ન્યુઝ કન્ટિન્યુઝ બ્યુરો
મુંબઈ, 27 ડિસેમ્બર 2021
સોમવાર
જેકી શ્રોફ બોલિવૂડના દિગ્ગજ અભિનેતાઓમાંના એક છે. ફિલ્મો ઉપરાંત તે પોતાના અંગત જીવન અંગેના ખુલાસા કરવાને કારણે પણ ચર્ચામાં રહે છે. અત્યાર સુધી જેકી શ્રોફે પોતાના ઘણા ઈન્ટરવ્યુમાં મોટા ખુલાસા કર્યા છે. ફરી એકવાર તેણે પોતાના અંગત જીવન વિશે ચોંકાવનારો ખુલાસો કર્યો છે. જેકી શ્રોફે ખુલાસો કર્યો છે કે એકવાર તેના પિતાએ તેના ભાઈના મૃત્યુની આગાહી કરી હતી.
અભિનેત્રી ટ્વિંકલ ખન્નાના ટોક શો ટ્વીક ઈન્ડિયામાં પીઢ અભિનેતાએ આ વાતનો ખુલાસો કર્યો હતો. આ દરમિયાન જેકી શ્રોફે કહ્યું કે કેવી રીતે તેના પિતાએ એક વખત ભવિષ્યવાણી કરી હતી અને તે સાચી પડી. જેકી શ્રોફ જણાવે છે કે તેના જ્યોતિષી પિતાએ એકવાર તેના મોટા ભાઈને ભવિષ્યવાણી કરી હતી કે તે દરિયામાં ડૂબીને મરી જશે. જેકી તે સમયે દસ વર્ષનો હતો અને તેને અન્ય કોઈ ભાઈ-બહેન નહોતા.
જેકી શ્રોફે ટ્વિંકલ ખન્નાને કહ્યું, 'પિતાએ ભાઈને કહ્યું, આજનો દિવસ ખરાબ છે, બહાર ન જા. તે સેન્ચ્યુરી મિલ્સમાં કામ કરતો હતો. પિતાએ તેને કહ્યું કે આજે તું મિલમાં ન જા. અને તે ગયો ન હતો. પરંતુ તે કોઈને બચાવવા દરિયામાં કૂદી પડ્યો અને ડૂબી ગયો. તે તરી શકતો ન હતો. તેથી જ તેણે કહ્યું કે તે ખરાબ દિવસ હતો કારણ કે મારો ભાઈ મૃત્યુ પામ્યો હતો.જેકી શ્રોફે અભિનેત્રીને આગળ કહ્યું, 'પિતાએ મને લઈ ને પણ ભવિષ્યવાણી કરી હતી કે હું એક્ટર બનીશ અને હું બન્યો. તે નટુભાઈ અંબાણી અને કોકિલાબેન અંબાણીની ખૂબ નજીક હતા. પિતાએ તેમને કહ્યું કે એક દિવસ તારો પતિ બહુ મોટો માણસ બનશે. ત્યારે ધીરુભાઈએ તેના પિતાને કહ્યું કે તે ગાંડા થઈ ગયા છે. આ સિવાય જેકી શ્રોફે પોતાના વિશે ઘણા ખુલાસા કર્યા.
આ પહેલા જેકી શ્રોફ અમિતાભ બચ્ચનના શો KBC 13માં ભાગ લેવાના કારણે ચર્ચામાં હતો. આ શોમાં અમિતાભ બચ્ચને જેકી શ્રોફને એક ખૂબ જ ખાસ વસ્તુ ભેટમાં આપી હતી. બિગ બીએ તેમને ગિફ્ટમાં બો ટાઈ આપી હતી. જેકી શ્રોફે પોતે સોશિયલ મીડિયા દ્વારા આ માહિતી આપી હતી.જેકી શ્રોફ તેના ફેન્સ સાથે જોડાયેલા રહેવા માટે સોશિયલ મીડિયા પર અવારનવાર તસવીરો અને વીડિયો શેર કરે છે. તેણે પોતાના ઓફિશિયલ ઈન્સ્ટાગ્રામ એકાઉન્ટ પર બો ટાઈની તસવીર શેર કરી છે. તે બો ટાઈ જેકી શ્રોફને કેબીસી 13 ના સેટ પર અમિતાભ બચ્ચને ભેટમાં આપી હતી.
