ઓસ્કાર એ સિનેમા જગતનો સૌથી પ્રતિષ્ઠિત એવોર્ડ છે. આ વર્ષે કેલિફોર્નિયાના લોસ એન્જલસના ડાલ્બી થિયેટરમાં 94મો એકેડેમી એવોર્ડ યોજાયો હતો. ઓસ્કાર 2022માં જે ફિલ્મોને ઓસ્કાર એવોર્ડ આપવામાં આવ્યો છે તેમાંથી મોટાભાગની ફિલ્મો તમે તમારા ઘરે બેસીને તમારા પરિવાર સાથે જોઈ શકો છો. આમાંથી કેટલીક મૂવીઝ નેટફ્લિક્સ પર ઉપલબ્ધ છે, જ્યારે કેટલીક એમેઝોન પ્રાઇમ વીડિયો પર ઉપલબ્ધ છે. ચાલો તમને જણાવીએ કે કઈ ફિલ્મ કયા OTT પ્લેટફોર્મ પર હાજર છે.
'ડ્યુન' આવી જ એક ફિલ્મ છે, જેણે છ કેટેગરીમાં એવોર્ડ જીત્યા છે. આ ફિલ્મે બેસ્ટ સિનેમેટોગ્રાફી, બેસ્ટ ફિલ્મ એડિટિંગ, બેસ્ટ સ્કોર, બેસ્ટ વિઝ્યુઅલ ઈફેક્ટ્સ, બેસ્ટ પ્રોડક્શન અને બેસ્ટ સાઉન્ડ કેટેગરીમાં ઓસ્કાર જીત્યા હતા. આ ફિલ્મ એમેઝોન પ્રાઇમ પર ઉપલબ્ધ છે.
કોડા
આ વર્ષે બેસ્ટ ફિલ્મનો એવોર્ડ જીતનારી ફિલ્મ 'કોડા' એક એવા પરિવારની વાર્તા કહે છે જે સાંભળી શકતો નથી. આ ફિલ્મ મોટે ભાગે સાઈન લેંગ્વેજ દ્વારા દર્શકો સુધી પોતાનો મુદ્દો પહોંચાડે છે. આ ફિલ્મ તમે Amazon Prime Video પર જોઈ શકો છો.
ધ પાવર ઓફ ધ ડોગ
આ ફિલ્મ થોમસ સેવેજની 1967ની નવલકથા પર આધારિત છે. તે બે ભાઈઓની વાર્તા દર્શાવે છે, જેમના એકબીજા સાથેના સંબંધો બગડતા જાય છે. આ ફિલ્મ માટે જેન કેમ્પિયનને બેસ્ટ ડાયરેક્ટ એવોર્ડ મળ્યો હતો. આ ફિલ્મ નેટફ્લિક્સ પર જોઈ શકાશે.
નો ટાઈમ ટુ ડાઈ
આ વર્ષે જેમ્સ બોન્ડ સિરીઝની ફિલ્મ 'નો ટાઈમ ટુ ડાઈ'એ બે ઓસ્કર જીત્યા છે. ફિલ્મને બેસ્ટ વિઝ્યુઅલ ઈફેક્ટ્સ અને બેસ્ટ સાઉન્ડ કેટેગરીમાં એવોર્ડ મળ્યા હતા. આ ફિલ્મ તમે Amazon Prime Video પર જોઈ શકો છો.
