ન્યુઝ કન્ટિન્યુઝ બ્યુરો
મુંબઈ, ૬ જુલાઈ ૨૦૨૧
મંગળવાર
ફિલ્મ 'હંગામા-2'નું પહેલું ગીત 'ચુરા કે દિલ..' રિલીઝ થઈ ગયું છે. આ ગીત 1994માં આવેલી ફિલ્મ 'મૈં ખિલાડી તૂ અનાડી'નું છે. 25 વર્ષ બાદ આ ગીતમાં શિલ્પા શેટ્ટી તથા જાવેદ જાફરીનો દીકરો મિઝાન જોવા મળે છે. ઓરિજિનલ ગીતમાં અક્ષયકુમાર તથા શિલ્પા શેટ્ટી હતાં.
શિલ્પાએ હાલમાં જ ગીતની ઝલક શૅર કરીને કહ્યું હતું, 'આ છે જૂની વાઇન, નવી બોટલમાં. ઓરિજિનલ અક્ષયકુમારે યાદ કરી રહી છું, પરંતુ હાલમાં તો મિઝાનનું દિલ જીતવું છે. પ્રિયદર્શનના ડિરેક્શનમાં બનેલી 'હંગામા-2'ના ગીત 'ચુરા કે…'ને બેની દયાલ તથા અનમોલ મલિકે અવાજ આપ્યો છે. સંગીત અનુ મલિકે તૈયાર કર્યું છે. ગીતને બ્રિન્દ્રા માસ્ટરે કોરિયોગ્રાફ કર્યું છે.
આ અભિનેત્રીને હાર્ટ અટેક આવતા હોસ્પિટલમાં ભરતી, હાલત ગંભીર ; જાણો વિગતે
શિલ્પા શેટ્ટીએ આ ગીત અંગે કહ્યું હતું કે 'ચુરા કે દિલ મેરા..' તેની કરિયરમાં માઇલસ્ટોન સાબિત થયું હતું. આ ગીત હંમેશાં તેના માટે ખાસ રહેશે. રીમિક્સ સૉન્ગ અંગે તે ઉત્સાહી છે. 25 વર્ષ બાદ આ ગીત તેના માટે પડકારરૂપ હતું. આશા છે કે દર્શકોને આ ગીત પસંદ આવશે.
