ન્યુઝ કન્ટિન્યુઝ બ્યુરો
મુંબઈ, 15 નવેમ્બર 2021
સોમવાર
ફરી એકવાર બોલિવૂડ અભિનેત્રી ઐશ્વર્યા રાય બચ્ચન પોતાના પરિવાર સાથે વેકેશન માણવાને કારણે ચર્ચામાં છે. તે અભિનેતા પતિ અભિષેક બચ્ચન અને પુત્રી આરાધ્યા સાથે માલદીવમાં વેકેશન માણી રહી છે. આ વાતની જાણકારી ખુદ ઐશ્વર્યા રાય બચ્ચને સોશિયલ મીડિયા દ્વારા આપી છે. ઐશ્વર્યા રાય બચ્ચન સોશિયલ મીડિયા પર ઘણી એક્ટિવ રહે છે. તે પોતાના ફેન્સ સાથે જોડાયેલા રહેવા માટે ઘણીવાર ખાસ તસવીરો અને વીડિયો શેર કરતી રહે છે. ઐશ્વર્યા રાય બચ્ચને તેના ઓફિશિયલ ઈન્સ્ટાગ્રામ એકાઉન્ટ પર એક તસવીર શેર કરી છે. તેની આ તસવીર માલદીવની છે. આ તસવીરમાં સુંદર વૃક્ષો અને માલદીવનો વાદળી સમુદ્ર દેખાઈ રહ્યો છે. આ તસવીર શેર કરતા ઐશ્વર્યા રાય બચ્ચને તેના કેપ્શનમાં લખ્યું, 'સૂરજ… હવા… અને જન્નત.'
આ કેપ્શનમાં ઐશ્વર્યા રાય બચ્ચને માલદીવના રિસોર્ટને પણ ટેગ કર્યું છે જ્યાં તે પરિવાર સાથે રહી રહી છે. તે, અભિષેક બચ્ચન અને પુત્રી આરાધ્યા માલદીવમાં જ્યાં રોકાયા હતા તે રિસોર્ટનું નામ અમીલા માલદીવ્સ રિસોર્ટ એન્ડ રેસિડેન્સી છે. એક વેબસાઈટ ના સમાચાર અનુસાર, તે માલદીવના સુંદર રિસોર્ટ અને વિલામાંથી એક છે. તેની અંદર વોટર વિલા અને ખાનગી પૂલ પણ છે. ઐશ્વર્યા રાય બચ્ચનની સોશિયલ મીડિયા પોસ્ટને જોઈને કહી શકાય કે તે અમીલા માલદીવ રિસોર્ટ અને રેસિડેન્સી વચ્ચેના આવાસમાં રહી રહી છે. જેની અંદર 4-8 બેડરૂમ છે. અમીલા માલદીવ્સ રિસોર્ટ અને રેસિડન્સીમાં એક રાત્રિ રોકાણનું ભાડું લગભગ 4.5 લાખ રૂપિયા છે. આ દિવસોમાં માલદીવમાં પીક વેકેશનનો સમય ચાલી રહ્યો છે. આવી સ્થિતિમાં, અમીલા માલદીવ રિસોર્ટ અને રેસિડન્સીની કિંમત પણ દરરોજ બદલાય છે.
ઐશ્વર્યા રાય બચ્ચનના વર્કફ્રન્ટની વાત કરીએ તો તે ટૂંક સમયમાં તમિલ ફિલ્મ 'પોનીયિન સેલવાન'માં જોવા મળશે. જો રિપોર્ટ્સનું માનીએ તો તે અનુરાગ કશ્યપની ગુલાબ જામુનમાં પણ જોવા મળી શકે છે. ઐશ્વર્યા રાય છેલ્લે ફિલ્મ 'ફન્ને ખાન'માં જોવા મળી હતી. આ ફિલ્મમાં તેની સાથે રાજકુમાર રાવ અને અનિલ કપૂર મુખ્ય ભૂમિકામાં હતા. ફિલ્મ 'ફન્ને ખાન' વર્ષ 2018માં રિલીઝ થઈ હતી.
