ્લેન્ડ દ્વારા આપવામાં આવેલા લક્ષ્યનો પીછો કરતી ટીમ ઇન્ડિયાએ માત્ર 15 ઓવરમાં જ મેચ જીતી લીધી. ભારત તરફથી જી કમલિની અને જી ત્રિશા ઓપનિંગ કરવા આવ્યા. આ દરમિયાન ત્રિશાએ 29 બોલનો સામનો કરીને 35 રન બનાવ્યા. તેણે 5 ચોગ્ગા ફટકાર્યા. જ્યારે કમલિનીએ અડધી સદી ફટકારી હતી. તેણે 50 બોલમાં અણનમ 56 રન બનાવ્યા. કમલિનીની ઇનિંગમાં 8 ચોગ્ગાનો સમાવેશ થતો હતો. સાનિકા ચાલકે 11 રન બનાવી અણનમ રહી. તેણે ચોગ્ગો ફટકાર્યો.

આ સમાચાર પણ વાંચો: રણજીમાં જમ્મુ-કાશ્મીરે ઇતિહાસ રચ્યો, સ્ટાર્સથી ભરપૂર મુંબઈને હરાવ્યું;10 વર્ષ પછી હાંસલ કરી આ સિદ્ધિ…

U-19 Women’s T20 World Cup Semi-Final :ભારતે સતત 6 મેચ જીતી –

જણાવી દઈએ કે ટીમ ઈન્ડિયા 2025ના અંડર 19 મહિલા ટી20 વર્લ્ડ કપમાં હજુ સુધી એક પણ મેચ હાર્યું નથી. ભારતે વેસ્ટ ઈન્ડિઝ, મલેશિયા, શ્રીલંકા, બાંગ્લાદેશ અને સ્કોટલેન્ડને હરાવ્યા. ટીમ ઈન્ડિયાએ સેમિફાઇનલમાં ઈંગ્લેન્ડને કચડી નાખ્યું છે.